VARDA`s club girl dancing

POPcorn blog. 10 սերիալ, որ կարող եք նայել «Գահերի խաղ»-ին սպասելիս

Քայլի Ջենների միլիոնավոր դոլարները, Ջիգանի նոր երգը եւ շատ այլ բաներ Comedy club-ի նոր եթերում

Նարեկ Գեւորգյանն իր կատարմամբ գերեց ռուսական «Գոլոսի» ժյուրիի անդամներին

PROFFY. Հայկական գորգի առեղծվածը

Shine&Food: Խոհանոցային լայֆհաքեր․ ինչպե՞ս առանձնացնել սպիտակուցը դեղնուցից

Ի՞նչ գումար են պատրաստ տրամադրել հայերը մեկ օրվա շոփինգին. NEWS.am STYLE-ի հարցումը

VARDA

Սոնա Դունոյանը հրաշալի կատարեց հայկական երգը ռուսական «Գոլոսում»

Թաիլանդացի տրանսվեստիտներ, հայ մայր եւ հարսանիք Կիպրոսում․Գարիկ Մարտիրոսյանն ու Ժաննա Լեւինան՝ «Երեկոյան Ուրգանտ» շուոի հյուր

Կրծքով նկարող նկարչուհին, Տիգրան Քեոսայանը եւ Անդրեյ Բեբուրիշվիլիի սեքսուալ արկածները նոր Comedy club-ում

Father and Son Arutiunov blast the stage at Russian Voice

POPcorn blog. Խաղում ենք Stand Up-ի Մաշայի հետ

Comedy смотрит Comedy. Эпизод 2.

Victoria's Secret 2018 Fashion Show Walks

Comedy club

Էմոցիոնալ Արթուրո Սանդովալն ու Լեւոն Մալխասյանի անակնկալը. Yerevan Jazz Fest 2018-ի բացման համերգը

«Հայ կանայք շատ գեղեցիկ են. արդեն ուզում եմ այստեղ երկար մնալ». Արթուրո Սանդովալ

Վտանգավո՞ր է, արդյոք, կոսմետիկ միջոցներում օգտագործվող սիլիկոնը

16:34, 24 հունվարի

Գեղեցկության համար նախատեսված գրեթե ցանկացած կոսմետիկ միջոցի արտադրության մեջ սիլիկոն է օգտագործվում: Արտադրողներն այն առատորեն ավելացնում են շրթներկի, թարթիչաներկի, քսուկների, շամպունների մեջ: Այնինչ մասնագետները զգուշացնում են, որ այդ բաղադրիչն այնքան էլ անվտանգ չէ և կարող է մի շարք խնդիրների առաջացման պատճառ դառնալ:

Անկախ մաշկի տեսակից՝ հարկավոր է խուսափել սիլիկոն պարունակող միջոցների օգտագործումից: Ի դեպ, սիլիկոնի տարբեր տեսակներ կան, և յուրաքանչյուրն իր առանձին անվանումն ունի, ինչի պատճառով էլ դրանք դժվար է հայտնաբերել կոսմետիկ միջոցների մակնշումներում:

Սիլիկոնը կոսմետիկ միջոցների արտադրության մեջ առաջին անգամ լայնորեն կիրառվել է 1950-ականներին և դրանից հետո արտադրողներն այլևս չհրաժարվեցին այն իրենց արտադրանքի բաղադրության մեջ ավելացնելու մտքից: Սակայն այդ քիմիական բաղադրիչի վնասակարության և օգտակարության մասին բանավեճերը շարունակվում են մինչ օրս:

Ո՞ր կոսմետիկ միջոցների արտադրության մեջ է սիլիկոն օգտագործվում

Իրականում այդ քիմիական հավելանյութն ավելացվում է գրեթե բոլոր կոսմետիկ միջոցների բաղադրության մեջ՝ ինչպես մաշկի խնամքի համար նախատեսված միջոցների, այնպես էլ դեկորատիվ կոսմետիկ: Բայց եթե թարթիչաներկը, աչքի մատիտը կամ շրթներկը չնչին քանակությամբ է օգտագործվում և քիչ հավանական է, որ վնաս կպատճառի, ապա մաշկի, մազերի խնամքի համար նախատեսված միջոցներ գնելիս խորհուրդ է տրվում առանց սիլիկոնի արտադրանք ընտրել: Խոսքը մարմնի և դեմքի մաշկի համար նախատեսված քսուկների, շիճուկների, դիմակների, յուղերի, դիմափոշիների, հայլայթերների, սնգույրների, շամպունների, բալզամների, կոնդիցիոներների, մազերի համար նախատեսված լաքերի մասին է:

Ինչո՞վ է արտադրողներին հրապուրում սիլիկոնը

Թերևս միայն բարեխիղճ և էկոլոգիապես մաքուր միջոցներ արտադրողներն են, որ զերծ են մնում քիմիական հավելանյութերի օգտագործումից: Իսկ այդպիսիք շատ քիչ են: Մեծամասնությունն, այնուամենայնիվ, նախընտրում է իր արտադրանքում այս կամ այն տեսակի սիլիկոն օգտագործել, քանի որ այն գեղեցկության միջոցների մակերեսը միատարր է դարձնում՝ դրան գեղեցիկ տեսք հաղորդելով: Եվ հետո, սիլիկոնը ծածկում է մաշկի անհարթությունները, կճիռները ծակոտիները, բշտիկները՝ դրանք պատելով աննկատ շերտով: Իսկ ձեզ թվում է, թե տվյալ կոսմետիկ միջոցն իրականում պայքարում է այդ թերությունների դեմ: Այնինչ արդյունքը ժամանակավոր է և մակերեսային:

Սիլիկոնը նաև ջրակայուն է: Այն մաշկի վրա բարակ շերտ է ստեղծում, ինչի շնորհիվ խոնավեցնող քսուկն ավելի երկար է պահպանում իր հատկությունները՝ 24-ից մինչև 48 ժամ: Իրականում մաշկը չի կորցնում իր խոնավությունը, սակայն լրացուցիչ խոնավությամբ չի ապահովվում քսուկի միջոցով: Այդ նույն սկզբունքով են գործում նաև արևապաշտպան քսուկները և դիմահարդարումը ֆիքսող միջոցները:

Եվ վերջապես սիլիկոնը գրավիչ է իր բավականին ցածր գնով: Սակայն դա չի նշանակում, որ այն միայն մատչելի կոսմետիկ միջոցների արտադրության մեջ են օգտագործում: Սիլկոնն առկա է նաև լյուքս դասի կոսմետիկ միջոցների բաղադրությունում, ճիշտ է՝ այն ավելի որակյալ է և թանկարժեք:

 

Ինչպե՞ս է սիլիկոնն ազդում մաշկի վրա

Առաջին հայացքից արդյունքը հիացնում է, քանի որ սիլիկոնն աննկատ շերտ ստեղծելու շնորհիվ ծածկում է մաշկի, մազերի թերությունները: Սակայն այն վնասակար ազդեցություն է ունենում ինչպես մաշկի, այնպես էլ մազերի վրա՝ ավելի խորքային մակարդակներում:

Սիլիկոնը խոչընդոտում է մաշկի բջիջների վերականգնմանը: Մաշկը սովորաբար  յուրաքանչյուր 28 օրը մեկ վերականգնվում է, մեռած բջիջները իրենց տեղը զիջում են նոր բջիջներին: Իսկ սիլիկոնը թույլ չի տալիս, որպեսզի մեռած բջիջներն արդյունավետորեն հեռացվեն մաշկի վրայից, ինչն էլ խոչընդոտում է նոր բջիջների հայտնվելուն: Այդ բնականոն գործընթացի խաթարումը կարող է հանգեցնել մաշկի պիգմենտավորմանը, կնճիռների վաղաժամ առաջացմանը, նաև բորբոքումների և բշտիկների առաջացմանը:

Բացի դա, սիլկոն պարունակող միջոցները թույլ չեն տալիս, որ օգտակար նյութերը ներթափանցեն մաշկի խորքերը՝ մաշկը բարակ շերտով պատելով: Եթե դուք նախապես սիլիկոն պարունակող քսուկ կամ այլ միջոց եք օգտագործել, ապա դրա վրայից սնուցող միջոցների օգտակար բաղադրիչները պարզապես ի վիճակի չեն լինի մաշկի մեջ ներթափանցելու և իրենց օգտակար առաքելությունը կատարելու:

Սիլիկոն պարունակող միջոցները ջրազրկում են մաշկը՝ դրան թորշոմած տեսք հաղորդելով: Սիլիկոնը խոչընդոտում է խոնավության ներթափանցմանը:  Այն նաև խցանում է ծակոտիները՝ բորբոքումներ առաջացնելով, քանի որ փակված, չշնչող ծակոտիներում սկսում են վնասակար մանրէներ բազմանալ: Եթե մաշկն ակնեի և կորյակների առաջացման հակում ունի, հարկավոր է ընդհանրապես բացառել սիլիկոն պարունակող միջոցների օգտագործումը:

Սիլիկոններից ամենաշատն օգտագործվում է դիմետիկոնը, որը չափազանց դժվար է հեցանել մաշկից: Այն միայն հատուկ մաքրող միջոցներով է հնարավո լինում հեռացնել:

Ինչպե՞ս պարզել՝ կոսմետիկ միջոցի մեջ սիլիկոն օգտագործվե՞լ է, թե ոչ

Կոսմետիկ միջոցների մակնշումներում սիլիկոնի առկայությունը պարզելու համար ամենահեշտ միջոցը հետևյալն է՝ փորձեք գտնել այնպիսի բառեր, որոնք ավարտվում են հետևյալ վերջավորություններով՝

-cone: Dimethicone, Methicone, Trimethicone, Cyclomethicone, Amodimethicone, Trimethylsilylamodimethicone.

-siloxane: Cyclopentasiloxane, Polydimethylsiloxane.

-conol: Dimethiconol.

Կոսմետիկ միջոցների մեծամասնության բաղադրության մեջ սիլիկոնի հենց այս տեսակներն են օգտագործվում: Ավելի հազվադեպ օգտագործվում են սիլիկոնի հետևյալ փոխարինողները, որոնք նույն հատկություններով են օժտված՝ Polymers, C10-30 Alkyl acrylate crosspolymer, VP / VA Copolymer, Polybutene, Polyisobutene.

Աղբյուրը՝ Elle

 


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության