Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Ամուսնու հետ ավելի քիչ վիճելու 5 պատճառ

18:03, 25 հունվարի

1. Միշտ ջանացեք նկատել, թե ձեր «երկրորդ կեսը» ինչ տրամադրություն ունի

Շատ կանայք իրենց դաշտանային ցիկլի որոշակի փուլում ավելորդ նյարդային կամ հուզական են դառնում:

Տղամարդիկ էլ ունենում են ժամանակներ, երբ նրանց պահվածքը ոչ մի կերպ ռացիոնալ չես կոչի: Մենք բոլորս էլ ճանաչում ենք այնպիսի տղամարդկանց, որոնց չարժե նույնիսկ մոտենալ, եթե նրանք քաղցած են: Իսկ եթե նրանք վաղուց սեքսով չեն զբաղվել կամ էլ, օրինակ, աշխատավայրում խնդիրներ ունեն… Ջանացեք նկատել, թե ձեր «երկրորդ կեսը» երբ նման տրամադրություն ունի, եւ խուսափեք նման պահերին նրա հետ տհաճ թեմաներ քննարկելուց: Իսկ եթե ձեր ամուսինը կամ կինն ասում է, թե դուք  ձեզ նման չեք եւ հարձակվում եք բոլորի վրա, մտածեք` գուցե դա ճի՞շտ է: 

2. Իմացեք, թե երբ զիջեք

Շատ չեն այն վեճերը, որոնցում ճիշտ դուրս գալու համար արժե մինչ ի մահ դիմադրել: Լուրջ եմ ասում: Խելքով ընտրեք, թե ինչի համար արժե պայքարել: Հիշեք ձեր վերջին կատաղի վիճաբանությունը կամ վեճը: Եվ ի՞նչ, առաջվա պես կարծում եք, որ արժե՞ր այդքան ջանք դնել: Ընդհանրապես, հիշո՞ւմ եք, թե հանուն ինչի էիք այդքան կատաղի վիճում: Եթե վիճում էիք ոչ ձեր համոզմունքների, ազատության կամ կյանքի համար, գուցե արժե հանձնվե՞լ: Եթե սկզբունքի համար վիճում եք այնպիսի բանի համար, որը կարեւոր է ձեր ամուսնու/կնոջ, բայց ոչ ձեզ համար, ջանացեք երբեմն սակարկել: Դա առնվազն ցույց կտա, որ ձեզ համար կարեւոր է այն մարդու երջանկությունը, որի հետ որոշել եք կապել ձեր ամբողջ կյանքը:  

3. Փոխանակ կատաղությունից պայթեք, ցույց տվեք, որ վատ եք զգում, որ խոցելի եք 

Ցասումը երկրորդական հույզ է, որի արմատները նաեւ մի ուրիշ բանում են: Ամոթի մեջ: Ցավի: Հիասթափության:  Եվ եթե ձեր սիրելի մարդու գլխին ձեր հուզական աղբը թափելու փոխարեն նրան պատմեք, թե ինչու եք չարացած, անհամեմատ ավելի մեծ է հավանականությունը, որ ի պատասխան ըմբռնում եւ կարեկցանք կստանաք: Չէ՞ որ ավելի հեշտ է հասկանալ, ներել եւ կարեկցել մարդուն, որի տեսքից երեւում է, որ իրեն վատ է զգում, քան այն մարդուն, որը բղավում է, հայհոյում, ոտքերը խփում գետնին: 

4. Փորձեք այլ կողմից նայել խնդրին 

Շատ հաճախ ամուսնու եւ կնոջ վեճի ընթացքում նրանց անհամեմատ ավելի անհանգստացնում է սեփական իրավացիությունը, քան իրար խոսքերը եւ փոխանակ մտածեն իրենց լսածի մասին, նրանք սպասում են սեփական ռեպլիկն ասելու առաջին հնարավորությանը: Բանավեճ վարելու նման եղանակը չի կարող չնյարդայնացնել եւ որպես կանոն, նրանք շատ արագ հասնում են փոխադարձ վիրավորանքների: Մի ջանացեք հնարավորինս արագ պատասխանել՝ միայն պատասխանելու համար: Մտածեք, թե ինչ եք լսել: Ձեր ամուսինը կամ կինը կարող է լավ եւ գործնական առաջարկ ունենալ ձեր խնդիրների հանգուցալուծման վերաբերյալ, բայց դուք հազիվ թե լսեք դա, եթե  ամբողջությամբ տարվեք հաջորդ մահացու փաստարկի փնտրտուքով:  

5. Ավելի պարզ եղեք

Ուղղակի իմաստով: Երբեք չարժե ինքդ քեզ եւ քո շրջապատին չափից ավելի լուրջ ընկալել: Մենք հաճախ կառչում ենք այնպիսի բանից, որն իրականում այնքան էլ կարեւոր չէ: Այն, որ ձեր ամուսինը կեղտոտ գուլպաները թափթփում է ամբողջ բնակարանով մեկ կամ որ կինը չի սիրում սկեսրոջը, կարող է տհաճ լինել, բայց դա ամուսնալուծության պատճառ չէ:  Լուրջ եմ ասում: Եվ եթե կարողանաք հասկանալ, որ դուք ընդամենը կրկնում եք նույն կաղապարատիպային վեճերը, որոնք տեղի են ունեցել այն ժամանակներից, երբ մարդիկ քարանձավներում էին ապրում, դուք, ամենայն հավանականությամբ, կծիծաղեք ձեզ վրա եւ կմոռանաք դրանց մասին:

Աղբյուրը՝ Клубер


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել