Արսեն Սաֆարյան. «Քեզ հավատով գտա»

Պահարան. Ինչպես հագուստ ընտրել երեխաների համար

«Մանկական ձայնը»․ Միշան՝ Ստեփանակերտից

«Մեկ անգամ Հոլիվուդում» ֆիլմի առաջին թրեյլերը

Պահարան. Որտեղ ինչ կրել. Dress code-ի տեսակներն ու տարբերությունները

Ռոբերտ Բագրատյան․ «Մանկական ձայնը»՝ The Show Must Go On

«Ալադին» նոր ֆիլմի թրեյլերը

Սրբուկը ներկայացրեց եվրատեսիլյան երգի տեսահոլովակը

Պահարան. Unisex հագուստ

«Ինչպիսի երեխա, ֆանտաստիկ է». Սաշա Խարազյանը փայլել է «Մանկական ձայնը» շոուի ժամանակ

POPcorn blog. Հետաքրքրիր փաստ մարտի 8-ի մասին

«Երկու ուրվական». Project LA-ի նոր երգը՝ Վահան Տերյանի խոսքերով

Լույս է տեսել «Գահերի խաղի» վերջին եթերաշրջանի թրեյլերը

Պահարան.Նորաձեւ պրինտեր` գարնանն ընդառաջ

Համացանցում հայտնվել է Ռոբերտ Դե Նիրոյի եւ Ալ Պաչինոյի մասնակցությամբ ֆիլմի թիզերը

POPcorn blog. Ջուսը հարցազրույց է վերցնում Ջուսից

«Գիտեմ, որ սա Շառլ Ազնավուրի հայրենիքն է». «Տաքսի» ֆիլմի աստղ Սամի Նասերին ժամանեց Երևան

Լոլիտան՝ թմրադեղերից կախվածության եւ ոչ սթափ վիճակում ելույթների մասին

Exclusive. Քիմ Քարդաշյանի, Մել Բիի եւ Էշլի Գրեմի հայ դիմահարդարն իր աստղային հաճախորդների եւ հայ հայտնիների make up-ի մասին

12:05, 22 հունվարի

Աշխարհում տաղանդավոր հայերը շատ են, եւ NEWS.am STYLE-ը պարբերաբար իր ընթերցոներին ծանոթացնում է նրանց հետ: Այսօրվա մեր զրուցակիցը միջազգային ճանաչում ունեցող դիմահարդար Ռոբ Սարգսյանն է: Ռոբը 14 տարեկանից բնակվում է Լոս Անջելեսում: Դեռ մանկուց է հասկացել, որ իրեն դուր է գալիս դիմահարդարման արվեստը.

«Միշտ սիրել եմ make up-ի հետ կապված ամեն ինչ: Երբ փոքր էի, սիրում էի հետեւել, թե ինչպես են մայրս ու տատիկս շպարվում, ինձ դա հիացնում էր: Երբ մեծացա, երբեմն ինքս էի նրանց շպարում: Հետո մայրիկիս ընկերուհիներն այնքան հավանեցին իմ կատարած դիմահարդարումը, որ հաճախ ինձ էին խնդրում իրենց շպարել»,-հիշում է Ռոբը, որն այսօր դիմահարդարում է այնպիսի հայտնի աստղերի, ինչպիսիք են Քիմ Քարդաշյանը, Մել Բին, Ռեյչել Ռոյը, Էշլի Գրեմը, Դորոթի Վանգն ու այլք:

«Քիմ Քարդաշյանի հետ մեկ անգամ եմ աշխատել: Նա Instagram-ի միջոցով տեսել էր իմ աշխատանքներն ու իր օգնականին խնդրել կապ հաստատել ինձ հետ: Ես նրան դիմահարդարեցի Keeping Up With the Kardashians շոուի էպիզոդներից մեկի համար: Նա շատ լավն է ու գեղեցիկ՝ թե արտաքուստ, թե ներքուստ»,-ասում է մեր զրուցակիցը՝ անդրադառնալով նաեւ իր մյուս հայտնի հաճախորդներին.

«Ինչպես գիտեք՝ աշխատում եմ նաեւ Մել Բիի, Էշլի Գրեմի եւ Դորոթի Վանգի հետ, իսկ Ռեյչել Ռոյն իմ մշտական հաճախորդուհին է: Շատ կցանկանայի նաեւ համագործակցել Ջենիֆեր Լոպեսի հետ: Ի դեպ, հաճախ եմ աշխաստում նաեւ տարբեր հեռուստաշոուներում, դրանցից են «Բեւեռլի Հիլզի տնտեսուհիները» եւ «WAGS»-ը»:

Կարծիք կա, թե ճանաչված մարդկանց հետ դժվար է աշխատելը, սակայն հայ դիմահարդարն իր հայտնի ու անհայտ հաճախորդների միջեւ ոչ մի տարբերություն չի տեսնում.

«Ինձ համար միեւնույն է՝ հաճախորդս հայտնի՞ է, թե՞ ոչ: Երբ մարդը ներքուստ լավն է, դու դա միանգամից զգում ես: Այդ առումով ես ինձ բախտավոր եմ համարում, քանի որ միշտ հրաշալի մարդկանց հետ եմ աշխատում, ինչի համար շատ շնորհակալ եմ»:

Ռոբն ասում է՝ ոգեշնչվում է տարբեր դիմահարդարներից. «Առհասարակ, արվեստում ամեն ինչից էլ կարելին է ոգեշնչվել»,-համոզված է նա:

Դիմահարդարը Հայաստանում չի եղել ԱՄՆ տեղափոխվելուց ի վեր: Հայկական շոու-բիզնեսի ներկայացուցիչների գործունեությանը հաճախ չի հետեւում, այնուամենայնիվ, նրանց դիմահարդարման մասին կարծիք կազմել է. «Երբեմն որոշ հայ հայտնիների տեսնում եմ հեռուստատեսությամբ, ամսագրերում կամ էլ՝ Instagram-ում: Կարծում եմ՝ նրանք պետք է մի քիչ աշխատեն իրենց make up-ի վրա, բայց, միեւնույն ժամանակ, համեմատական փոփոխություններ նկատում եմ»:

Դե, իհարկե, ճանաչված դիմահարդարից հետաքրքրվեցինք՝ որոնք են 2018-ի դիմահարդարման կարեւորագույն միտումները. «Կատարյալ մաշկ եւ մի փոքր փայլ: Խորհուրդ կտայի նաեւ չչարաշահել ստվերաներկն, ու հուսով եմ՝ մոտ ապագայում էլ չեմ տեսնի սուրմա (ծիծաղում է): Հայ աղջիկներին եւ կանանց խորհուրդ կտայի մի քիչ ուրիշ դիմահարդարում անել: Նրանք բնականից արդեն շատ գեղեցիկ են, այնպես որ՝ չեմ կարծում, թե այդքան հաճախ պետք է աչքերն ընդծեն smoky eyes-ի եւ աղեղների համադրությամբ»,-եզրափակեց նա:

Զրուցեց Սյունե Առաքելյանը

Լուսանկարները՝ Ռոբ Սարգսյանի Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության