Ամերիկաբնակ երգչուհի Շպռոտը, որն առաջին իսկ օրվանից ակտիվորեն աջակցում է «Քայլ արա» նախաձեռնությանը, երեկ ժամանել է Հայաստան, որպեսզի իր պայքարը շարունակի հայրենիքում՝ ցուցարարների կողքին: Երգչուհին մասնակցել է Հանրապետության հրապարակում կայացած երեկվա հանրահավաքին:
NEWS.am STYLE-ի հետ զրույցում Շպռոտը նշեց, որ թեեւ ծրագրում էր ամռանն այցելել Հայաստան, սակայն երկրում տիրող իրավիճակը ստիպեց, որ ավելի շուտ վերադառնա:
«Իմ ընտանիքն այստեղ է, եւ ես ուզում եմ նրանց կողքին լինել եւ ներսից տեսնել ու զգալ իրավիճակը: Անպայման ուզում էի ֆիզիկապես մասնակցել հանրահավաքներին եւ լինել ժողովրդիս կողքին»,-ասում է երգչուհին, որը հավատում է, որ այս անգամ ժողովրդի ձայնը, բողոքներն ու պահանջները կլսվեն.
«Հաջողության գրավականը ժողովրդի իմաստության մեջ է: Ժողովուրդը պատրաստ է փոփոխությունների, մնում է՝ որոշ քաղաքական գործիչներ դա հասկանան եւ կատարեն ժողովրդի պահանջները»:
Շպռոտը նաեւ իր կոչն ուղղեց բոլոր հայերին.
«Իմ հայրենակիցնե՛ր, իմ տանջված ու անտեսված ազգ, դուք ճիշտ ուղու վրա եք, չհանձնվե՛ք: Ես զգում եմ, որ լավ օրերը մոտ են, մեր երազանքների Հայաստանը շուտով կտեսնենք եւ կհպարտանանք մեր միասնությամբ ու «դուխով»: Այս շարժումն ինձ համար հրաշք էր… Մենք հույսներս կորցրել էինք, մի տեսակ սառած, անորոշ վիճակ էր, մինչեւ որ երիտասարդները բնական ու քաղաքակիրթ ձեւով սկսեցին իրենց բողոքի կոչերը: Այս շարժմանը հետեւում է ամբողջ աշխարհը: Այսպիսի բան դեռ չի եղել, սերը վաղուց մեր երկրում չէր հաղթել: Ես մարդկանց մեջ դրական հույս տեսա, իսկ դա շատ ուժեղ բան է: Մենք ոչ թե հաղթելու ենք, մենք արդեն հաղթել ենք, ուղղակի բնության մեջ որոշ գործընթացներ ժամանակ են պահանջում: Աստված օրհնի Հայաստանը: Չդադարեք խաղաղ պայքարն ու միշտ եղեք Նիկոլ Փաշինյանի կողքին, որովհետեւ նա մեր կողմից է ու չի վախենում…»,-եզրափակեց երգչուհին:
Սյունե Առաքելյան
Լուսանկարները՝ Շպռոտի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից