• «Ինձ տրավմայի են ենթարկել ու օգտագործել». Պոլինա Գագարինան «Ձայնը» նախագծում աշխատելու մասին

  Երգչուհի Պոլինա Գագարինան «Ձայնը» հաղորդման ժամանակ դժգոհել է ծրագրում աշխատելու դժվարություններից․․․

• «Եվրատեսիլ 2023» երգի մրցույթում Վրաստանը կներկայացնի հայազգի երգչուհի Իրու Խեչանովան

  Թե ինչ երգ է ներկայացնելու վրացի պատվիրակը, դեռ հայտնի չէ․․․

• Պրոդյուսեր Ակսյուտան բացատրել է, թե ինչու է Նագիեւը լքել «Ձայնը» շոուն

  Ստեղծագործական հանգիստ․․․

• «Երեխաներ ձայնը» շոուում Սվետլանա Լոբոդային կփոխարինի ՄակՍիմը

  Նախագծի նոր եթերաշրջանի մենթորները կլինեն Բաստան, Եգոր Գրիդը եւ ՄակՍիմը ...

• Մահացել է ռուսական «Ձայնը» նախագծի մասնակից Լեւան Կբիլաշվիլին

  Մահվան պատճառը չի նշվում։

• «Բավական ծանր վիրավորում եմ ստացել ու հրաշքով փրկվել». «Ուկրաինայի Ձայն»-ից հայտնի բժիշկ Նարեկ Ամիրյանը՝ 44-օրյա պատերազմի ընթացքում Արցախում լինելու ու երգելու որոշման մասին

  NEWS.am STYLE-ը Նարեկի հետ զրուցել է իր հաջողության, բժշկության ու երգի համատեղման, ինչպես նաեւ՝ հետագա ծրագրերի մասին...

• «Ուկրաինայի ձայնը». Պոտապը Կատերինա Օֆլիյանի ելույթի ընթացքում չի կարողացել զսպել արցունքները (վիդեո)

  Մասնակցին երկրորդ հնարավորություն են տվել․․․

• Վերա Բրեժնեւան արձագանքել է Կոնստանտին Մելաձեի դստեր հաջողությանը, որը չի ցանկում շփվել երգչուհու հետ

  Լիայի ու Բրեժնեւայի հարաբերությունները սառն են․․․

Ուկրաինական «Ձայնը» հեռուստանախագծի նոր եթերաշրջանն է մեկնարկել, որի կույր լսումների փուլում իրենց ելույթներով փայլել են երկու հայուհիներ: Ու եթե Սրբուհի Սարգսյանը, հրաշալի ելույթ ունենալով, գնաց Պոտապի թիմ, ապա Լիանա Ավանեսյանի դեպքում հանդիսատեսը, ինչպես եւ մենք բոլորս, տարակուսած մնացինք Պոտապի, Ջամալայի, Թինա Կարոլի ու Սերգեյ Բաբկինի որոշումից, որոնք առհասարակ չշրջվեցին աղջկա ելույթի ժամանակ։ Օդեսայում բնակվող հայուհին երգել է Թինա Կարոլի «Дикая вода» երգը:

NEWS.am STYLE-ը կապվել է Լիանայի հետ, որպեսզի հասկանա, թե ինչպես կարող էր նման անտրամաբանական բան տեղի ունենալ նախագծում, ու նրան գոնե մի քիչ աջակցելու համար։ Ահա թե ինչպես Լիանան մեկնաբանեց տեղի ունեցածը․

«Ինձ համար շատ հաճելի է ձեր ուշադրությունն իմ հանդեպ։ Շնորհակալություն աջակցության, հաճելի ու անհրաժեշտ խոսքերի համար։ Գիտեք, հասարակ հանդիսատեսը հավատում է այդ շոուի արդարությանն, ու ես էլ էի նախկինում այդպես կարծում, մինչեւ ինքս փորձեցի այնտեղ իմ ուժերը։ Ցավոք, այդ շոուի ժամանակ ոմանք անցնում են, իսկ ոմանք՝ ոչ։ Ուրեմն իմ տվյալներն ու առհասարակ ես այս տարի հետաքրքիր չէինք։ Ըստ երեւույթին՝ ինչ-որ բան պակասում էր։ Մարդկային գործոնը, օրինակ՝ հուզմունքը, ավաղ իմ օգտին չէր ելույթի ժամանակ, մինչդեռ փորձի ժամանակ ամեն ինչ հրաշալի էր։

Այդպես էին ասում շատ աշխատակիցներ ու սրտացավ մարդիկ։ Բացի դրանից, շատ «բարյացակամներ» իմ ելույթը համեմատում էին շոուի երգուսույցի ելույթի հետ: Նրանց խոսքով՝ ես նմանակում էի նրա կատարումը։ Բայց, ցավոք, իմ բնական տվյալները քիչ են նման Թինա Կարոլի տվյալներին։ Հանդիսատեսն ինձ ջերմ ընդունեց, ինչն ինձ շատ ուրախացրեց։

Բայց, ցավոք, շոուի ռեժիսորներն իմ մասին սյուժետում հանդիսատեսին շատ բաներ ցույց չէին տվել, նրանք թողել էին միայն այն, ինչ իրենց էր ձեռնտու։ Իմ մասին որեւէ տեղեկություն որպես այդպիսին չհնչեց, փոխարենը ցույց տրվեց երգուսույցների միջեւ տարաձայնությունները։

Շատերն ինձ քննադատում էին այն բանի համար, որ ես խախտեցի շոուի կանոնները, քանի որ չի թույլատրվում մոտենալ երգուսույցներին, չնայած պրոդյուսերները մեզ թույլատրել են մեծ ցանկության դեպքում մոտենալ նրանց։

Ես ունեի նման ցանկություն, դրա համար էլ մոտեցա, ի պատասխան՝ շատ «շոյիչ» բառեր հնչեցին։ Բայց սյուժետում չցուցադրվեցին այն կադրերը, երբ երգուսույցները դեպի ինձ շրջվեցին (ըստ երեւույթին՝ համակարգում խափանում էր տեղի ունեցել) երգի ավարտից հետո, ու Թինա Կարոլն ինքը մոտեցավ ինձ ու արցունքն աչքերին շնորհակալություն հայտնեց։ Իսկ հետո նա վերադարձավ իր տեղը, որից հետո սկսվեց մեր երկխոսությունը, որը մոնտաժել էին ու հանդիսատեսի համար լրիվ անհասկանալի դարձրել։ 

Ինչ վերաբերում է իմ հետագա ծրագրերին, ապա ես այս շոուի ժամանակ ստացա փորձ, սովորեցի սթափ գնահատել ամեն ինչ ու հաստատ գիտեմ, որ ես մտադիր չեմ նահանջել։ Այս տարի չստացվեց, հաջորդ տարի կվերադառնամ ու նորից կփորձեմ իմ ուժերը։ Բայց նաեւ կաշխատեմ ինքս ինձ վրա, կաճեմ ու առաջ կշարժվեմ։ Ու չեմ մերժի այլ նախագծերին մասնակցելու հրավերները»,- պատմեց մեզ Լիանան։

Պատրաստեց Պարույր Սինյավսկին

Հետևեք NEWS.am STYLE-ին Facebook-ում, Twitter-ում և Instagram-ում