Այս պատմությունը Եվրոպայի վերջին կախարդի՝ Աննա Գյոլդիի մասին է, որը գլխատվելուց 226 տարի անց արդարացվեց:
Բայց սկսենք ամենասկզբից: XIV եւ XVIII դարերում Եվրոպան, Մեծ Բրիտանիան եւ Միացյալ Նահանգներն ակտիվ պայքար էին մղում կախարդների դեմ: Քանի անմեղ կանայք էին գլխատվել կամ այրվել՝ կրելով կախարդուհու պիտակը... Նրանցից մեկն էլ Աննա Գյոլդին էր, որին անվանում են Եվրոպայի վերջին կախարդ:
Աննան ծնվել է 1734 թվականին, Շվեյցարիայում: Ծնված լինելով աղքատ ընտանիքում՝ Աննան գումար էր վաստակում աղախնի աշխատանքով: Սակայն չլինելով ամուսնացած, նա հղիանում է, սակայն երեխան մեկ օր անգամ չի ապրում ծնվելուց հետո: Այդ տարիներին նորախինների մահացությունը բնական երեւույթ էր, սակայն Աննայի դեպքում դա այդպես չընկալվեց: Նրան մեղադրեցին սեփական երեխայի սպանության մեջ, ինչը տարօրինակ չէր, քանի որ Աննայի գրեթե բոլոր երեխաները մահանում էին: Այսպիսով, կնոջը դատապարտեցին վեց տարվա տնային կալանքի: Աննայի համար դա նշանակում էր դանդաղ մահ, քանի որ նա չէր կարող չաշխատել եւ քաղցի մատնել ինքն իրեն:
Այսպիսով, նա դիմում է փախուստի եւ հաստատվում Գլարուս քաղաքում: Որոշ ժամանակ անց նա աշխատանքի է ընդունվում մի հարգալից դոկտորի՝ Յակոբ Չուդիի տանը: Ասում են, թե նրանք անգամ սիրային կապ են ունեցել, սակայն ինչ-որ բան այնպես չի ընթանում, եւ Յակոբը կնոջը մեղադրում է իր դստեր կաթի եւ հացի մեջ ասեղներ գցելու մեջ: Նա աշխատանքից հեռացնում է Աննային: Սակայն գործը դրանով չի ավարտվում: Կարծիք կա, թե կինը սպառնացել էր բոլորին պատմել իրենց սիրային հարաբերությունների մասին, այդ պատճառով Յակոբը Աննայի հեռանալուց հետո սկսում է պնդել, որ իր դուստրը, միեւնույն է, երկաթե կտորներ է փսխում: Եզրահանգումը մեկն էր՝ Աննա Գյոլդին կախարդ էր:
Կարճ ժամանակ անց Գլարուսի իշխանություններն Աննային բռնում են եւ կտտանքների ենթարկում: Չդիմանալով ցավերին՝ կինը խոստովանում է, որ իբրեւ թե կապ է ունեցել սատանայի հետ, որը նրան հայտնվել է սեւ շան տեսքով: Ի վերջո, նրան դատապարտում են մահապատժի, չնայած այն հանգամանքին, որ թունավորումը, որը որեւէ մեկի մահը չէր հանգեցրել, չէր ենթադրում մահապատիժ:
Ինչեւէ, 1782 թվականի հունիսի 13-ին, 48 տարեկանում Աննա Գյոլդին գլխատվեց: Դատական բոլոր փաստաթղթերը կարճ ժամանակ անց անհետացան: Ավելի ուշ՝ 2008 թվականին, Աննա Գյոլդիի մահից 226 տարի անց, Շեյցարիայի խորհրդարանը նրա մահապատիժը դատական սխալ որակեց:
Լրագրող Վալտեր Հաուզերի շնորհիվ 2007 թվականին Գլարուսում բացվեց թանգարան՝ նվիրված Աննայի կյանքին:
Աղբյուրը՝ Cosmo.ru
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»