Հանրահայտ Wiwibloggs կայքի հիմնադիրներ Ուիլյամն ու Դեբանը դժգոհ են «Եվրատեսիլ 2018»-ի առաջին կիսաեզրափակիչի արդյունքներից։ NEWS.am STYLE–ի հետ զրույցում նրանք իրենց կարծիքն են հայտնել ու նշել, որ շատ զարմացած են Հայաստանի ներկայացուցիչ Սեւակ Խանաղյանի՝ եզրափակիչ չանցնելու փաստից։
«Մենք շատ ենք սիրում թե Սեւակին, թե «Քամի» երգը, նա մեր ֆավորիտներից էր ու մենք շատ ենք ցավում, որ չհայտնվեց եզրափակիչ փուլում»,-ասացին նրանք։
Դեբանն ու Ուիլյամը համոզված են, որ եթե Սեւակը ելույթ ունենար երկրորդ կիսաեզրափակիչի ընթացքում, ապա միանշանակ կանցներ եզրափակիչ։ Բացի նրանից, որ առաջին կիսաեզրափակիչում ելույթ էին ունենում հաղթողի գրեթե բոլոր հավանական թեկնածուները, եւ մրցակցությունը շատ ուժեղ էր, երկրորդ կիսաեզրափակիչում, ըստ նրանց, Հայաստանի օգտին անպայման կքվեարկեին ու բարձր միավորներ կտային Վրաստանն ու Ռուսաստանը։
Սեւակի՝ եզրափակիչ չանցնելու հիմնական պատճառը, ըստ Wiwibloggs-ի հիմնադիրների, այն էր, որ նրա երգը շատ յուրահատուկ էր, կարծես հոգեւոր մեծ ուժ ուներ, իսկ նման երգերը ոչ բոլորն են հասկանում, երբեմն մարդիկ պարզապես ուզում են թեթեւ, ուրախ երգեր լսել ու լիցքաթափվել, հենց դա է, ըստ նրանց, օրինակ, Կիպրոսի մասնակցի հաջողության պատճառը։
Բացի դրանից, Ուիլյամի կարծիքով, այս տարի շատ էին նման կառուցվածքով երգերը, օրինակ՝ Հունաստանինը կամ Իսլանդիայինը։ Նրա կարծիքով՝ խնդիր կարող էր լինել նաեւ բեմի ձեւավորումը, քանի որ այն շատ զուսպ էր եւ այնքան էլ չէր համապատասխանում երգին։ Այս հարցում, սակայն, նրա հետ համաձայն չէ Դեբանը. նա գտնում է, որ, ընդհակառակը, Սեւակի կերպարին եւ նրա երգին բեմի ձեւավորումը միանգամայն համապատասխանում էր։
Դեբանին ու Ուիլյամին զարմացրել ու նույնիսկ զայրացրել է նաեւ այն հանգամանքը, որ եզրափակիչ անցան Սեւակին բավականին զիջող մասնակիցներ, օրինակ՝ Ալբանիայի ներկայացուցիչը։
Տղաները Հայաստանին խնդրում են ոչ մի դեպքում չհուսահատվել ու շարունակել մասնացել «Եվրատեսիլ»-ին, ինչպես նաեւ շարունակել «Դեպի Եվրատեսիլ» նախագիծը, որն, ըստ Ուիլյամի, մասնակցի ընտրության հրաշալի ձեւ է։
Վեգա Անդիասյան
Պարույր Սինյավսկի
NEWS.am STYLE-ը շնորհակալություն է հայտնում Uсom ընկերությանը՝ մեր այցի կազմակերպմանը ցուցաբերած աջակցության համար
Հետևեք NEWS.am STYLE-ին Facebook-ում, Twitter-ում և Instagram-ում
13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ