NEWS.am STYLE-ի «Առաջին անգամ» խորագրի հերոսուհին այս անգամ լրագրող-հաղորդավարուհի Անի Դաշյանն է: Ճիշտ է՝ նա այս շրջանում հաճախ չի լինում եթերում, սակայն շարունակում է համարվել հայկական եթերի ամենաժպտերես ու պայծառ ներկայացուցիչներից մեկը: Ներկայացնում ենք նրա մասին հետաքրքիր բացահայտումներ՝ մեր հարցերին ի պատասխան:)
Անի, ե՞րբ առաջին անգամ հասկացար, որ պետք է դառնաս լրագրող:
Լրագրող դառնալու ցանկություն երբեք չեմ ունեցել: Ստացվեց այնպես, որ ԵՊՀ-ի արվեստաբանության բաժնի առաջին կուրսում սովորելու ընթացքում ընդունվեցի Երգի պետական թատրոնի հեռուստահաղորդավարության բաժին ու քասթինգի արդյունքում հայտնվեցի «Դար 21»-ում: Աշխատանքի ընթացքում գիտելիքներս էլ ավելի ամրապնդելու համար որոշեցի մագիստրատուրան շարունակել լրագրության բաժնում:
Ո՞ւմ ես առաջինը պատմում քո կյանքում տեղի ունեցող նորությունները:
Առաջինը պատմում եմ մայրիկիս:
Առաջին անգամ ո՞ր տարիքում ես սիրահարվել:
Երեւի` դպրոցական տարիքում, եթե դա կարելի էր սիրահարվածություն համարել:)
Ե՞րբ ես առաջին անգամ սեր խոստովանել:
Ես նախընտրում եմ լսել սիրո խոստովանություններ:)
Ե՞րբ են առաջին անգամ քեզ սեր խոստովանել:
Դպրոցի ավարտական երեկոյի ժամանակ: Համենայն դեպս, որպես առաջին՝ դա է տպավորվել:)
Առաջին հիասթափությունը...
Առաջին հիասթափությունն ավելի հասուն տարիքում է եղել, երբ մի օր բացահայտեցի, որ մարդ կարող է նայել աչքերիդ մեջ ու վարպետորեն ստել: Մինչ այդ մինչեւ վերջ վստահում էի բոլորին ու վարդագույն ակնոցներով նայում աշխարհին, բայց…
Քեզ հանդիպած առաջին դժվարությունը: Ինչպե՞ս ես այն հաղթահարել:
Առաջին մեծ դժվարությունն ամեն ինչ ու բոլորին թողնելով՝ Մոսկվայում բնակություն հաստատելն էր, որը մինչեւ վերջ դեռ չեմ հաղթահարել ու դժվար էլ հաղթահարեմ, որքան էլ ինձ այդ հարցում փորձեն օգնել: Քանի դեռ կա «կարոտ» բառը, ինձ համար դժվարությունը, ցավոք, անհաղթահարելի է:
Քո առաջին հաղորդումը:
Առաջին հաղորդումս կոչվում էր Player, միանգամից վարել եմ ուղիղ եթերում, ինչն ինձ համար գերագույն հաճույք էր: Եթերում տարբեր ինտելելկտուալ խաղեր էինք խաղում հեռուստադիտողների հետ, իսկ հաղթողներն արժանանում էին մրցանակների:) Ի դեպ, հաղորդումներն ամբողջությամբ պատրաստում էի ինքնուրույն՝ սցենարը եւ այլն… Առաջին անգամ այնքան արագ էի խոսում լարվածությունից… ինձ թվում էր, եթե արագ խոսեմ, եթերը շուտ կավարտվի, այդ մեծ պատասխանատվությունը՝ եւս:) Այնքան հիշողություններ կան, երանելի ժամանակներ…
Առաջին մեծ հաջողությունը:
Ընդհարապես, ես ինձ հաջողակ եմ համարում:) Իսկ որպես առաջին մեծ հաջողություն՝ երեւի իմ եթերում հայտնվելը կնշեմ, ինչը եղավ պատահաբար, այսինքն՝ ի տարբերություն շատերի՝ մանկուց դրա մասին չէի երազել:) Եղավ պատահաբար, նաեւ ճակատագրական, քանի որ հասկացա՝ իսկապես գտել եմ իմ մասնագիտությունը, այն աշխատանքը, որից հաճույք եմ ստանում:
Քեզ համար առաջնային է...
Ընտանիքս, հավատքս, սերը, մարդկային լավ հարաբերությունները, նվիրվածությունը, ընկերությունն ու առավոտյան սուրճը:)
Սյունե Առաքելյան
Լուսանկարները՝ Անի Դաշյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից