• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

•  «Սելֆիի մշակույթը» մարդկանց ստիպում է դիմել պլաստիկ վիրահատությունների, որպեսզի նմանվեն ֆիլտրացված լուսանկարներին

  «Սելֆիի մշակույթի» արդյունքում օգտատերերը զարգացրել են «Snapchat դիսմորֆիա» և սկսել են ուղիներ փնտրել իրենց ֆիլտրացված պատկերները ստանալու համար...

• Համաշխարհային հետազոտությունը հայտնաբերել է պոռնոգրաֆիայի դիտման «խնդրահարույց» կողմերը

  Կանադացի հոգեբանի կողմից իրականացված խոշոր միջազգային հետազոտությունը լույս է սփռում մի թաքնված երեւույթի վրա․․․

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Գիտնականները պարզել են, որ տղամարդկանց եւ կանանց ուղեղը տարբեր կերպ է աշխատում

  Տղամարդկանց եւ կանանց ուղեղը տարբեր կերպ է աշխատում: Սթենֆորդի համալսարանի գիտնականների ուսումնասիրությունները ցույց են տվել․․․

• Ինչպիսի՞ն է սեքսը նարցիստի հետ

  Նարցիստները աղետ են, երբ խոսքը վերաբերում է ինտիմ հարաբերությունների գրեթե բոլոր կողմերին․․․

Ինչո՞ւ են կանայք սիրահարվում ամուսնացած տղամարդկանց

Եթե մի կողմ թողնենք հարցի շահադիտական կողմը, երբ երիտասարդ կանայք ամուսնացածներին ընտրում են նրանց հարստության համար, ապա մնացած դեպքերում նման կապի հիմնական պատճառը սիրո, երազանքի տղամարդու փնտրտուքն է: Իսկ ամուսնացած տղամարդիկ որպես կանոն ավելի լավ սիրեկաններ են, քանի որ ամուսնության ընթացքում հասցրել են ճանաչել կանանց ցանկությունները, նրանց սիրտը գրավելու, ղեկավարելու հնարքները, այդպիսի տղամարդիկ ավելի հասուն են, լուրջ: Եվ հետո, կանայք մտածում են, որ ամուսնացած տղամարդիկ ավելի հուսալի են, քանի որ կնոջից բացի, ուրիշի հետ իրենց այլևս չեն դավաճանի: Ոչինչ, որ նման կարծիքներն ավելի շատ ինքնախաբկանք են:

Ուստի նրան հանդիպելով՝ կինը ոչ մի կերպ չի կարողանում բաժանվել ու մոռանալ՝ անգամ եթե այդ տղամարդն ամուսնացած է և իր ընտանիքն ունի: Եվ, իհարկե, կինն ակնկալում է, որ սիրեկանն անպայման կթողնի կնոջը և կամուսնանա իր նոր ընտրյալի հետ: Երբեմն նման մտքերն ու սպասումներն ամրապնդվում են հենց տղամարդու տված խոստումների պատճառով: Եվ այդ ժամանակ կինը դիմանում է բաժանման, սպասման դժվարություններին, սթրեսներին և անգամ տառապում՝ հատկապես եթե խոստումները կեղծ են լինում: Հետաքրքիր է, ինչու է կինը դիմանում այդ ամենին՝ մի կողմ դնելով ինքնասիրությունը: Պարզվում է՝ կանայք գենետիկորեն ավելի դիմացկուն են, համբերատար, հեշտ համակերպվող, ինչն էլ նրանց երկակի իրավիճակիների գերի է դարձնում:

Մասնագետները պնդում են՝ եթե կինը հանդիպում է ամուսնացած տղամարդկանց հետ և սիրավեպ սկսում, ապա նա զոհի բարդույթով է տառապում, ով մտածում է, թե սերը հենց այնպես մարդուն չի տրվում: Դրան միայն կարելի է արժանանալ՝ զոհաբերելով սեփական անձը: Ուրիշների ամուսինների հետ սիրային հարաբերություններ ստեղծող կանայք հենց այդպես էլ մտածում են: Նրանք պատրաստ են տարիներ շարունակ սպասել, ինչպես իրենց թվում է, երազանքների տղամադուն՝ զոհաբերելով ընտանեկան երջանկության իրենց բոլոր հնարավորությունները: Նման զոհաբերություններով կինը փորձում է արժանանալ տղամարդու սիրուն, ուշադրությանը, համատեղ կյանք ստեղծելու հեռանկարին: Բայց վիճակագրական տվյալների համաձայն՝ ամուսնացած տղամարդկանց միայն 5 տոկոսն է, որ հանուն սիրուհու թողնում է կնոջն ու ընտանիքը: Ի սկզբանե ամուսնացած տղամադու հետ հարաբերություններն անհեռանկարային են և դատապարտված են ձախողման:

Ի՞նչ կարող է ստանալ կինը նման հարաբերություններից

Որքան էլ սիրուհիների դերում հայտնված կանայք փորձեն խաբել իրենց, թե սիրուհի լինելը շահեկան է, քանի որ պարտադրված չեն կենցաղավարությամբ զբաղվել՝ հավաքել տղամարդու հետևից, նրանց համար սնունդ պատրաստել, լվացք անել, այնուամենայնիվ պետք է խոստովանել, որ սիրուհին միշտ երկրորդական դերում կլինի տղամարդու համար: Եվ միշտ ընտրության անհրաժեշտության դեպքում՝ տղամարդը կընտրի սեփական ընտանիքը: Լինել սիրուհի նշանակում է, որ կինը զրկված է տղամարդու հետ բացեիբաց հասարակակնա վայրերում հայտնվելու, իրենց զգացմունքների ու հարաբերությունների մասին ազատորեն խոսելու, համատեղ երեխաներ և ապագա ունենալու հնարավորությունից և մի օր էլ կարող է միայնակ մնալ: Իսկ եթե հանկարծ այնպես ստացվ, որ կինն այդ տղամարդուց երեխա ունենա, ապա նա էլ իր մայրիկի պես միշտ երկրորդական տեղում կլինի:

Ինչպե՞ս ազատվել սիրային եռանկյունուց

Նման հարաբերություններում պետք չէ ինքնախաբեությամբ զբաղվել, և եթե շփման առաջին ամիսներին արդեն իսկ ձեզ համար պարզ է դառնում, որ տղամարդը պատրաստ չէ նոր հարաբերությունների և չի ուզում լքել իր ընտանիքը, ապա ավելի լավ է փնտրել ձեզ արժանի, չամուսնացած տղամարդու, ում հետ կկարողանաք ընտանիք կազմել: Ի վերջո զուր չեն ասում, որ ուրիշի վշտի վրա հնարավոր չէ երջանկություն կառուցել:

Ուրիշի տղամարդու հետ հարաբերություններում առաջնայինը ձեր երջանկությունը դարձրեք: Մի վախեցեք լրջորեն խոսել նրա հետ և հստակություն պահանջել: Եթե տղամարդը խոստանում է, որ կամուսնանա ձեզ հետ, ապա ձգտեք հստակեցնել ամուսնության ժամկետները, դրա հետ կապված մանրամասները: Իսկ եթե նա դրանից հետո նորանոր պատճառներ է ներկայացնում իր ամուսնալուծությունն ու ձեզ հետ հարսանիքը հետաձգելու համար, անհապաղ բաժանվեք նրանից: Վստահ եղեք, այդպիսի տղամարդը երբեք վճռական քայլի չի գնա:

Եթե ինքնուրույն չեք կարողանում բաժանվել, դիմեք հոգեբանի օգնությանը: Փորձը ցույց է տվել, որ 40 տարեկանից հետո երջանկություն գտնելու շանսերը զգալիորեն նվազում են ամեն անցնող տարվա հետ: Բացի դա, որքան շատ ժամանակ է անցնում, այնքան կինն ավելի է կապվում տվյալ տղամարդու հետ, վարժվում նրան: Իսկ այդպես տարեցտարի բաժանումն ավելի է դժվարանում, ինչը կկործանի ձեր կյաքը: Իսկ կյանքը մեկ անգամ է տրվում և սեփական երջանկությունը կառուցելու, սիրող ամուսին ու երջանիկ երեխաներ ունենալու հնարավորություն այլևս երբեք չի տրվի ձեզ, եթե ուրիշ տղամարդու համար այդպես էլ տեղ չգտնեք ձեր սրտում: Քանի դեռ ձեր սիրտը զբաղված է ամուսնացած տղամարդով, ապա նման բան բացառվում է: Սիրեք և հարգեք ինքներդ ձեզ:

Հետևեք NEWS.am STYLE-ին Facebook-ում, Twitter-ում և Instagram-ում