Իվետա Մուկուչյանի «Հայաստանի աղջիկներ» տեսահոլովակի փակ շնորհանդեսն ու հայտնի հյուրերը

Սերգեյն ու Նարեկը ամփոփեցին տարվա ամենաքննարկված թեմաները «Մեծ, չաղ, հայկական STAND UP» շոուով

VARDA`s club girl dancing

POPcorn blog. 10 սերիալ, որ կարող եք նայել «Գահերի խաղ»-ին սպասելիս

Քայլի Ջենների միլիոնավոր դոլարները, Ջիգանի նոր երգը եւ շատ այլ բաներ Comedy club-ի նոր եթերում

Նարեկ Գեւորգյանն իր կատարմամբ գերեց ռուսական «Գոլոսի» ժյուրիի անդամներին

PROFFY. Հայկական գորգի առեղծվածը

Shine&Food: Խոհանոցային լայֆհաքեր․ ինչպե՞ս առանձնացնել սպիտակուցը դեղնուցից

Ի՞նչ գումար են պատրաստ տրամադրել հայերը մեկ օրվա շոփինգին. NEWS.am STYLE-ի հարցումը

VARDA

Սոնա Դունոյանը հրաշալի կատարեց հայկական երգը ռուսական «Գոլոսում»

Թաիլանդացի տրանսվեստիտներ, հայ մայր եւ հարսանիք Կիպրոսում․Գարիկ Մարտիրոսյանն ու Ժաննա Լեւինան՝ «Երեկոյան Ուրգանտ» շուոի հյուր

Կրծքով նկարող նկարչուհին, Տիգրան Քեոսայանը եւ Անդրեյ Բեբուրիշվիլիի սեքսուալ արկածները նոր Comedy club-ում

Father and Son Arutiunov blast the stage at Russian Voice

POPcorn blog. Խաղում ենք Stand Up-ի Մաշայի հետ

Comedy смотрит Comedy. Эпизод 2.

Victoria's Secret 2018 Fashion Show Walks

Comedy club

Ինչ անել, եթե հաճախ եք հրապուրվում եւ սիրահարվում

16:09, 3 փետրվարի

Եթե պարբերաբար սիրահարվում եք տարբեր տղամարդկանց և մեկը մյուսի հետևից փոխում սիրեցյալներին՝ ամեն անգամ մտածելով, թե դա վերջին ու ամենակայունն է լինելու, բայց կարճ ժամանակ հետո սիրահարվում եք ուրիշին, ապա հարկավոր է պարզել ձեր անկայուն բնավորության պատճառը և արմատախիլ անել այն: Իսկ պատճառները կարող են տարբեր լինել:

Հարաբերություններին թեթևամտորեն վերաբերվելը

Ամեն անգամ նոր տղամարդու հադիպելով և նրա հետ սիրային հարաբերություններ սկսելով՝ դուք անկեղծորեն մտածում եք, որ նա ձեր մշտական ուղեկիցն է դառնալու: Ձեր մտքով անգամ չի անցնում օգտագործել հերթական զոհին և թողնել բախտի քմահաճույքին: Դուք հաստատապես տրամադրվում եք լուրջ հարաբերությունների՝ մտածելով նրա հետ շրջագայելու, ընտանիք կազմելու մասին: Սակայն տղամարդկանց խենթացնելու  ձգտումը դավաճանոմ է ձեզ այդ հարցում և երբ գրավում եք մեկ տղամարդու սիրտը, ձեր հաղթելու ցանկությունը թելադրում է նորանոր սրտեր նվաճել՝ արդեն իսկ հաղթահարված դժվարությունը հետևում թողնելով: Եվ ամենևին չեք մտածում այդ տղամարդու հոգեվիճակի մասին: Դուք համոզված եք, որ իսկական տղամարդը չի տառապում և որ նա արժանապատվորեն կդիմանա ձեր բաժանվելու առաջարկին: Իսկ եթե անգամ տղամարդիկ ձեզ մեղադրում են թեթևամտության և անպատասխանատվության մեջ, ապա դուք դրան ևս լուրջ չեք վերաբերվում:

Որն է ելքը

Թերևս երբ դուք իսկապես հանդիպեք այն միակին, ով ձեր կյանքը կվերածի անմոռանալի հեքիաթի, ապա խնդիրն ինքնըստինքյան կլուծվի: Դուք պարզապես դեռ չեք հասունացել լուրջ հարաբերությունների համար: Իսկ քանի դեռ նման հարաբերությունների փորձ եք ձեռք բերում և փնտրում ձեր սիրեցյալին, լավ կլինի տղամարդկանց հետ հարաբերություններում սիրախաղից ու սեթևեթանքներից այն կողմ չանցնել, ոչինչ չլրջացնել և տղամարդկանց սրտերը չկոտրել:

Հետաքրքրությունը

Կարծում եք՝ որքան շատ սիրավեպեր լինեն ձեր կյանքում, այդքան դուք փորձառու կդառնաք: Բայց հոգու խորքում հաստատապես դուք էլ երազում եք իսկական սիրո մասին: Միայն թե որևէ մեկին անկեղծ սիրելուց առաջ ցանկանում եք փորձարկել սիրո բոլոր դրսևորումները:

Որն է ելքը

Կարևորը ժամանակին կանգ առնելն է, հատկապես եթե սկսել եք հասկանալ, որ չափից շատ եք հրապուրվել: Փորձառությունն, իհարկե, լավ է, սակայն այդ նպատակի համար պետք չէ մարդկանց խամաճիկներ դարձնել: Մտածեք նաև դիմացինի զգացմունքների և նրանց կյանքի բացասական փորձի մասին: Ի վերջո, չի բացառվում, որ փորձառություն ձեռք բերելու ընթացքում բաց թողնեք ձեզ համար նախատեսված տղամարդուն:

Տղամարդու մտածողությունը

Հավանաբար լսել եք այն տղամարդկանց մասին, ովքեր իրենց հմայքով կարողանում են հրապուրել ցանկացած աղջկա, նրա հետ գիշեր անցկացնել, իսկ առավոտյան ընդմիշտ անհետանալ: Դուք ևս հենց այդպիսի մարտավարություն եք որդեգրել՝ գուցե անցյալում տեղի ունեցած և ձեզ համար ցավոտ դեպքի համար տղամարդկանցից վրեժ լուծելու նպատակով:

Որն է ելքը

Կարելի է մինչև կյանքի վերջ վրեժխնդիր լինել մեկ տղամարդու համար, ով համարձակվել է վիրավորել ձեր զգացմունքները, բայց կարելի է նաև ժամանակն ավելի արդյունավետ անցկացնել: Անկասկած դուք ուզում եք երջանիկ լինել և գտնել ձեր մյուս կեսին: Ուրեմն թույլ տվեք ինքներդ ձեզ երջանկության ձեր հասանելի բաժինը վայելել և մի վանեք հերթական տղամարդուն, ով հայտնվել է ձեր կյանքում և սիրում է ձեզ:

Հիասթափությունը

Ձեր բախտը հավանաբար չի բերում, և ձեր կյանքի ուղեկիցները ձանձրալի, անպատասխանատու և անվստահելի մարդիկ են: Ձեր յուրաքանչյուր նոր սիրավեպը կանացի երջանկություն ձեռք բերելու հերթական փորձ է, բայց դեռևս հաջողությունը չի շտապում ուրախացնել ձեզ:

Որն է ելքը

Ամեն ինչ առջևում է: Պետք չէ հուսահատվել: Իսկ մինչ այդ նախքան սիրահարվելը աշխատեք ավելի ուշադիր ուսումնասիրել ձեր կյանքում հայտնված տղամարդուն, վերլուծել նրա արարքները, վարքը, հետևել նրա գործողություններին և հետևություններ անել և ոչ թե միանգամից նետվել նրա գիրկը: Այդպես լավ կլինի երկուսիդ համար էլ:

 

Աղբյուր՝ Grazia.ru


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության