34-ամյա Նատաշա Ուոլսլիմը համակարգչային հայտնի՝ Candy Crush խաղի մոլի երկրպագուներից է: Նատաշան խաղին ծանոթացել է չորս տարի առաջ, երբ ընկերներից մեկը Facebook սոցիալական ցանցում նրան խաղալու առաջարկ էր ուղարկել: Կինը խոստովանում է, որ երբ առաջին անգամ սկսեց խաղալ, չէր էլ կարող պատկերացնել, թե ինչ հետեւանքներ այն կարող է առաջացնել: Նատաշայի մոտ աննորմալ կախվածություն է առաջացել խաղի հանդեպ, որից նա տարիներ շարունակ չի կարողացել ձերբազատվել, ինչի պատճառով նրանից հեռացել է ընկերը, նրան հեռացրել են աշխատանքից, եւ նա մեծ պարտքեր է կուտակել:
«Լինում էին օրեր, երբ ես օրը 18 ժամ այդ խաղն էի խաղում: Անգամ այն փաստը, որ երեխայիս հայրն ինձ լքեց, ինձ համար դաս չեղավ: Քանի որ խաղն իմ բջջայինում կար, ես այն անդադար խաղում էի՝ թե աշխատանքի ժամանակ, թե երեխային դպրոց տանելիս, թե լոգանք ընդունելիս, եւ թե զուգարանում: Երբեմն երեխայիս մոռանում էի դպրոցից վերցնել, քանի որ չէի նկատում, թե ինչպես է անցնում ժամանակը: Եղել է, երբ ինձ հատուկ զանգահարել են, որպեսզի գնամ Թայլորին տուն բերեմ: Անգամ սուպերմարկետում իմ աշխատանքը կորցրեցի, երբ տնօրենը նկատեց, թե որքան եմ տարված այդ խաղով: Բայց այդ ժամանակ դա ինձ ոչ մի գրամ չհուզեց»,-խոստովանում է կինը՝ հավելելով, որ մի քանի ամիս շարունակ մազերն անգամ չի լվացել խաղալու պատճառով: Երբեմն էլ Նատաշան գիշերվա կեսին էր արթնանում եւ շարունակում խաղալ:
Ըստ բժիշկների՝ համակարգչայի խաղերից կախվածությունը եւս հիվանդություն է, այնպիսին, ինչպիսին թմրանյութերից եւ ալկոհոլից կախվածության դեպքում է: Նկատելով դստեր կյանքի անհաջողությունները՝ Նատաշայի մայրը դիմում է բժիշկի: Այժմ Նատաշան բուժմամ կուրս է անցնում:
«Հիմա եմ հասկանում, թե որքան ցավալի է, որ սիրելիս այլեւս չի ցանկանում ինձ մոտ վերադառնալ: Այժմ էլ երբեմն գիշերվա ժամերին արթնանում եմ խաղալու մոլուցքով, բայց հենց նման բան է լինում, անմիջապես զանգահարում եմ բժիշկիս, եւ մենք այնքան ենք զրուցում, մինչեւ նա ինձ համոզում է չխաղալ: Գիտեմ, որ իմ կյանքն առայժմ առաջվանը չէ, բայց ես ամեն ինչ անում եմ փոխվելու եւ երեխայիս ավելի շատ ժամանակ տրամադրելու համար»,-ասում է նա:
Աղբյուրը՝ Mirror.co.uk
Հետևեք NEWS.am STYLE-ին Facebook-ում, Twitter-ում և Instagram-ում
23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով