«Երեւանյան հեռանկարներ» միջազգային երաժշտական փառատոնի շրջանակում այսօր՝ հունիսի 11-ին, ժամը 19:00-ին Արամ Խաչատրյան համերգասրահում ելույթ կունենա Էստոնիայի ազգային սիմֆոնիկ նվագախումբը՝ դիրիժոր եւ գեղարվեստական ղեկավար Նեեմե Յաարվիի գլխավորությամբ: Այսօր տեղի ունեցած մամուլի ասուլիսի ժամանակ Յաարվին եւ «Երեւանյան հեռանկարներ» փառատոնի գեղարվեստական ղեկավար, կոմպոզիտոր Ստեփան Ռոստոմյանը մանրամասներ հաղորդեցին բազմաթիվ երաժշտական մրցանակների արժանացած (այդ թվում՝ «Գրեմմի») նվագախմբի հայաստանյան համերգի մասին.
«Չկա աշխարհում որեւէ մեծագույն նվագախումբ, որը Նեեմե Յաարվին չի ներկայացրել: Նա տասնյակ տարիներ մեծագույն նվեր է ամբողջ աշխարհին: Մեծ ոգեւորություն եմ ապրում եւ շատ երջանիկ եմ, որ այս նվագախումբն այսօր ելույթ կունենա Հայաստանում»,-ասուլիսի սկզբում հայտատարարեց Ստեփան Ռոստոմյանը՝ հավելելով.
«Այս փառատոնն անց է կացվում ամբողջ տարվա ընթացքում, եւ դա հրաշալի է, որովհետեւ ամբողջ տարի տոն է լինում մեզ համար»-նշեց նա՝ տեղեկացնելով, որ այսուհետ «Երեւանյան հեռանկարներ»-ն անցկացվելու է ՀՀ վարչապետ Նիկոլ Փաշինյանի հովանու ներքո:
«Մեր նվագախումբը շատ ուրախ է նման բարձր կարգի փառատոնի բացմանը մասնակցելու համար: Սա այն բացառիկ շրջագայություններից է, որին նվագախմբի բոլոր անդամներն էին ցանկանում մասնակցել: Նվագախումբը Հայաստանում եղել է 30 տարի առաջ եւ դրա կազմում դեռ կան երաժիշտներ, որոնք այն ժամանակ էլ են ելույթ ունեցել Հայաստանում»,-փաստեց Էստոնիայի ազգայի սիմֆոնիկ նվագախմբի տնօրենը:
Նեեմե Յաարվին բարձր տրամադրությամբ ողջունեց լրագրողներին.
«Բարի առավոտ, չնայած չէ՝ արդեն կեսօր է»,-ձեռքին կապած ժամացույցին նայելով՝ կատակեց նա, այնուհետեւ շարունակեց.
«Շատ ուրախ եմ, որ այստեղ եմ, քանի որ ջերմ զգացմունքներ ունեմ Հայաստանի հանդեպ: Հայաստանի հետ ծանոթությունս եղել է մշակույթի, երաժշտության ու պատմության միջոցով: Մեծ հաճույքով եմ եկել այստեղ ու ինձ հետ բերել նաեւ մեր հրաշալի նվագախումբը: Այսօրվա համերգին կհնչեն Խաչատրյանի եւ Էստոնացի հայտնի հեղինակների տեղծագործություններից, որոնց թվում են Արթուր Լեմբան եւ Էդուարդ Տուբինը: Ողջունում եմ այս փառատոնն ու կարծում, որ նմանատիպ միջոցառումներ շատ պետք է կազմակերպվեն, որպեսզի աշխարհին հայտնի տարբեր արտիստներ եւս կարողանան ծանոթանալ Հայաստանին»:
Աշխարհահռչակ դիրիժորը նաեւ նշեց.
«Մեր երկու ազգերին միավորում են երաժշտությունն ու արվեստը, որոնք շատ կարեւոր են մեր համագործակցության համար»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ