Exclusive. հայտնի հաղորդավար Արման Մարգարյանը` իրեն բերման ենթարկելու մասին

Պահարան. ամենանորաձեւ գործվածքների տեսակներն ու առանձնահատկությունները

«Այո, ես Նատալյա Արայիկովնա եմ»․ Նատալյա Եփրիկյանը՝ իր «Այո, ես Նատալյա Արայիկովնա եմ»․ Նատալյա Եփրիկյանը՝ իր մասին եւ ոչ միայն

Քենդալ Ջենները Ջիմմի Ֆելլոնի շոուի ժամանակ փորձել է դեղին ռեզինե կոշիկի համը

PROFFY. Ինչպես են պատրաստվում հայկական տիկնիկները

Զարդատուփ։ Ամենահաճելի նվերը Վալենտինի տոնի առթիվ

Թամարա Գվերդծիթելին երգել է ի հիշատակ Միշել Լեգրանի

Ինչու է Միխայիլ Գալուստյանի գրասենյակում ռետինե ձեռք, եւ ինչու է Սվետլակովը Մարտիրոսյանից ավելի զվարճալի

Պահարան. Արվեստը հագուստին

«Հայերը նույնիսկ Ամերիկայում են հայերեն խոսում»․ Թինա Քանդելակի

Քիմ Քարդաշյանը՝ Ջիմի Ֆելոնի շոուին

Զարդատուփ: Երբ երեխաների աշխատանքները կենդանանում են

Պահարան. Այս տարվա ամենանորաձև պայուսակները

Project LA Ահա նորից գիշեր

PROFFY. Ինչպե՞ս Հայաստանում մոդել դառնալ

Նոր «Ֆորսաժ»՝ թրեյլեր

Պահարան. Զինվորական ոճը կանանց զգեստապահարանում

Զարդատուփ. Երբ քեզ զգում ես ինչպես թագուհի

Վարվեցողության սխալ ձեւեր, որոնք ի չիք են դարձնում ցանկալի եւ հրապուրիչ կնոջ կերպարը

15:06, 31 հունվարի

Հրապուրիչ, ոճային և կրքահարույց կանայք իրականում գերկարողություններով ծնված մարդիկ չեն, պարզապես նրանք լավ են տիրապետում վարքականոնի բոլոր օրենքներին և հետևում են դրանց:

Լավ կլինի բոլոր կանայք իմանան, թե ինչ է հարկավոր անել շրջապատում առաջին դրական տպավորությունը չփչացնելու և տղամարդու հետ ժամադրությունը չձախողելու համար:

Աշխատեք զրուցակցի հետ խոսելիս մատը կամ գրիչը չպահել նրա ուղղությամբ: Սովորաբար այդ սխալը թույլ են տալիս ղեկավար պաշտոն զբաղեցնող կանայք, ում համար այդ շարժումը վաղուց սովորություն է դարձել: Այնինչ, հասարակական վայրում կամ տղամարդու հետ ռոմատիկ միջավայրում մատն օդի մեջ տնկելը կարող է հիասթափեցնել զրուցակցին:

Եթե սրճարանում կամ ռեստորանում որևէ ճաշատեսակ եք պատվիրում, աշխատեք այդ ամբողջ գործընթացը ձեռքերով չկառավարել: Կողքից այդ շարժումները բավականին տգեղ և կոպիտ են դիտվում: Ձեռքի նման մեկ շարժումը կարող է այդ պահին զրկել ձեզ կանացիությունից:

Հագուտը, զուգագուլպաներն անընդհատ ուղղելու սովորությունը ձեզ ամենևին բարի ծառայություն չի մատուցի, ձերբազատվեք այդ սովորությունից: Աշխատեք այնպիսի հագուստ հագնել, որը հարմարավետ կլինի բոլոր դիրքերում և ձեզ չի պարտադրի պարբերաբար ինչ-որ դետալ շտկել՝ նեղ կիսաշշրջազգեսն իջեցնել ներքև, վերնազգեստի թևքերը վերև քաշել, բարձրացնել թուլացած զուգագուլպաները և այլն:

Տհաճ է նաև, երբ կինը սնունդը շուրթերին մոտեցնելիս ավելի վաղ է բերանը բացում: Այդ սովորությունը դժվար է ինքնուրույն նկատել և վերացնել: Թերևս միայն հայելու առաջ ճաշելիս կարող եք հասկանալ՝ դուք այդպես եք վարվում, թե ոչ:

Վնասակար սովորություններից է, երբ սնվելու ժամանակ որևէ բան պատմելիս կինը խմբավարի նման այս ու այն կողմ է շարժում գդալը, պատառաքաղը կամ դանակը: Միևնույն ժամանակ հիշեք, եթե սեղանի շուրջ զրուցակիցն է ինչ-որ բան պատմում, սպասքի պարագաները դրեք ափսեի մեջ՝ որպես դադարի նշան, և գլուխը փոքր-ինչ կախելով՝ ուշադիր նրան լսեք:

Չի կարելի զրույցի ժամանակ տեղում ճոճվել՝ ասես փորձում եք հիպնոսացնել զրուցակցին: Սովորաբար մարդիկ խոսելիս նյարդային շարժումներ են անում, եթե հուզվում են, անհանգստանում և զրույցի թեման իրենց տհաճ է:

Վատ վարքաձև է համարվում գլուխը հետ գցելով բարձր ծիծաղելը: Ծիծաղկոտ, կենսախինդ լինելն, իհարկե, լավ է, սակայն հումորի առողջ զգացումը չպետք է ի ցույց դնի ձեզ նշիկները:

Ոտքի վրա հրաժեշտ տալը ևս վատ վարքականոնի դրսևորում է: Երբ ուշանում եք, աշխատեք հանգիստ պայմաններում, առանց շտապելու և ցայտնոտային իրավիճակների ավարտել ձեր խոսքը և հրաժեշտ տալ զրուցակցին, որից հետո նոր կարող եք վեր կենալ ձեր տեղից և հեռանալ:

Միշտ հետևեք ձեր շարժումներին և վերահսկեք դրանք: Մեզանից շատերն են նստած ժամանակ ոտքերը փաթաթում սեղանի կամ աթոռի ոտքին, ինչը ևս տգեղ է դիտվում:

Վատ սովորություններից մեկն էլ ձեռքերի մատները կամ պարանոցը ճրթացնելն է, ինչն, ի դեպ, նաև վնասակար է հոդերի համար:

Աններելի է, երբ կինը ոտքը հենում է ոչ թե ամբողջ ոտնաթաթին, այլ կրունկին՝ մատները վեր տնկելով: Հաճախ կանայք նման դիրք են ընդունում որևէ բանի մասին խորհելու, խորասուզված մտածելու ժամանակ:

Մազերը մատներով ոլորելը, ընդհանրապես մազափնջով խաղալը ևս ողջունելի սովորություն չէ և կարող է վկայել ավելորդ նյարդայնության մասին: Աշխատեք կառավարել ձեր ձեռքերը:

Ձեռքերն, իհարկե, դժվար է կառավարել, հատկապես եթե դրանք դատարկ են, իսկ դուք էլ կանգնած եք հանդիսատեսի առաջ: Նման դեպքերում սովորաբար մենք սկսում ենք անկանոն, անկառավարելի շարժումներ անել ձեռքերով և ոտքերով, ինչը ևս անթույլատրելի է:

Մատներով կամ որևէ առարկայով սեղանին հարվածելը ևս վատ սովորություններից մեկն է, որից հարկավոր է անհապաղ ձերբազատվել:

Խորհուրդ չի տրվում դիմացինի հետ խոսելիս կամ նրան նայելիս սևեռուն կամ գնահատող հայացք նետել. այդպիսի հայացքից անզգա, ամենաքաջ տղամարդը կընկճվի:

Ազատվեք ողջույնի, ծանոթության համար ձեռքն առաջինը մեկնելու սովորությունից: Մի շփոթեք գործնական և հասարակական հարաբերությունների ժամանակ ողջույնի կանոնները և աշխատեք ոչ գործնական միջավայրում փխրուն կին մնալ, անգամ եթե դուք մեծ կազմակերպության ղեկավար եք:

Մարդկանց, առարկաները շոշափելու, ձեռք տալու սովորությամբ շատ կանայք են տառապում, ինչը նրանց տարօրինակ լույսի ներքո է ներկայացնում հանրային միջավայրում:

Վանում է խոսելու ընթացքում մի քանի անգամ բազկաթոռին կամ աթոռին դիրքը փոխելու սովորությունը:

Մեկ այլ ծայրահեղություն է ցրված լինելը: Զրուցակցի խոսքի վրա կենտրոնանալու անկարողությունը երբեմն նրա մոտ ձեզ ցնցելու, սթափեցնելու ցանկություն է առաջացնում:

Աշխատեք խոսելիս զրուցակցից խելամիտ հեռավորություն պահպանել և նրան չափից ավելի չմոտենալ՝ խախտելով հարմարավետության գոտին:

 

Աղբյուր՝ Elle

Լուսանկարը՝ fonday.ru


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության