• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• Վլադիմիր Սահակյանի առաջին հետմահու ցուցահանդեսը մեծ հետաքրքրություն է առաջացրել արվեստասեր հասարակության շրջանում

  Նկարիչ Վլադիմիր Սահակյանի առաջին հետմահու ցուցահանդեսը, որը բացվել է ապրիլի 1-ին` Հայաստանի նկարիչների միությունում, կշարունակվի մինչև ապրիլի 8-ը...

• Լոնդոնում հայտնվել է Բենքսիի նոր որմնանկարը

  Գիշերը Լոնդոնի հյուսիսում գտնվող բնակելի շենքի վրա հայտնված որմնանկարը հայտնի փողոցային նկարիչ Բենքսիի աշխատանքն է․․․

• Moth and Rabbit օծանելիքի բրենդը թողարկել է Սերգեյ Փարաջանովի «Նռան գույնը» ֆիլմից ոգեշնչված բույր

  Moth and Rabbit լյուքս դասի օծանելիքի բրենդը թողարկել է բուրմունք՝ ոգեշնչված Սերգեյ Փարաջանովի «Նռան գույնը» ֆիլմից, հայտնում է Հայկական կինոընկերությունը․․․

• Կյանքի լույսը Գարիկ Միքայելյանի կտավներում

  Գարիկ Միքայելյանը ԵՊՀ-ի Ֆիզիկայի ֆակուլտետի շրջանավարտ է, ծառայել է Արցախում: Գարիկը նկարել սկսել է զինհաշմանդամություն ստանալուց հետո..

Հայ խոհարարի հանդեպ հետաքրքրությունը կարող է հանգեցնել նաեւ հայկական խոհանոցի նկատմամբ հանրության ուշադրության բարձրացմանը։ Այս կարծիքին է «Հայ խոհարարական ավանդույթների զարգացման և պահպանման» ՀԿ-ի նախագահ Սեդրակ Մամուլյանը, որն այսօր կայանացած մամուլի ասուլիսի ժամանակ խոսեց հունիսի 12-ին նշվող Հայ խոհարարի մասնագիտական տոնի եւ հայկական խոհանոցը մշակութային անբաժան մասնիկ դարձնելու մասին.

«Հայ խոհարարի մասնագիտական տոնը «Հայ խոհարարական ավանդույթների զարգացման եւ պահպանման» ՀԿ-ի նախաձեռնությունն է, որը մենք առաջարկել ենք 4 տարի առաջ։ 10 տարի առաջ հունիսի 12-ին առաջին անգամ կազմակերպեցինք միջոցառում, որը կոչվում էր տոնածիսական կերակրատեսակների փառատոն՝ «Հացը լեռներում» խորագրով։ Քանի որ տոնածիսական կերակրատեսակները հենց մեր ազգային խոհանոցի հիմքում են ընկած, այդ օրը արժեւորելու համար հայտարարեցինք Հայ խոհարարի օր»,-նշեց Սեդրակ Մամուլյանը՝ հավելելով.

«Մեր գերագույն նպատակն է հայկական խոհանոցի նկատմամբ պատշաճ վերաբերմունք ստեղծելն ու այն ճանաչելի դարձնելը։ Երբ խոսք է բացվում հայկական մշակույթի մասին, խոհանոցը մոռացվում է։ Այդ հարցը բարձրացվում է, երբ որոշ ազգային կերակրատեսակների հետ կապված ոտնձգություններ են լինում, սակայն սովորաբար խոհանոցը մշակութային այլ հարթակների կողքին ներկայացնել զլանում են»,-ցավով նկատեց Մամուլյանը, որը նաեւ անգրագիտություն է համարում, երբ հայկական խոհանոցն ու կովկասյանը նույնացնում են։

«Իհարկե, կովկասյան խոհանոցի հետ նմանություններ կան, սակայն մեր ազգային խոհանոցն անվանել կովկասյան՝ սխալ է»։

Սեդրակ Մամուլյանը կարեւորում է Հայ խոհարարի մասնագիտական տոնը՝ նշելով.

«Հայ խոհարարի օրը նշելով՝ նախ եւ առաջ ցանկանում ենք մեր երկրում կարեւորել այն գործը, որն անում է խոհարարը։ Մեր տրամադրությունն ու բնավորությունը ձեւավորվում են ճիշտ սնվելու շնորհիվ։ Երբ վատ ենք սնվում, անաշխատունակ ենք դառնում»,-համոզված է նա։

Մինչ ամեն օր ավելանում են տարբեր ուտեստներին նվիրված տոները՝ Հյուսիսային դարպասներ զբոսաշրջային նախագծի համակարգող Վազգեն Խաչիկյանը նկատեց, որ հայկական խորովածի տոն դեռեւս ոչ ոք չի մտածել ստեղծել։

«Բացի այդ՝ չկա միջազգային տոնացույցում որեւիցե տոն, որն ունենա հայկական ծագում, որը կարելի է կապել Հայաստանի կամ հայերի հետ։ Խորավածն աշխարհի միակ ուտեսն է, որն անխտիր ունեն աշխարհի բոլոր ժողովուրդները եւ այն առաջին ջերմային մշակման ձեւն է. ինչպես գիտնականներն են պնդում՝ մարդու առաջացման պրոցեսը կապված է տաք կամ վերամշակված սննդի հետ։ Իսկ այդպիսի առաջին սննդատեսակը խորովածն է։ Հայերն առանձնանում են խորոված պատրաստելու սովորույթներով։ Մեր նախաձեռնությունը օգոստոսի նախավերջին շաբաթ օրը հռչակում է Խորովածի միջազգային օր եւ առաջարկում, որ ամբողջ աշխարհի մարդիկ այդ օրը գան Հայաստան՝ խորոված ճաշակելու։ Իսկ նրանք, ովքեր հնարավորություն չունեն գալ Հայաստան, այդ օրն իրենց տներում պատրաստեն խորոված եւ օգտագործեն international barbecue day հեշթեգը»:

Վազգեն Խաչիկյանը նաեւ շեշտեց, որ այդ նախաձեռնությունը անվճար PR կարող է հանդիսանալ՝ Հայաստանում զբոսաշրջության զարգացման համար։

Ինչ վերաբերում է խորովածի 10-րդ փառատոնին՝ այն այս տարի կանցկացվի 2 օր՝ օգոստոսի 18-ին եւ 19-ին։ Առաջին օրը կլինի պրոֆեսիոնալ խոհարարների մրցույթ, իսկ երկրորդ օրվա մրցույթին կարող են մասնակցել սիրողական մակարդակով հետաքրքրվածները։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում