22 տարի բեմում եւ առաջին մենահամերգ. երգչուհի Մարտա Կիրակոսյանի համար մայիսի 26-ն առանձնահատուկ օր էր: Հարազատ Երգի պետական թատրոնում Մարտան ելույթ ունեցավ երկրպագուների, ընկերների եւ հարազատների համար: Ջերմ մթնոլորտ, անկեղծ խոստովանություններ, էմոցիաներ, հուշեր եւ հուզմունք…
Համերգի հենց սկզբում 25-ամյա երգչուհին խոստովանեց՝ ինքն էլ չէր սպասում, բայց շատ հուզված է: Հանդիսատեսը երգչուհուն ոգեւորում էր ճիչերով, ծափերով, ձայնակցություններով եւ ծաղկեփնջերով:
Երգչուհին կատարեց արդեն հայտնի դարձած իր cover-ները, եղան նաեւ պրեմիերաներ եւ զուգերգներ՝ Գրիգոր Կյոկչյանի, Կարեն Սեւակ դուետի, Նորայր Գաբոյանի, Հայկ Կարապետյանի, Ռուսլան Էլյազյանի, ինչպես նաեւ Էրիկ Կարապետյանի, Ֆելիքս Խաչատրյանի եւ Արթուր Գրիգորյանի հետ: Բեմում ելույթ ունեցան նաեւ Երգի պետական թատրոնի խումբն ու Մարտայի աշակերտները: Ողջ երեկոյի ընթացքում Մարտային ոգեւորում էր մտերիմ ընկերը՝ Գրիգոր Կյոկչյանը, որը նաեւ համերգի հանդիսավարն էր:
Համերգից հետո Մարտան իր հույզերով կիսվեց NEWS.am STYLE-ի հետ:
«Մինչեւ հիմա չեմ հավատում, որ վերջացավ այս ամեն ինչը: Երբ զգացի, որ վերջանում է համերգը, այնքան մեծ ափսոսանք զգացի, ուզում էի շարունակվեր: Ինքս չեմ սիրում բեմում շատ խոսել, ավելի շատ սիրում եմ երգել, այնքան շատ էին էմոցիաներս, որ անընդհատ ուզում էի շնորհակալություն հայտնել, ուզում էի շփվել: Դեռ շատ հուզված եմ, երեւի մի քանի օրից նոր կհասկանամ, թե ինչ էր ինձ հետ կատարվում, բայց այս էմոցիաներն ամեն ինչ արժեն, արտիստի համար սա շատ մեծ փորձ է»,-անկեղծացավ երգչուհին:
«Այս համերգը շատ անկանխատեսելի եղավ, կարծում եմ՝ վատ չէր: Հանդիսատեսի էմոցիաներից հասկացա, որ նրանց դուր է եկել»,-հավելեց նա:
Անդրադառնալով Ֆելիքս Խաչատրյանի հետ դուետին եւ հատուկ իր համար գրված երգին, որի պրեմիերան կայացավ հենց մենահամերգի ժամանակ, երգչուհին նշեց.
«Երգը Ֆելիքսը վաղուց էր գրել, պարզապես անընդհատ չէր ստացվում այն ձայնագրել: Կարծում եմ՝ հարմար էր հենց այս համերգին այն ներկայացնել»:
Մարտայից հետաքրքրվեցինք նաեւ, թե ինչու երաժշտական գործունեության 22 տարիների ընթացքում երբեք մենահամերգով հանդես չէր եկել. «Ամեն ինչ ստացվեց իր ժամանակին, կապ չունի, թե որքան ժամանակ ես երգում, պետք է այդ ներքին պատրաստվածությունը լինի, պետք է հոգեպես պատրաստ լինես այդ ամեն ինչին ու պիտի լինի մի մարդ, որը քեզ ասի, որ արդեն ժամանակը եկել է: Իմ դեպքում այդ մարդն իմ ուսուցիչն է՝ Արթուր Գրիգորիչը, որին ես ամբողջովին հավատում եմ»,-պատասխանեց նա:
Առաջիկայում Մարտան նոր երգ կամ տեսահոլովակ չի ներկայացնի, փոխարենն ակտիվորեն կշարունակի աշխատել Երգի պետական թատրոնի իր սաների հետ. «Հասկացել եմ, որ իմ գործն ինձ այնքան է դուր գալիս, որ այն ինձ համար աշխատանք չէ, այլ հաճույք»,-եզրափակեց երգչուհին:
Մարտայի համերգի մանրամասները ներկայացնում ենք ֆոտոշարքի եւ տեսանյութերի միջոցով:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ