NEWS.am STYLE-ը շարունակում է բացահայտել «Դեպի Եվրատեսիլի» այս եթերաշրջանի մասնակիցներին, որոնցից մեկին կհաջողվի ներկայացնել Հայաստանը Եվրոպայի ամենամեծ բեմերից մեկում: «Եվրատեսիլի» այս տարվա հնարավոր պատվիրակներից է նաեւ X Factor եւ «Պարահանդես» նախագծերից հայտնի Գեւորգ Հարությունյանը, որն անցած տարի էլ էր փորձել իր ուժերը «Դեպի Եվրատեսիլում», իսկ այս տարվա մրցույթին ներկայանալու է Աստղիկ Գրիգորյանի եւ Լիանա Արամյանի հետ միասին հեղինակած Stand Up երգով:
Ինչո՞ւ որոշեց կրկին մասնակցել մրցույթին, ի՞նչ է ցանկանում փոխանցել իր երգի միջոցով եւ ո՞ւմ է համարում գլխավոր մրցակից: Գեւորգը պատասխանել է մեզ հետաքրքրող բոլոր հարցերին.
«Ես «Եվրատեսիլի» մեծ երկրպագու եմ 2005 թվականից սկսած, եւ այս տարիների ընթացքում, երբ սկսեցի ստեղծագործել, բավականին շատ մտքեր եւ պատկերացումներ առանձնացրել էի հենց «Եվրատեսիլի» համար։ Երկար ժամանակ եմ սպասել, որպեսզի ստեղծվեր նման ֆորմատի մրցույթ։ Այս տարվա փոփոխությունն իսկապես շատ ճիշտ եմ համարում ու չէի կարող իմ երաժշտությունը ներկայացնելու այս հնարավորությունը բաց թողնել»,-ասում է նա:
Stand Up երգի տեքստը գրելիս Գեւորգին ոգեշնչել է երաժշտությունը.
«Իրականում երգի տեքստը գրելիս ինձ միշտ երաժշտությունն է ոգեշնչում, թելադրում։ Սրանում ես վերջնականապես համոզվեցի, երբ երգի դեմո տարբերակը լսելուց հետո ընդամենը 14 տարեկան աղջիկը գրեց այն մասին, ինչ թաքնված էր երաժշտության մեջ` մինչ ես կասեի երգի գաղափարը։ Երգի ասելիքն այն է, որ միշտ, ցանկացած պարագայում պետք է ոտքի կանգնել եւ պայքարել քո ցանկությունների եւ կյանքի համար»։
Մի շարք մրցույթների փորձ ունեցող երգիչը «Եվրատեսիլին» մասնակցության համար դա կարեւոր պայման չեմ համարում. «Շատ կարեւորում եմ, որ երգն ազդեցիկ լինի, կատարումը՝ լավ, իսկ բեմականացումը՝ համապատասխան այդ ամենին։ Պարզապես ինձ ճանաչում տվեցին հենց այդ շոուները։ Ես X Factor-ի ֆինալիստ լինելով, «Պարահանդես 4» նախագծում հաղթելով՝ ձեւավորեցի իմ լսարանը. իմ անմնացորդ երկրպագուներին գտել եմ այդ տարիներին։ Ոմանք բացահայտել են ինձ անցած տարի` «Դեպի Եվրատեսիլի» առաջին եթերաշրջանի ժամանակ, եւ ուրախ եմ, որ մինչեւ հիմա ինձ հետ են եւ սատարում են ինձ»,-ասում է երգիչը՝ հավելելով, որ արդեն որոշել է բեմադրության գաղափարը.
«Թիմը պատրաստ է արդեն աշխատանքը սկսելուն, սակայն բացահայտումներ չեմ ուզում անել, որպեսզի հետաքրքիր լինի»։
Գեւորգի հետ զրուցեցինք նաեւ մրցակիցների մասին: Երգիչն ասում է.
«Ինչպես արդեն նշեցի՝ ինձ համար առաջնայինը երգն է։ Թե ում են ավելի շատ սիրում, ով է ավելի հայտնի, ում մեջքին ով է կանգնած, այդ ամենն ինձ չի հետաքրքրում։ Կարծում եմ՝ հասարակությունը ռեալ կմտածի ու կհասկանա, որ եվրոպացի ունկնդրի համար բոլորս էլ մի մակարդակի վրա ենք եւ կարեւորությունը տալու են այդ 3 րոպեում իրենց տեսածին ու լսածին։ Բոլոր երգերը լսելուց հետո, անկասկած, կունենամ ինձ համար հավանական հաղթողներ»,-եզրափակեց նա:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ