• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Օրգազմը նպաստում է սեռական զուգընկերների միջեւ երկարատեւ կապի հաստատմանը

  Օրգազմը միայն հաճույքի կամ բազմացման համար չէ: Օրգազմը նպաստում է սեռական զուգընկերների միջեւ երկարատեւ կապի հաստատմանը․․․

• Տղամարդիկ ամուսնությունից հետո ավելի շատ քաշ են հավաքում, քան կանայք

  Տղամարդիկ ամուսնությունից հետո ավելի շատ քաշ են հավաքում, քան կանայք․․․

1. Չափից մեծ կենտրոնացում նպատակի վրա 

Դա վնասում է ցանկացած գործի, այդ թվում նաեւ ամուսնությանը: Երբ ցանկացած տղամարդու այնպես եք նայում, ասես խանութում ապրանք ծանրութեթեւ անեք, «ինձ հարմար է, հարմար չէ որպես ամուսին»: Իսկ նրա հետ առաջին ծանոթության ընթացքում ձեր աչքերում ընդամենը կարդացվում  են «ամուսնություն» եւ «ե՞րբ» բառերը: Տղամարդն ընդամենը ժպտում է ձեզ, իսկ դուք արդեն հաշվարկում եք երեխաների մկրտության օրը: Առաջին ժամադրության ընթացքում սկսում եք նախատեսել, թե ինչպիսին կլինի ձեր հարսանիքը եւ քանի հյուր եք հրավիրելու: Ծանոթության հենց առաջին շաբաթը կարծում եք, որ ձեր հարաբերություններն արդեն լուրջ են: Այդպես դուք չեք հասցնում ճանաչել տղամարդուն, ձեզ հնարավորություն չեք տալիս հասկանալու, թե ձեզ դուր գալի՞ս է նրա հետ լինելը: Դա գրքի է նման. եթե կարդաք միայն ներածությունը եւ վերջաբանը, կարո՞ղ եք իմանալ բովանդակությունը: Նման շտապողականությունը վախեցնում է տղամարդկանց, ավելի շուտ` խրտնեցնում է: Նախ նրանք սկսում են իրենց ոչ թե տղամարդ զգալ, այլ առարկա, անշունչ նպատակ: 

Փորձեք ձեզ նրանց տեղը դնել: Դուք կուզեի՞ք ինչ-որ մեկի համար ֆունկցիա լինել: Եթե այո, ուրեմն ավելի հեշտ կլիներ սեքս-շոփում ինտիմ ծառայությունների համար տիկնիկ գնել, իսկ կենցաղի համար տնտեսուհի պահել: Երկրորդ` տղամարդկանց մեջ ուժեղ է իրենց ազատությունը կորցնելու վախը: Բայց երբ հարաբերություններն աստիճանաբար են զարգանում, տղամարդը հնարավորություն ունի իմանալու, թե հանձին ձեզ, նա ինչքան բոնուս կստանա ազատության կորստի դիմաց: Եթե զարգացում չկա, ուրեմն ամուսնության վրա կենտրոնացած աղջկա հետ ժամադրությունը տղամարդու գլխում շղթաների պես է արձագանքում: Եվ ո՞վ կուզի ինքնակամ շղթա կրել, առանց իմանալու, թե դա ինչի համար է: 

2. Վատ բնավորություն

Աղջիկներ կան, որոնք միշտ ամեն ինչից դժգոհ են: Նրանք կարող են սքանչելի գեղեցկուհիներ լինել: Բայց միշտ մի բանից դժգոհելու առիթ գտնում են։  Օրինակ` ծաղկեփունջ է բերել՝ փոքր է, չի բերել՝ ժլատ է, օծանելիք է բերել, լավը չէ, վատ հոտ ունի, ձիով զբոսանքի է հրավիրել, վա՜յ ես բարձրակրունկներով ու կարճ զգեստով եմ: Տղամարդը սկսում է իրեն սխալ թույլ տված աշակերտ զգալ կամ էլ ուղղակի անհաջողակ, որը ոչ մի կերպ չի կարողանում հաճոյանալ: Ոչ մեկը չի ցանկանում մշտապես ամոթ կամ անհարմարություն զգալ:  

Փախչում են նաեւ ցնցող գեղեցկուհիներից: Լեղին եւ բացասական հույզերը ամեն ինչ թունավորում են: Իսկ եթե արտաքինը նաեւ միջակ է, գոռոզությունն էլ հետը, թանկագիններս, պետք է ամուսնուն հավելավճար տալ, ինչպես վնասակար ձեռնարկությունում աշխատողներին: Կամ էլ պիտի ջանաք գոնե մի քիչ դրական լինել: Ժպտալ հայելու դիմաց որպես մարզանք, մինչեւ որ դեմքի մկանները սովորեն ինքնուրույն անհրաժեշտ ձեւն ընդունել: 

3. Հնարավորությունների եւ պահանջների անհամապատասխանություն 

Կարելի է երազել երիտասարդ, հարուստ, գեղեցիկ եւ հայտնի տղամարդու հետ ամուսնանալու մասին: Ու որ նա նաեւ առատաձեռն լինի, շատ ժամանակ եւ ուշադրություն հատկացնի ձեզ, որդեգրի ազգականներին եւ սիրի ճղճղան բոլոնյան շնիկին: Իսկ ի՞նչ է ցույց տալիս հայելին եւ բանկային հաշիվը: Դուք երիտասարդ եք, գեղեցիկ, հարուստ եւ հայտնի՞: Նույնիսկ եթե այո, ուրեմն մնացած պահանջների հետ կապված կարող են խնդիրներ առաջանալ: Տղամարդն իր ազգականներն ունի: Շներից ալերգիա են ունենում: Իսկ շատ ազատ ժամանակ փողի հետ միասին ունենում են միայն «հին» փողի ժառանգորդները, բայց նրանք մեր երկրում չեն ապրում: 

Այն տղամարդիկ, որոնք իրենք են փող վաստակում, սովորաբար շատ զբաղված են:  Խոշոր գործարարը ձեր կոտլետի համար միս չի աղա, որովհետեւ նրա բիզնեսը արագ կավերվի, մինչ նա ժամանակ է անցկացնում ձեր խոհանոցում: Հոգատար եւ տնտեսվար տղամարդը հազիվ թե շատ փող վաստակի, ավելի շուտ նա շարքային ծառայող կլինի շարքային աշխատավարձով: Դուք տղամարդուց ավելի քիչ փող կստանաք, բայց ավելի շատ հոգատարություն եւ ուշադրություն: Մտածեք, մի մարդը կարո՞ղ է ունենալ ձեզ համար կարեւոր բոլոր հատկանիշները: Հաճախ հենց այդտեղ ենք հակասությունների հանդիպում. գլխում գոյություն ունի դիմանկար, բայց նման տղամարդ իրականում գոյություն չունի: Ինչպես նաեւ պատասխանեք հետեւյալ հարցերին. «Ես համապատասխանո՞ւմ եմ ցանկալի զուգընկերոջը», «Ես ընդունելի՞ եմ այն շրջանակներում, որտեղ նա կարող է լինել»:

Աղբյուրը`  Liza.ua

Հետևեք NEWS.am STYLE-ին Facebook-ում, Twitter-ում և Instagram-ում