Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Աստղիկ Սաֆարյանը՝ ադրբեջանցի հաքերների պատճառով կրած վնասի ու Instagram-ի էջը վերականգնելու փորձերի մասին

13:05, 23 մայիսի

NEWS.am STYLE-ն արդեն տեղեկացրել է, որ ադրբեջանցի հաքերները կոտրել են երգչուհի Աստղիկ Սաֆարյանի Instagram-ի էջը: Նրանք փոխել էին Աստղիկի էջի անունն ու ջնջել լուսանկարների մեծ մասն ու հետեւիորդներից շատերին: Իսկ այսօր էջն ընդհանրապես չի գործում: NEWS.am STYLE-ը զրուցել է երգչուհու հետ՝ փորձելով պարզել, թե ինչ աշխատանքներ է անում էջը վերականգնելու համար եւ ինչ վնասներ է կրել հաքերների պատճառով:

Նախ՝ նա պատմեց, թե ինչպես է բացահայտել, որ էջը կոտրվել է.

«Անմիջապես Facebook-ից զգուշացում ստացա, որ էջս կոտրելու փորձ է արվում եւ միանգամից ստուգեցի Instagram-ի էջս, բայց արդեն ուշ էր… Նրանք կարողացել էին կոտրել գաղտնաբառս եւ, նույնիսկ, էլեկտրոնային փոստի հասցես: Հետո սկսեցին ջնջել տեղադրված լուսանկարներս ու տեսանյութերս, ջնջել են նաեւ 28.000 հետեւորդների»,-ասում է Աստղիկը, որն, իհարկե, քայլեր ձեռնարկում է էջը վերականգնելու համար.

«Բայց Instagram-ից արագ արձագանք չենք ստանում, ինչը շատ վատ է: Այժմ էջս չի գործում. փակվել է կամ Instagram-ի, կամ այն կոտրած ադրբեջանցիների կողմից: Եթե այսպես անպատասխան մնան ջանքերս, ստիպված կլինեմ նոր էջ բացել: Պարզապես, շատ ցավում եմ, քանի որ այն գործում էր 2009 թ-ից եւ այնտեղ համակարգված էին իմ տարիների աշխատանքի արդյունքները: Մոտ տասը տարվա աշխատանքիս արդյունքն ընդամենը 20 րոպեում պարզապես զրոյացվեց: Բացի դրանից՝ համաշխարհային շատ ընկերությունների հետ ունեի գովազդային պայմանավորվածություններ, որոնք պետք է իրականացնեի հենց Instagram-ի էջիս միջոցով: Ցավալի է ուղղակի…»:

Վերջին շրջանում շատ հայ հայտնիներ են տուժել ադրբեջանցի հաքերների պատճառով, որոնք արդեն հասցրել են կոտրել Էրիկ Կարապետյանի, Ռաֆայել Երանոսյանի, Շուշաննա Թովմասյանի եւ Նազենի Հովհաննիսյանի, Եվա Ռիվասի, Սիլվա Հակոբյանի էջերը: Բարեբախտաբար, նրանք կարողացել են վերականգնել դրանք: Աստղիկն էլ խորհուրդի համար դիմել է հայտնի գործընկերներին, ովքեր կարողացել են հաղթել թշնամուն վիրտուալ տիրույթում.

«Երեկ եւ այսօր անընդհատ խոսում եմ Էրիկ Կարապետյանի հետ, որի էջը վերջերս էին կոտրել: Նա, իհարկե, ամեն ինչ անում է, որ օգտակար լինի: Նաեւ երկրպագուներս են իրենց փորձով կիսվում՝ Facebook-ում նամակներ ուղարկելով: Բայց դեռ Instagram-ի պատասխանին եմ սպասում, որպեսզի կարգավորումներ ուղարկեն, թե ինչպես վերականգնել էջը: Չգիտեմ՝ ինչ սկզբունքով է ընտրվում այս կամ այն հայ արտիստը, հավանաբար հետեւորդների շատ քանակի համար, որպեսզի կարողանան այդ էջով վարկաբեկող նամակներ ուղարկեն եւ գրառումներ անեն Հայաստանի ու հայերի մասին: Չգիտեմ՝ ինչի համար են արվում նման բաներ, բայց ցավալի է: Հուսով եմ՝ կկարողանանք վերականգնել էջս, իսկ եթե ոչ, ստիպված նորը կբացենք: Հուսով եմ՝ երկրպագուներս ինձ կաջակցեն եւ կլինեն ինձ հետ»:

Սյունե Առաքելյան
Լուսանկարները՝ Աստղիկ Սաֆարյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել