11-ամյա քանոնահարուհի Մերի Մուսինյանը, որը հեռուստադիտողների շրջանում առավել հայտնի դարձավ Մաքսիմ Գալկինի «Лучше всех» հաղորդմանը մասնակցելուց հետո, հայ հանդիսատեսին պատրաստվում է ներկայանալ մենահամերգով: Այսօր կայացած մամուլի ասուլիսի ժամանակ Մերին խոսեց մարտի 29-ին Կոմիտասի անվան կամերային ներաժշտության տանը կայանալիք համերգի, առաջիկա շրջագայությունների եւ Գալկինի հետ հանդիպման մասին:
Պարզվում է` աղջիկը քանոն սկսել է նվագել մայրիկի խորհրդով, որի համար երազանք է եղել տվյալ գործիքին տիրապետելը:
«Սկզբում քանոն չունեի, նվագում էի բարձի վրա, մատների աշխատանք էի կատարում: Հետո երբ քանոն ունեցա, հանդես եկա Կոմիտասի անվան կամերային երաժշտության տանը: Այդ օրվանից սկսած նվագում եմ քանոն ու կշարունակեմ նվագել»,-ասում է Մերին, որը չնայած համերգային շրջագայություններին` հասցնում է լավ սովորել նաեւ դպրոցում.
«Երբ դպրոցից տուն եմ գալիս, սկզբում քանոն եմ նվագում, հետո անցնում եմ դասերիս: Հասցնում եմ համատեղել երկուսն էլ, նաեւ գերազանցիկ եմ»,-հպարտորեն նշեց նա:
Ասուլիսի ընթացքում Մերիի կողքին էր ուսուցչուհին` Ծովինար Հովհաննիսյանը, որի բնորոշմամբ` Մերիի հաջողության գաղտնիքը նրա արտիստիզմը, լուսավոր կերպարն ու աշխատասիրությունն են: Նա նաեւ հիշեց, թե ինչպես էր Մերին համբերատար հաղթահարում «Лучше всех» հաղորդման նկարահանումները, որոնք հիմնականում տեղի էին ունենում ուշ ժամերի: Իսկ քանոնահարուհին սիրով մտաբերեց իր եւ Գալկինի հանդիպումը.
«Գալկինը շատ ջերմ ու անմիջական էր ինձ հետ: Նաեւ շատ ընկերներ ձեռք բերեցի հաղորդման ընթաքում, որոնց հետ խաղում էինք: Շատ ուրախ եմ, որ Հայաստանի պատիվը բարձր պահեցի այնտեղ»:
Իսկ վերջում Մերին բացահայտեց մենահամերգի ծրագիրը ու նվագեց լրագրողների համար:
«Համերգին նվագելու եմ Ծովինար Հովհաննիսյանի, Խաչատուր Ավետիսյանի, Կոմիտասի, Մհեր Սամվելյանի, Արամ Խաչատրյանի ստեղծագործություններից: Իսկ ամենավերջում բեմում կլինի 35 քանոններից բաղկացած անսամբլը»,-ոգեւորված հավելեց նա:
Ի դեպ, Մերին արդեն հասցրել է լինել մոտ տասը երկրում: Առաջիկայում «Հայաստանի նոր անուններ» ծրագրի շրջանակում ելույթներ կունենա նաեւ ԱՄՆ-ում, Մալթայում եւ Ֆրանսիայում: Փոքրիկ քանոնահարուհին համերգներ է տվել աշխարհի բազմաթիվ քաղաքներում՝ Մայամիից մինչեւ Տոկիո, Կրասնոյարսկից մինչեւ Սեուլ: Նվագել է դուդուկահար Ջիվան Գասպարյանի, Ռուսաստանի նախագահական նվագախմբի հետ:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով