• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Օրգազմը նպաստում է սեռական զուգընկերների միջեւ երկարատեւ կապի հաստատմանը

  Օրգազմը միայն հաճույքի կամ բազմացման համար չէ: Օրգազմը նպաստում է սեռական զուգընկերների միջեւ երկարատեւ կապի հաստատմանը․․․

• Տղամարդիկ ամուսնությունից հետո ավելի շատ քաշ են հավաքում, քան կանայք

  Տղամարդիկ ամուսնությունից հետո ավելի շատ քաշ են հավաքում, քան կանայք․․․

• Ինչպե՞ս է տղամարդու փորն ազդում սեքսի որակի վրա

  30 տարեկանից հետո տղամարդու օրգանիզմում տեստոստերոնի մակարդակը սկսում է նվազել․․․

• Ակտիվ եւ հաճախակի սեքսը հիվանդությունների կանխարգելման բանալին է

  Օրգազմը լավ է առողջության համար։ Մոռացեք դեղերի մասին․ ակտիվ եւ հաճախակի սեքսը կարող է լինել հիվանդությունների կանխարգելման բանալին...

Եթե դու օրեցօր ավելի հաճախակի ես սկսել մտածել այն մասին, որ ամուսնուդ հետ հարաբերություններն ավելի վատն են դարձել, աչք մի փակիր այդ խնդրի վրա։ 
Սառնության եւ անտարբերության ի հայտ գալը եւս մի կարեւոր նշան է այն բանի, որ ձեր հարաբերությունները ճաք են տվել…

Այսպես, նկատիր եւ գրի առ.

1. Հեգնանքը

Եթե դու օրեցօր ավելի հաճախակի ես հեգնական դիտողությունների կամ չարախնդության թիրախ դառնում, դա զուգընկերոջդ կողմից անհարգալից վերաբերմունքի նշան է: Առօրյայում ասվող խոսքերն ազդում են այն մարդու ինքնագնահատականի եւ հոգեկան վիճակի վրա, որի հասցեին հնչում են դրանք: 
Խոցող դիտարկումներ արտաբերելուց առաջ, պետք է մտածել սեփական խոսքերի հետեւանքների մասին: Այդ խոսքերը միշտ հնարավոր է փոխարինել ավելի մեղմ արտահայտություններով:

2. Քննադատությունը

Քննադատությունն ի վիճակի է ցավոտ հարված հասցնել հարաբերություններին: Ամեն գնով խուսափեք քննադատությունից, եթե ուզում եք պահպանել ձեր ամուսնությունը: 
Դա բոլորովին չի նշանակում, թե պիտի խուսափեք գանգատները բարձրաձայնելուց. խնդիրների մասին լռելը կարող է նույնքան վատ ազդել հարաբերությունների վրա, որքան քննադատությունը: Ավելի մեղմ արտահայտություններ ընտրիր եւ ավելի հանգիստ հնչերանգով ասա դրանք: Այդ դեպքում զուգընկերը համաձայն կլինի երկխոսության գնալ եւ քննարկել խնդիրը: Հակառակ դեպքում՝ մարդը կարող է կոպիտ պատասխանի արժանանալ, ինչն ավելի կվատացնի իրավիճակը:

3. Սխալները չընդունելը

Որոշ մարդկանց համար շատ դժվար է իրենք իրենց խոստովանել, որ սխալվում են: Փոխարենը նրանք հարձակվում են իրենց զուգընկերների վրա, ինչը, հոգեբանների կարծիքով, պաշտպանության յուրօրինակ միջոց է: Մեղադրելուց առաջ վերլուծիր պահվածքդ, գուցե խնդիրը քո մեջ է, բայց դու ուղղակի չես ուզում ընդունել դա:

4. Սառնություն

Սառնության եւ անտարբերության ի հայտ գալը եւս մի կարեւոր նշան է այն բանի, որ ձեր հարաբերությունները ճաք են տվել: Դա նախ եւ առաջ դրսեւորվում է շփման մեջ, երբ ամուսիններից մեկը հետաքրքրվում է ինչ-որ բանով, բայց ի պատասխան չոր ու կարճ «այո» կամ «ոչ» է ստանում: 
Նման պահվածքն արգելակում է առողջ շփումը եւ հուզական սառցե հեռավորություն է ստեղծում. դա իդեալական ամուսնության լավագույն բաղադրատոմսը չէ, ճի՞շտ է:

5. Սեռական կյանքի բացակայությունը

Եթե սեքսը ձեր զույգի համար հազվագյուտ երեւույթ է դարձել, ուրեմն դա գլխավոր գործոններից մեկն է այն բանի, որ ձեր միջեւ անդունդ է առաջանում: Դեռեւս վերջերս գիտնականները պարզել էին, որ սեռական բավարարվածությունը երջանիկ հարաբերությունների չափանիշներից մեկն է: 
Փորձիր վերակենդանացնել ձեր սեռական կյանքը, որեւէ նոր բան փորձարկել, էրոտիկ կերպարի միջոցով գրգռել ամուսնուդ: Սակայն եթե բոլոր փորձերը ձախողվել են եւ սեռական հակում չի առաջանում, հավանաբար դա վերջի սկիզբն է:

6. Պայքարելու ցանկության բացակայությունը

Ամենայն հավանականությամբ, ամուսնությունը փլուզման շեմին է, եթե զուգընկերներից մեկը չի ցանկանում մասնակցել խնդիրների լուծմանը: Խմբի անդամ լինելու ցանկության բացակայությունը հավասարազոր է նրան, որ ամուսինն ուղղակի սպառել է ներքին բոլոր ռեսուրսները եւ հանձնվել է:

Հոգեբանները հիշեցնում են, որ իդեալական մարդիկ, ինչպես եւ իդեալական հարաբերություններ գոյություն չունեն: Փոխըմբռնումը եւ իրար հանդեպ հարգանքը պահպանելու համար անհրաժեշտ է նախ եւ առաջ շփվել, քննարկել խնդիրները եւ դրանք համատեղ լուծել, աջակցել իրար: Իսկ եթե արդեն անհնար է ընտանիքի ներսում լուծել զույգի խնդիրները, հոգեբանները խորհուրդ են տալիս օգնության համար դիմել ընտանեկան հոգեբանին:

Աղբյուրը՝ Ivona

Հետևեք NEWS.am STYLE-ին Facebook-ում, Twitter-ում և Instagram-ում