Երգչուհի Սրբուհի Սարգսյանը, որը վերջին օրերի ընթացքում չէր դադարում հիացնել երկրպագուներին եւ ուկրաինական «Ձայնը» նախագծի մարզիչներին նախագծում իր փայլուն մասնակցությամբ, այսօր վերադարձել է հայրենիք: Օդանավակայանում Սրբուհուն դիմավորել են երկրպագուներն ու մտերիմները, ինչպես նաեւ NEWS.am STYLE-ի տեսախցիկը:
«Մի քիչ դժվար էր այս կարճ ժամանակահատվածում պատրաստել ելույթները, սակայն շնորհիվ պրոֆեսիոնալ թիմի՝ ամեն ինչ հնարավոր դարձավ: Հաճելի էր աշխատել նրանց հետ: Հուսով եմ՝ հետագայում առիթ կլինի, որ ցուցադրեմ այնտեղի սովորածս»,-լրագրողների հետ զրույցում նշել է երգչուհին:
Սրբուհին նաեւ հույս է հայտնել, որ կապն իր մարզչի՝ Պոտապի հետ դեռ երկար կպահի.
«Պոտապը միշտ պատրաստ է ինձ օգնել ցանկացած հարցում: Թե ինչ կլինի հետո, դեռ չգիտեմ»:
Երգչուհին նշում է. «Տրամադրված էի հաղթելուն, չստացվեց, բայց չհուսահատվեցի, բեմում էլ դա երեւաց: Բացի այդ՝ օտար երկում էի, հայ, դա էլ կապ ուներ, որովհետեւ ամեն դեպքում՝ իրենց ազգի ներկայացուցիչներին ավելի շատ էին պրոպագանդում»:
Երգչուհին անդրադարձել է նաեւ իր վերջին ելույթի հետ կապված տեխնիկական խնդրին, ինչի արդյունքում ելույթի վերջում էկրաններին հայտնվել էր Ադրբեջանի դրոշը.
«Չգիտեմ՝ ինչպես էր դա ստացվել: Ես հետեւել էի եւ էկրաններին նախկինում նման բան չէր եղել, մենք միասին էինք քննարկել ելույթը: Չեմ կարծում, թե միտումնավոր էին արել, որովհետե իրենք շատ լավ էին տրամադրված իմ նկատմամբ եւ, առհասարակ, մեր ժողովրդի նկատմամբ: Չեմ ուզում վատը մտածել ու հուսով եմ, որ դա ընդամենը թյուրիմացության արդյունքում է եղել»:
Ի դեպ, երգչուհին այսօր Instagram-ում տեղեկացրել է, որ մայիսի 8-ին Երեւանում հայրենակիցների հետ միասին պատրաստվում է տոնել հայ ժողովրդի միասնական հաղթանակը.
«Թանկագիններս, վերջապես, հաղթանակ: Մայիսի 8-ին Հայսատանի Հանրապետությունը կունենա նոր վարչապետ, որին ընտրել է ժողովուրդը: Նա հենց ինքը ժողովուրդն է: Ես վերադառնում եմ, որպեսզի ձեզ հետ միասին տոնեմ մեր հաղթանակը»,-գրել է նա:
Լուսանկարներն ու տեսանյութը՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից