«Դեպի Եվրատեսիլ» մրցույթի բոլոր 20 մասնակիցների երգերն արդեն հասանելի են համացանցում: Մինչ բուն մրցույթի մեկնարկը, NEWS.am STYLE-ը շարունակում է բացահայտել նախագծի մասնակիցներին: Մեր այսօրվա զրուցակիցը մասնագիտությամբ ծրագրավորող Արման Մեսրոպյանն է, որը մրցույթին ներկայանալու է Վահրամ Յանիկյանի հեղինակած What You Hide երգով:
Խոսելով իր մասին՝ երիտասարդ կատարողը նշում է, որ սպորտի մեծ սիրահար է, մասնավորապես շատ է սիրում ֆուտբոլ. Հայաստանում Real Madrid-ի ֆան ակումբի պաշտոնական անդամ է:
Ինչ վերաբերում է «Դեպի Եվրատեսիլին»՝ Արմանն այն շատ տրամադրող եւ հետաքրքիր է համարում. «Իմ եւ մտերիմ ընկերոջս նախաձեռնությամբ որոշեցինք այս եվրատեսիլյան շունչ ունեցող երգը ներկայացնել մրցույթին»,-ասում է նա՝ հավելելով, որ մրցույթի կանոններում տեղ ունեցած փոփոխոթյուններն իր կարծիքով ե՛ւ դրական կողմեր ունեն, ե՛ւ բացասական.
«Դրական է այն առումով, որ երգերը հասանելի կլինեն հանությանը: Մարդիկ կկարողանան իրենց նախընտրած երգն ուղարկել «Եվրատեսիլ», իսկ բացասական կողմն, իմ կարծիքով, սահմանափակ ընտրությունն է: Ընտրում է նաեւ ժյուրին, որն, իհարկե, բաղկացած է պրոֆեսիոնալներից, բայց հանրային ընտրությունն, ինձ թվում է, ավելի ճիշտ է: Միգուցե հենց այս տարի մենք կկարողանանք հաղթել, եւ չի լինի այն մշտապես կրկնվող խոսակցությունը, թե այս կամ այն մասնակցին էր պետք ուղարկել, հիմա հնարավորությունը բոլորի ձեռքերում է»:
Երգիչն իր մասնագիտական ձեռքբերումներից է համարում տարբեր մրցութային բեմերում ներկայանալը.
«Մասնակցել եմ բազմաթիվ մրցույթների, օրինակ՝ անցած տարվա ամռանը կայացած «Славянский Базар» մրցույթին, որտեղ ներկայացրել եմ մեր երկիրը: Ամեն նոր բեմ ինքնին մարտահրավեր է կատարողի համար, եւ հուզմունքը միշտ կա, բայց տարված աշխատանքը եւ անցած ճանապարհը ստիպում են լինել ավելի վստահ եւ կարողանալ տվյալ պահին ներկայանալ հնարավորությունների մաքսիմալ չափով»,-կարծում է նա:
Խոսելով իր մրցութային երգի մասին՝ Արմանն ասում է.
«Իրականում երգը «Դեպի Եվրատեսիլին» ներկայացնելու համար բավականին փոփոխվել է: Փորձել ենք այն ավելի եվրատեսիլյան դարձնել, չնայած՝ մենք ամեն տարի համոզվում ենք, որ չկա որեւէ ընդունված ֆորմատ այդ մրցույթում, եւ ամեն տարի հաղթում է մի երգ, որը տարբերվում է եւ յուրահատուկ տարրեր է պարունակում: Ամենապարզ օրինակը հենց վերջին հաղթողի երգն էր: Մենք նույնպես փորձել ենք ստեղծել մի երգ, որը ցանկացածին մոտ կլինի, բայց միեւնույն ժամանակ կտարբերվի: Չկա այս կյանքում մի մարդ, որին սերը չի գտնում: Իմաստի տեսանկյունից՝ այս երգը ստիպում է հիշել կյանքի հենց այն պահերը, երբ կար երջանկություն, եւ մտովի տեղափոխում է անցյալ՝ փորձելով սթափեցնել մարդկանց, որոնք հենց այս պահին միգուցե սխալ ճանապարհի վրա են»:
Զրույցի վերջում, իհարկե, հետաքրքրվեցինք, թե որ մասնակցին է երգիչը համարում իր գլխավոր մրցակիցը.
«Ինձ մրցակից համարում եմ մնացած բոլոր 19 մասնակիցներին :) Բայց սա իրականում մրցակցություն չէ, սա գեղեցիկ երաժշտական տոն է, որը պետք է վայելենք թե՛ մենք, թե՛ բոլոր նրանք, ովքեր հետաքրքրված են մրցույթով: Այս ամենն ունի ավարտ, իսկ ավարտից հետո մենք բոլորս ընկերներ ենք մնալու: Մենք նույնպես փորձում ենք գտնել լավագույնին, որպեսզի մեր եռագույնը եւս մեկ անգամ հիշեցնի ամբողջ Եվրոպային, որ մենք քիչ ենք, սակայն մեզ հայ են ասում»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ