Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Ինչպես որոշել բնավորությունը համբույրի միջոցով

14:10, 28 մայիսի

Եթե աչքերը հոգու հայելին են, որոնց մեջ կարելի է տեսնել մարդու մտքերը եւ մտադրությունները, ապա շուրթերը զուգընկերոջ էմոցիաոնալության եւ զգայական պոտենցիալի արտացոլումն են: Դրանից զատ, գիտնականները պնդում են, որ համբույրը ինտիմ հարաբերությունների յուրօրինակ բարոմետր է, որը կարող է ցույց տալ մարդու բնավորության որոշ գծեր, սովորություններ եւ ցանկություններ:

Եթե ձեր զուգընկերը համբուրվում է բավական կոպիտ, լեզվի միակերպ ռիթմիկ շարժումներով եւ բաց աչքերով, դա վկայում է կյանքի հանդեպ նրա չափազանց լուրջ վերաբերմունքի մասին: Նա ռեալիստ է, ուստի մարդկանց մեջ ավելի գնահատում է համաչափությունը, կայունությունը եւ էմոցիաներն ու զգացմունքները ժամանակին սանձելու ընդունակությունը: Նրա հետ հանգիստ կլինի եւ իսկապես հուսալի: Սակայն նրանից զգացմունքների հրավառություն եւ ռոմանտիկ խենթ երեւակայություն չսպասեք. ռեալիստները իրենց բնույթին հարիր դրան ընդունակ չեն:

Տղամարդը կամ կինը շատ քնքուշ ու զգացմունքային, փակ աչքերով է համբուվում՝ զուգընկերջը ինչպես հնաոճ սկահակ գրկելով: Ձեր առաջ ռոմանտիկն է: Համբուրվելիս նա պատնեշվում է շրջապատում տեղի ունեցող ամեն ինչից՝ լիովին տրվելով սիրային երեւակայությանը: Ռոմանտիկը շատ ուշադիր, քնքուշ եւ հոգատար կլինի, սակայն երբեմն զուգընկերոջ հետ մի փոքր անվճռական եւ անվստահ: Նա չի կարողանա կրքի հրաբուխ պարգեւել, բայց ահա քնքշանքի ծովն ապահովված է 100 տոկոսով: Գլխավորն այն է, որ նրան երբեք չհիասթափեցնեք:

Համբուրվելիս ձեր զուգընկերը ձեզ իր գրկում այնպես է սեղմում, ինչպես գիշատի՞չն իր որսը: Նրա համբույրները ակտի՞վ են, իշխո՞ղ, կտրո՞ւկ եւ համարյա միշտ ձեզ վհատեցնո՞ւմ են: Ուրեմն ձեր տղամարդը վառ արտահայտված սեփականատեր է: Նրան օդի պես հուսալի հենարան է պետք եւ էլ ավելի հուսալի թիկունք, ինչպես նաեւ իր կրքի առարկայի բացարձակ տիրապետման զգացում: Եթե կարող եք այդ ամենն ապահովել (ցանկալի է գրավոր), ապա ձեր մոտ ամեն ինչ կստացվի:

Եթե ձեր զուգընկերոջն ակնհայտորեն հաճելի է մարդկանց ներկայությամբ համբուրվելը, ընդ որում՝ փոքր-ինչ ուռճացված եւ խաղարկվող կրքով, ապա նա շինծու անձ է: Այդպիսի մարդկանց համար շատ կարեւոր է զգալ, որ շրջապատում բոլորն իրենց նախանձում են. դա շոյում է նրանց հիվանդ ինքնասիրությունը եւ բուժում է նրանց բազմաթիվ բարդույթները: Սակայն երբեմն նման պահվածքը ոչ այնքան շինծու մարդու վատ բնավորության մասին է վկայում, որքան նրա ամաչկոտության եւ մենակության, որով նա տառապել է:

Յուրաքանչյուր համբույրից հետո ձեր զուգընկերը շտապում է բերանը ողողե՞լ, ատամները մաքրե՞լ կամ ձգտում է մաստակի՞ն: Ձեր համբույրները երբեք 10 վայրկյանից ավելի չե՞ն տեւում, դե իսկ հասուն համբույրների դեպքում էլ դա կարելի է համարել մեծ լարո՞ւմ: Ձեզ չես նախանձի, քանի որ ձեւամոլի եք հանդիպել: Այդպիսի մարդիկ մանրախնդիր են, պահանջկոտ եւ բացարձակապես համոզված են, որ «սիրով զբաղվելը» հակագեղագիտական է: Սակայն իրականում մաքրասեր ձեւամոլի դիմակի տակ, որպես կանոն, թաքնված է դիմացինի ապրումների մեջ ներթափանցելու անկարողությունը եւ սեփական անձի նկատմամբ չափից ավելի մեծ ուշադրությունը:

Դե իսկ եթե հանդիպել եք եզակի անձնավորության, որն ընդհանրապես չի սիրում համբուրվել եւ դա ակնհայտ տհաճությամբ է անում, սատանան ձեզ դրդել է սիրահարվել անուղղելի ծույլին: Այդպիսի մարդիկ լարվելու սովոր չեն, այդ թվում՝ նաեւ զգացմունքներն արտահայտելիս: Նրանք կյանքն ու դրա ուրախությունները մյուսներից պակաս չեն սիրում, սակայն երազում են հաճույք ստանալ՝ առանց իրենց նեղություն պատճառելու եւ ծանրաբեռնվելու: Անշուշտ, հրաշքներ պատահում են, եւ նույնիսկ ծույլերը երբեւէ ինչ-որ բան կարող են անել, բայց մեր խորհուրդն է՝ այդպիսինից հեռու մնացեք:


Աղբյուրը՝ Creu


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել