1. Ագրեսորի հետ շփումը տեղափոխել առավելագույնս ձեւական, տպագիր հուն` գործնական е-մեյլներ եւ ծառայողական գրություններ
Հենց որ զգաք, որ աշխատակիցներից մեկը ձեզ այնպես չի վերաբերվում, ինչպես մյուսներին եւ այդ «ոչ այնպես»-ը չի նշանակում ավելի լավ, բարեկամական կամ ուրախ վերաբերմունք, եւ կարեւոր չէ, թե դա ինչում է դրսեւորվում. սկսել է առանց թույլտվության «դու»-ով դիմել, երբ մյուսների հետ «դուք»-ով է խոսում, կատակներ է անում, միջամտում է հաճախորդների հետ ձեր զրույցներին, առաջադրանքներ է տալիս, անմիջապես շփումը բանավորից գրավորի փոխեք: Գրավոր շփումը նշանակում է, որ միշտ ապացույց կա: Բանավոր դեպքերը, հատկապես եթե դրանք տեղի են ունենում միայն ձեր միջեւ, դժվար է ապացուցել: Իսկ նամակագրությունը փաստեր են, որոնք չես վիճարկի: Եվ այդ փաստերով միշտ հնարավոր է դիմել ղեկավարությանը:
2. Պահպանեք քաղաքավարությունը
Ագրեսորի նպատակը ձեզ հուզելն է, ստիպել, որ կորցնեք ինքնատիրապետումը, ստիպել, որ իմպուլսիվ եւ չմտածված գործեք: Ագրեսորը «վամպիր» է, հույզերը սնունդ են վամպիրի համար: Նրան թույլ մի տվեք ուտել ձեզ, եւ այդ դեպքում ագրեսորն ինքը ցավերից կգալարվի: Ավելին, երբ դուք գործում եք հույզերի ազդեցության տակ, սխալվում եք: Ձեր սխալները եւս հենց այն են, ինչ ուզում է ձեզանից ստանալ հարձակվողը: Նրան ձեր դեմ հաղթաթուղթ մի տվեք: Եթե գրոհը լիովին անտանելի էր, պատկերացրեք, թե ագրեսորի դեմքը թիրախ է, որին կրակում եք ինքնաձիգից:
3. Հետապնդումը ձեր անձին մի վերագրեք
Իհարկե, կան պահվածքի զոհային մոդելով մարդիկ, նրանք կրակն իրենց վրա են ուղղում նույնիսկ ամենախաղաղասեր եւ չեզոք կոլեկտիվներում: Բայց ուժ կիրառողին երբեք չի արդարացնում ոչ զոհի պահվածքը, ոչ էլ վիճակը: «Զոհին» միշտ կարելի է հաղորդակցության վերաբերյալ դասընթացի, թերապիայի ուղարկել կամ տեղափոխել այնպիսի տեղ, որտեղ նրա հետ փոխազդեցությունը նվազագույն է: Բայց չհալածել: Ինչից պարզել` դուք զոհ եք, թե պատահաբար հայտնվել եք վատ միջավայրում: Աշխատանքի ձեր նախորդ փորձը. եթե նախորդ կոլեկտիվում ձեզ հարգել են եւ գնահատել, դուք էլ բարյացակամորեն եք վերաբերվել բոլոր աշխատակիցներին եւ նրանք ձեզ նույն կերպ են պատասխանել եւ ընդհանրապես չունեք այն զգացողությունը, թե աշխարհը մեծ է եւ անարդար ձեր հանդեպ, նշանակում է՝ դուք խնդիր չունեք: Կոլեկտիվն է սխալ:
4. Անմիջապես կասեցրեք հարձակումները
Հաճախ է պատահում, որ մենք նախ չեզոքություն ենք դրսեւորում մեզ վիրավորած մարդու հանդեպ եւ նրա համար արդարացում ենք փնտրում. «նա բղավեց, որովհետեւ նրա վրա էլ էին բղավել», «նա ինձ կոպիտ պատասխանեց, որովհետեւ հիմա նա ծանր աշխատանք է անում»: Կամ էլ անտեսումն ենք ընտրում որպես հակամարտությունից խուսափելու միջոց. չի պատասխանում վիրավորանքին, դուրս է գալիս աշխատասենյակից, չի նկատում վիրավորական կատակը: Այն, ինչ լուծման լավ միջոց է թվում, այն է` հեռանալը եւ լռելը, ագրեսորի կողմից ընկալվում է որպես կանաչ լույս, որպես նշան, որ կարելի է ճնշել: Եթե դուք հարձակվողին քաղաքավարի եւ հանգիստ անմիջապես ցույց եք տալիս, որ ձեզ վիրավորել չի կարելի, կարող եք հակահարված տալ: Այդ դեպքում նա գոնե կմտածի, արդյոք այս «ընկույզը» իր ատամների բանն է:
Աշխատանքը մարդու կյանքի կարեւոր մասն է, բայց ամբողջ կյանքը չէ: Եթե դուք զգում եք, որ ձեզ համար անտանելի է գտնվել այն կոլեկտիվում, որում հայտնվել եք, փորձել եք լուծման բոլոր միջոցները եւ դրանք արդյունք չեն տալիս, հեռացեք աշխատանքից՝ չնայելով ճգնաժամին, գործազրկության մակարդակին, հիպոթեքին կամ էլի ինչ-որ բանի: Աշխատել կարող է միայն ողջ եւ առողջ մարդը: Եթե դուք ձեզ սպանեք աշխատանքով, որն անտանելի է, ոչ մեկի համար ավելի հեշտ չի լինի: Հաճույքով աշխատեք:
Աղբյուրը` Liza.ua
Հետևեք NEWS.am STYLE-ին Facebook-ում, Twitter-ում և Instagram-ում
16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները