Դերասանուհի Անի Երանյանն օրերս անակնկալ է մատուցել իր ռուսաստանաբնակ երկրպագուներին՝ կազմակերպելով հանդիպում նրանց հետ: NEWS.am STYLE-ի աչքից չի վրիպել այժմ Մոսկվայում բնակվող դերասանուհու համար շատ կարեւոր այս իրադարձությունը, ինչի մասին էլ զրուցել ենք Անի Երանյանի հետ: Ի դեպ, Անին խոսել է նաեւ իր առաջիկա ծրագրերի եւ երկրպագուներին սպասվող երաժշտական անակնկալի մասին :)
«Հանդիպումը կազմակերպվել էր իմ պրոդյուսեր Սոֆյա Ղուլյանի եւ Ռուսաստանում Հայաստանի դեսպանատան աջակցությամբ եւ նախաձեռնությամբ»,-տեղեկացրեց դերասանուհին՝ անդրադառնալով նաեւ երկրպագուների հետ հանդիպման առանձնահատկությանը.
«Վերջին չորս տարիների ընթացքում «Ֆուլ Հաուսի» շրջանակներում մենք շատ հնարավորություններ ենք ունեցել մեր հանդիսատեսի հետ հանդիպելու՝ Հայաստանում, Ռուսաստանի տարբեր քաղաքներում, ինչպես նաեւ Եվրոպայում եւ ԱՄՆ-ում: Սակայն առանձին այսպիսի հանդիպում չէի ունեցել եւ սա առաջինն էր, բայց ոչ վերջինը»:
Անին խոստովանում է՝ հուզմունքն ու ուրախությունը շատ մեծ էին, եւ հույս հայտնում. «Կարծում եմ՝ այն ջերմությունը, որը ես ստացա հանդիպման ընթացքում յուրաքանչյուրից, կարողացա նաեւ փոխանցել նրանց: Շատ հաճելի է, որ հայրենիքից հեռու քեզ սիրում եւ գնահատում են, ինչը, միանշանակ, փոխադարձ է: Ինձ իմ հանդիսատեսն ու լսարանն են տալիս ուժ եւ նորովի ներկայանալու ու իմ սիրած գործով զբաղվելու ավելի մեծ ցանկություն»:
Երկրպագուներին հատկապես հետաքրքրել են դերասանուհու՝ Մոսկվա տեղափոխվելու, նոր ծրագրերի եւ հետագա անելիքների մասին հարցերը:
«Հարցեր հնչեցին նաեւ երգի հետ կապված՝ արդյոք մտադրություն չունե՞մ նորից երգելու, իսկ մենք հենց այդպիսի անակնկալ էինք պատրաստել: Ես ուրախացրեցի նրանց՝ հաստատելով, որ արդեն պատրաստում ենք նոր երգ, ինչը կլինի շարունակական»:
Մինչ «Ֆուլ Հաուս»-ում նկարահանվելն Անին արդեն հայտնի էր հայրենիքում մի շարք գեղարվեստական ֆիլմերից եւ հեռուստասերիալներից, սակայն սիթքոմում Տաթեւի կերպարը դարձավ դերասանուհու հայաստանյան երկրպագուների համար, թերեւս, ամենասիրելին: Իսկ ո՞ր կերպարներն են հավանում նրա ռուսաստանաբնակ երկրպագուները.
««Ֆուլ Հաուսը» միանշանակ բոլորի կողմից սիրվել է, եւ ես շատ ուրախ եմ, որ իմ մարմնավորած եւս մեկ կերպար սիրվեց, բայց ի զարմանց ինձ՝ ինձ դեռ հիշում են «Գեներալի աղջիկը» հեռուստասերիալի Նարեի կերպարով, հիշում են նաեւ «Աննա» հեռուստասերիալից եւ իրոք շատ հաճելի է, որ այսքան տարի անց դեռ կան մարդիկ, ովքեր չեն մոռացել իմ առաջին քայլերն այս ասպարեզում»,-պատասխանում է դերասանուհին, որն, ի դեպ, խոստանում է կրկին ուրախացնել իր երկրպագուներին էկրանից.
«Ես սիրում եմ իմ աշխատանքը եւ անպայման կլինեն նոր ֆիլմեր. մնում է, որ իմ այստեղի գրաֆիկն ու առաջարկները միմյանց չխանգարեն: Բուռն ստեղծագործական նոր փուլ է ինձ մոտ, որի մասին դեռ չեմ խոսի մանրամասն, բայց արդյունքը կտեսնեք էկրաններից»:
Սյունե Առաքելյան
Լուսանկարները՝ Անի Երանյանի անձնական արխիվից
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից