Սեպտեմբերի 4-9-ը Սոչիում կկայանա «Նոր Ալիք 2018» երիտասարդ կատարողների մրցույթը, որին այս տարի Հայաստանը կներկայացնի երաժշտական նախագծերից հայտնի երգիչ Գեւորգ Հարությունյանը: Այս մասին NEWS.am STYLE-ն արդեն տեղեկացրել է իր ընթերցողներին: Գեւորգն այսօր պատասխանել է նաեւ մեր հարցերին՝ պատմելով իր հույզերի եւ մրցույթում Հայաստանը ներկայացնելու պատիվը ստանձնելու մասին:
«Հայաստանից ուղարկել եմ իմ հայտը, մրցույթի կանոններին համապատսսխանող երեք ստեղծագործություն, որից հետո էլեկտրոնային հաղորդագրություն եմ ստացել, որ անցել եմ կիսաեզրափակիչ փուլ, եւ սպասում են ինձ Մոսկվայում: Ապրիլի 17-ին եւ 18-ին կայացան կիսաեզրափակչի լսումները, եւ ինձ ընտրեցին որպես այս տարվա ներկայացուցիչ»,-ասում է Գեւորգը:
«Որոշումը կայացվեց նախընտրական փուլի եւ երկու մասից բաղկացած կիսաեզրափակիչ լսումների փուլերի ժամանակ: 68 կատարողներից ընտրվեցին 27-ը, ապա՝ 16-ը. ժյուրին որոշեց, որ Հայաստանը կմասցնակցի մրցույթին, եւ մեր երկիրը կներկայացնեմ ես»,-հավելում է նա:
Երգիչը խոստովանում է՝ անցած տարի մեծ ոգևորությամբ էր հետեւում Սյուզաննա Մելքոնյանի եւ Էռնա Միրի ելույթներին, որոնք Հայաստան վերադարձան առաջին եւ երկրորդ պատվավոր մրցանակներով.
«Նույնիսկ գրառումներ էի կատարում ու աջակցության կոչեր անում մեր մասնակիցների համար: Անչափ ուրախ էի նրանց հաղթանակի համար, որը ես գնահատում եմ որպես հարյուր տոկոսանոց: Իհարկե, ուշադրության կենտրոնում կլինեմ՝ որպես հաղթած երկրի ներկայացուցիչ, բայց մյուս կողմից էլ տեսականորեն շատ դժվար կլինի կրկնել հաղթանակը, թեեւ ոչինչ բացառված չէ: Այսպես, թե այնպես, ինձ համար առաջնային է, որ ես գոհ լինեմ իմ ելույթներից, իմանամ, որ ես ներկայացրել եմ ինձ առավելագույն ձեւով. այդ դեպքում որեւէ արդյունք ինձ չի տխրեցնի»,-ասում է նա:
Դեռ հայտնի չէ, թե Գեւորգը ինչ երգերով է ներկայանալու մրցույթին, այս պահին երգերի ընտրության շուրջ է մտածում եւ կարծում է, որ մասնակցի հաջողությունը հիմնականում հենց երգերի ընտրությունից է կախված:
Ինչ վերաբերում է իր ներկայիս հույզերին՝ երգիչն ասում է.
«Այս պահին ինձ մոտ շատ հանգիստ վիճակը է, որը ինձ ջղայնացնում է, կարծես, թե չեմ զգում, թե ինձ ինչ է սպասվում: Հիմա զբաղված եմ առաջիկա չորս ամսվա ռեժիմով, կարեւորն անկարեւորից առանձնացնելու աշխատանքներով»:
Գեւորգը Սոչի մեկնելու է օգոստոսի 23-ին, որտեղ արդեն սկսվելու են նախապատրաստական աշխատանքները:
Հավելենք, որ այս տարվա մրցույթին կմասնակցի 16 մասնակից՝ 11 երկրից:
Սյունե Առաքելյան
Լուսանկարները՝ Գեւորգ Հարությունյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ