Այսօր՝ ապրիլի 9-ին, ծննդյան տարեդարձն է նշում «Մթնշաղ» ֆիլմի աստղ՝ հայտնի դերասանուհի Քրիստեն Ստյուարտը: Նա դարձավ 28 տարեկան:
Ստյուարտն իր դերասանական կարիերան սկսել է մոտ 20 տարի առաջ՝ 1997 թ-ին՝ նկարահանվելով փոքրիկ էպիզոդներում: Նա ճանաչում ձեռք բերեց 2002 թ-ին՝ նկարահանվելով «Խուճապի սենյակը» ֆիլմում, որտեղ հանդես էր գալիս Ջոդի Ֆոսթերի հերոսուհու դստեր դերում: Դրանից հետո Քրիստենին հրավիրեցին նկարահանվել «Խոսիր», «Բռնեք այդ երեխային» եւ «Դեպի վայրին» ֆիլմերում:
Իհարկե, ավելորդ չէ նշել, որ դերասանուհուն գլխապտույտ հաջողություն բերեց 2008 թ-ին նկարահանված «Մթնշաղ» ֆիլմը, որտեղ նա մարմնավորում էր գլխավոր հերոսուհուն՝ Բելլա Սուոնին: Նրա խաղընկերը հմայիչ Ռոբերթ Փաթինսոնն էր, որի հետ էլ եղավ երիտասարդ դերասանուհու առաջին լուրջ սիրավեպը:
Քրիստենի անունը հետագայում մի շարք հայտնի մարդկանց հետ կապեցին, նրանց թվում է նաեւ հայտնի մոդել Ստելլա Մաքսվելը:
Հարցազրույցներից մեկում դերասանուհին խոսել է բիսեքսուալ լինելու մասին: Նա հայտարարել է. «Հրաշալի է, երբ այլեւս ստիպված չես թաքցնել ինչ-որ բաներ՝ կապված քո սեռական կողմնորոշման հետ»:
Սկանդալային լինելուց բացի` Ստյուարտը նաեւ բավականին ոճային է: Դերասանուհին հատկապես սիրում է փոփոխությունների ենթարկել իր սանրվածքը: Սակայն այսօր նրա ոճային փոփոխությունների մասին չէ, որ խոսելու ենք: Ձեզ ենք ներկայացնում Քրիստենի հայտնի մեջբերումներից մի քանիսը.
«Լավ է, երբ դու դու ես, եւ նորմալ է, որ կատարյալ չես»:
«Ես բավականին ամաչկոտ եմ, այդ պատճառով էլ մարդկանց թվում է, թե մեկուսացված եմ»:
«Հայտնի լինելու ամենատարօրինակ կողմն այն է, որ դու ինքդ հնարավորություն չես ունենում ստեղծել քո մասին առաջին տպավորությունը: Մարդիկ մինչ քեզ հանդիպելն արդեն քո մասին կարծիք են կազմած լինում»:
«Եթե դու ազնիվ մարդ ես, դու առանց վախենալու կսխալվես: Հենց դրանից հետո է սկսվում ամենահետաքրքիրը»:
«Չգիտեմ՝ մարդիկ ինչ կարծիք ունեն իմ մասին, բայց դպրոցում ես շատ օրինապահ աշակերտուհի եմ եղել»:
«Հաջողության մասին պատկերացումը մարդկանց մոտ տարբեր է լինում: Օրինակ՝ ես ինձ հաջողակ եմ համարում, երբ իմ արած գործն ինձ երջանկացնում է, եւ ես չեմ ստում ոչ ինձ, ոչ էլ շրջապատիս»:
«Ես իսկապես հպարտ եմ «Մթնշաղ» ֆիլմում նկարահանվելու համար, այն հրաշալի ֆիլմ է, բայց երբեմն չեմ հասկանում, թե ինչու են այդքան շատ աղջիկներ ինձ տեսնելիս բղավում իմ անունը: Չեմ կարծում, թե արժանի եմ դրան»:
«Ուրախ եմ, որ ես այն դերասանուհիներից չեմ, որոնք ամեն մեկի առաջ պատրաստ են բացել իրենց սիրտը»:
«Չեմ կարծում՝ երբեւէ կկարողանայի դառնալ դերասանուհի, եթե իմ կարիերան չսկսեի 9 տարեկանում»:
«Ես առայժմ պատրաստ չեմ ամուսնության, բայյց ունեմ շատ լավ ընտանիք ու կարծում եմ՝ մի օր դրա մասին էլ կմտածեմ»:
Լուսանկարները՝ Daily Mail, Fortune, Wannart.com
Հետևեք NEWS.am STYLE-ին Facebook-ում, Twitter-ում և Instagram-ում
10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ