• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

«Սպասիր ինձ» հաղորդաշարը տարիներ անց կրկին կհեռաձակվի Հանրային հեռուստատեսության եթերում: Միմյանց կորցրած հարազատներն ու ընկերները հնարավորություն կունենան վերամիավորվելու Առաջին ալիքի տաղավարում, իսկ նրանց էմոցիանալ պահերը տաղավարից եթեր կփոխանցեն Աննա Ավանեսյանն ու Տիգրան Ներսիսյանը:

NEWS.am STYLE-ը հաղորդման նոր եթերաշրջանի մասին զրուցել է հաղորդավարական զույգի հետ, որոնք ներկայացրել են նախորդ եթերաշրջանի ձեռքբերումները եւ խոսել նոր ակնկալիքների մասին:

«Շատ ուրախ եմ, որ «Սպասիր ինձ»-ը նորից կյանքի է կոչվում: Հաղորդումը գնահատելի եւ թանկ է նրանով, որ ամեն ինչ իրական է: Ընդհարապես, մարդկանց համար սա շատ սպասված հաղորդում է, որովհետեւ նրանք գտնում են իրենց հարազատներին, հայրենակիցներին եւ ընկերներին: Նախորդ եթերաշրջանից ունեցել ենք մի շարք ձեռքբերումներ: Նույնիսկ, եթե մեկը կամ երկուսը իրար գտնեն, նշանակում է՝ կարեւոր է, որ հաղորդումն ունենա իր ճանապարհը»,-նշեց Տիգրան Ներսիսյանը, իսկ Աննան հավելեց.

«Նախորդ եթերաշրջանում ունեցել ենք 500-600 հազար հայտ տարբեր երկներից, որտեղից փնտրում էին ազգությամբ հայերի: Նրանցից մոտ 500 հոգին գտնվել են: Այն պահին, երբ հաղորդումը փակվեց, մենք շատ նամակներ էինք ստանում»:

Աննան նաեւ նշում է՝ ուրախ է, որ հաղորդումը վարում է Տիգրան Ներսիսյանի հետ.

«Թե տեխնիկապես, թե հոգեբանական առումով հաղորդումը բարդ է, իսկ Տիգրանը շատ հուսալի գործընկեր է՝ ճիշտ կողմնորոշվող մարդ, ինչը շատ կարեւոր է, քանի որ հաղորդման ընթացքում տարբեր բարդ իրավիճակներ են լինում…»:

Աննայի ուրախությունն այս առումով կիսում է նաեւ Տիգրանը. «Շատ ուրախ եմ, որ հաղորդման ընթացքում կրկին պետք է աշխատեմ Աննայի հետ: Նա շատ լավ գործընկեր է՝ հուսալի, զուսպ: Շատ կարեւոր է, երբ կարողանում ես գործընկերոջդ հետ ճիշտ համագործակցել, հարկ եղած դեպքում ճիշտ իմպրովիզներ անել: Շատ հաճելի է, որ միասին ենք նորից աշխատելու, եւ ես համոզված եմ, որ արդյունավետ գործունեություն ենք ծավալելու»,-հավելեց նա:

Թե Տիգրանը, թե Աննան փաստեցին՝ հաղորդման ընթացքում ամենադժվարը էմոցիաները զսպելն է.

«Իհարկե, դժվար է վերահսկել էմոցիաները, սակայն ինչ-որ պահից սկսած ես հասկացա, որ պետք էլ չէ զսպել հույզերդ, քանի որ երբ ինչ-որ մեկն իր էմոցիոնալ պատմությունն է ներկայացնում, դու չես կարող ստատիկ դեմքով լսել այդ ամենն ու հարցեր տալ: Երբ հերոսի հետ ապրում ես իր պատմությունը, ավելի ճիշտ ես կարողանում խոսել նրա հետ: Կարծում եմ՝ հաղորդման գաղտնիքներից մեկն էլ այն է, որ թե հյուրերը, թե հանդիսատեսն անկեղծորեն արտահայտում են իրենց էմոցիաները, ինչը երեւում է նաեւ եթերից»,-նշեց Աննան, իսկ Տիգրանը հավելեց.

«Հաղորդումը շատ հուզիչ է: Եղել են դեպքեր, երբ ես եւ Աննան հուզվում եւ տպավորվում էինք, երբ տեսնում էինք, որ մարդիկ 30 տարի անց իրենց կորցրած հարազատին էին գտնում: Էմոցիաները զսպելը դժվար է, բայց նաեւ դու պետք է գիտակից լինես, որովհետեւ տաղավարում այնքան հուզիչ պահեր են լինում, երբ մարդիկ գտնում են միմյանց, եւ մենք պետք է ավելի զգոն լինենք: Հաղորդումներից մեկի նկարահանումների ժամանակ տաղավարում նույինսկ ուշաթափության դեպք է եղել, երբ հյուրերից մեկը գտնելով իր հարազատին՝ այնպես էր ազդվել, որ կորցրել էր գիտակցությունը: Այսինքն՝ պետք է ամբողջովին կարողանանք տիրապետել իրավիճակին, որպեսզի կարողանանք մեղմել եւ հանգտացնել մարդկանց»:

Ի դեպ, «Սպասիր ինձ» հաղորդումը եթերում կլինի արդեն վաղվանից եւ կհեռարձակվի յուրաքանչյուր հինգշաբթի՝ 19:55-ին:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում