Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Exclusive. Wiwibloggs-ի Ուիլյամը՝ Սեւակ Խանաղյանի հաղթանակի, Կամիլի եւ Հայաստանից ստացած տպավորությունների մասին

12:08, 1 մարտի

«Դեպի Եվրատեսիլ»-ն արդեն անցյալում է, սակայն Սեւակ Խանաղյանի հաղթանակի եւ մրցույթի մյուս մասնակիցների մասին քննարկումները դեռ շարունակվում են: Այս տարվա մրցույթը հայտնվեց նաեւ եվրատեսիլյան Wiwibloggs կայքի կիզակետում, որի հայտնի լրագրողներից մեկը՝ Ուիլյամ Լի Ադամսը, մրցույթի եզրափակիչը լուսաբանելու նպատակով ժամանել էր Երեւան: Չնայած բլոգերը երկար չմանաց իր իսկ խոսքով «իր տեսած ամենահյուրընկալ երկրում», այնուամենայնիվ, հասցրեց մտերմանալ մրցույթի բոլոր մասնակիցների հետ եւ լինել մի քանի գեղատեսիլ վայրերում:

Սեւակ Խանաղյանի հաղթանակի, մրցույթում իր ֆավորիտների եւ Հայաստանում անցկացրած ժամանակի մասին Ուիլյամը բացառիկ հարցազրույց է ունեցել NEWS.am STYLE-ի հետ:

Ըստ բլոգերի՝ «Դեպի Եվրատեսիլ»-ը մեկ տարվա ընթացքում մեծ առաջընթաց է ապրել.

«Նոր ձեւաչափը թույլ տվեց, որ մարդիկ հենց սկզբից ընտրեն իրենց նախընտրած երգն ու կատարողին: Շատ դժվար է կանխատեսել՝ արդյոք երգիչն ինչ-որ նորություն կարո՞ղ է տալ «Եվրատեսիլին», երբ նա մրցույթին մասնակցում է Ուիթնի Հյուսթոնի կամ Ռիհանայի քավր տարբերակներով: Նոր ձեւաչափի շնորհիվ նախագիծը տարբերվեց The Voice կամ X Factor շոուներից, քանի որ «Դեպի Եվրատեսիլ»-ը ներկայացնում է երգիչներին իրենց համար գրված երգերով, ըստ այդմ՝ շեշտը դրվում է հենց կատարողի վրա: Նաեւ կարծում եմ՝ բեմը հրաշալի էր կառուցված: Բեմի վրա փայլող լույսերը դարձան «Դեպի Եվրատեսիլ»-ի խորհրդանիշը: Հուսով եմ՝ այս դիզայնը կպահպանվի նաեւ հաջորդ տարիներին»:

Ըստ նրա՝ Հայաստանն ընտրեց եվրատեսիլյան լավագույն երգն ու ելույթը:

«Սեւակն այնպիսի ձայն ունի, որը կշշմեցնի թե´ ժյուրիի անդամներին, թե´ հեռուստադիտողին: Բացի այդ՝  նա առաջին հայ ներկայացուցիչը կլինի, որը սկզբից մինչեւ վերջ իր երգը կկատարի հայերենով: Հրաշալի  է, որ նա իր երկրին նման պատվի կարժանացնի: Մեր կայքի շատ ընթերցողներ նշում են. «Հայերենը գեղեցիկ է հնչում. ինչո՞ւ նրանք ամեն տարի հայերեն երգ չեն ներկայացնում»: Նաեւ կարծում եմ՝ նրա բեմադրությունը շատ ճաշակով էր: Այն պարզության եւ լույսերի ներդաշնակություն էր: Երգը հանդարտ է, երկու րոպե այդ տրամադրության մեջ, իսկ հետո այն պայթում է: Ես դա զգացել եմ»:

Այնուամենայնիվ, Ուիլյամն ուներ նաեւ այլ ֆավորիտներ, որոնց առանձնահատկությունների մասին պատմեց մեզ.

«Տարվա անհատականություն կարելի է համարել Կամիլ շոուին: Նա էներգիայի եւ հումորի մարմնացում է, որը շատ տեղին էր: Նրա կերպարը փայլում էր ոչ միայն բեմի վրա, այլեւ դրանից դուրս՝ մամուլում, կանաչ սենյակում, որտեղ նա բոլոր մասնակիցներին ստիպում էր ծիծաղել: Երբ Մհեր Արմենիան երգում էր Forever երգը, Կամիլը կանգնել էր բազմոցին՝ բջջայինն ամրացրած որովայնին՝ փորձելով ընդօրինակել «հղի» պարուհուն: Շատ ծիծաղելի էր: Մրցույթի ընթացքում Կամիլը դարձավ միջազգային երկրպագուների կողմից ամենաքննարկվող մասնակիցը՝ անկախ նրանից՝ սիրում էին նրան, թե ատում: Նրա հետ մեր հարցազրույցը մեր պատրաստած նյութերից ամենազավեշտալին էր: Նա մի ուրիշ մակարդակի վրա է:

Պետք է հաշվի առնել նաեւ այն փաստը, որ նա հեռուստադիտողների քվեարկությամբ արժանացավ երկրորդ հորիզոնականին: Սա ցույց տվեց, որ Հայաստանը բաց է նոր կերպարների եւ ոճերի առաջ, եւ որ հայերը միայն ազգային երաժշտության եւ ոճի սիրահար չեն: Հուսով եմ՝ Կամիլին եւ նրա հրաշալի բեքվոկալիստներին դեռ էլի կտեսնենք մրցույթի շրջանակում:

Ինչ վերաբերում է Nemra-ին՝ նրանք շատ էին աճել երգի ստուդիական տարբերակից մինչեւ կենդանի շոու: Անկեղծ ասած՝ սկզբում ինձ երգն այնքան էլ դուր չէր գալիս, բայց նրանց վոկալիստը շատ խարիզմատիկ է, եւ կենդանի կատարման ժամանակ երգը կյանք ստացավ: Բացի այդ՝ խմբի անդամների ամուր կապը շատ լավ է աշխատում:
Նաեւ Ռոբերտին ու Մհերին եմ հավանել՝ որպես կատարողներ: Նրանք շատ տաղանդավոր են, չնայած՝ նրանց երգերն այնքան էլ չեմ հավանել: Սակայն զարմանալին այն է, որ նրանց երգերի կրկներգերը մինչ օրս երգում եմ: Այնպես որ, կարծում եմ՝ նրանց հեղինակները լավ գիտեն՝ ինչպես երգը տեղ հասցնել»:

Ուիլյամը կարծում է՝ Հայաստանը կկարողանա հրաշալի շոու կազմակերպել հաղթանակի դեպքում:

«Ես հանդիպել եմ դեպքերի, երբ որեւէ հարուստ ընտանիք կամ օլիգարխ գումար է ծախսել եւ համապատասխան բեմ պատրաստել մրցույթի համար, սակայն խոսքը միայն համերգասրահի մասին չէ, մարդկանց գործոնը եւս կարեւոր է: Հայերը «Եվրատեսիլ»-ի իսկական երկրպագուներ են: Ինձ հուզեց հանդիսատեսի էնտուզիազմը: Համերգասրահը մեծ չէր, բայց այն թնդում էր էներգիայով: Եթե մի օր դուք հյուրընկալեք այս մրցույթը, ես համոզված եմ՝ հազարավոր հայեր կմասնակցեն դրան եւ ցույց կտան իրենց հայտնի հյուրասիրությունը:

Ես նաեւ համոզված եմ, որ Հանրային հեռուստատեսությունը ջանք չի խնայի դրա համար: Յուրաքանչյուրը, ում հանդիպեցի մրցույթի ընթացքում, ջանք չէր խնայում շոուն հնարավորինս ֆանտաստիկ դարձնելու համար: Հայաստանն առավել մեծ սիրով է մոտենում իր հաղորդաշարերին, ինչը հաճախ շատ երկրներ չեն անում»:

Ուիլյամի հետ խոսեցինք նաեւ մրցույթից դուրս՝ երկրից ստացած տպավորությունների եւ այստեղ անցկացրած ժամանակի մասին: Պարզվում է՝ բլոգերն այս առումով եւս տպավորված է:

«Նախ եւ առաջ, ուզում եմ նշել, որ հայերն իմ հանդիպած ամենահյուրասեր ազգն են: Միացյալ Թագավորությունում բոլորն էլ քաղաքակիրթ են, բայց, միգուցե, մի փոքր սառը: Հայաստանում մարդիկ ե´ւ քաղաքակիրթ են, ե´ւ ջերմ: Նրանք շատ բարեհամբույր են օտարերկրացիների հանդեպ եւ պատրաստակամ նրանց ցուցադրելու իրենց մշակույթը, սովորույթները, սովորեցնելու լեզուն: Մեծ տարբերություն կա Հայաստանի եւ իմ՝ մինչ այսօր տեսած մյուս երկրների միջեւ: Այլ երկրներում մարդիկ այդքան էլ հյուրընկալ չեն զբոսաշրջիկների հանդեպ, բայց Հայաստանում մարդիկ ուրախանում են այցելուների դեպքում: Դա այնքան հրաշալի է: Այստեղ նաեւ շատ ընկերներ ձեռք բերեցի, որոնց հուսով եմ՝ կտեսնեմ մոտ ապագայում:
Երեւանը շատ կենդանի քաղաք ինձ թվաց: Այստեղ շատ ռեստորաններ կան, տարբեր գներ, հրաշալի վայրեր, ինչպես օրինակ՝ Կասկադը եւ Կարապի լիճը, որտեղ այնքան հանգիստ է»:

Հայտնի բլոգերը մեկնելուց առաջ հասցրել է լինել Հայաստանի ոչ պակաս հայտնի վայրերում.

«Հասցրեցի լինել նաեւ քաղաքից դուրս՝ Գառնիում, որն ասես գեղեցիկ ֆիլմի տեսարան լիներ: Տաճարը հիասքանչ էր:

Հետո եղանք նաեւ Գեղարդի տաճարում, որտեղ ես երեք հրաշալի հուշեր կուտակեցի: Առաջինը՝ հենց եկեղեցին էր, որտեղ դեղին մոմեր վառեցի: Տաճարը մութ էր, չկային լույսեր, եւ ես այնտեղ ավելի մեծ հոգեւոր շունչ զգացի: Հաջորդիվ տպավորվել եմ եկեղեցու մյուս անկյունից, որը երբեք չի վերակառուցվել եւ տեղակայված էր քարանձավի ներսում: Ինձ այլ ժամանակահատվածում զգացի: Այնուհետեւ ինձ տպավորեց եկեղեցու ցայտաղբյուրներից մեկը, որտեղից ջուր խմեցի: Բոլորն ինձ ասում են, որ Հայաստանը աշխարհի ամենապարզ ու մաքուր ջուրն ունի: Գեղարդում այն առանձնահատուկ սառն էր: Կարծում եմ՝ կյանքս մի քանի տարով երկարեց այդ ջուրը խմելուց հետո»,-նշեց նա:

Սյունե Առաքելյան

Լուսանկարները տրամադրել է Ուիլյամ Լի Ադամսը


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել