• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• Վլադիմիր Սահակյանի առաջին հետմահու ցուցահանդեսը մեծ հետաքրքրություն է առաջացրել արվեստասեր հասարակության շրջանում

  Նկարիչ Վլադիմիր Սահակյանի առաջին հետմահու ցուցահանդեսը, որը բացվել է ապրիլի 1-ին` Հայաստանի նկարիչների միությունում, կշարունակվի մինչև ապրիլի 8-ը...

Հայ հայտնիների էջերում աճախ հանդիպած կլինեք հետաքրքիր իլյուստրացիաների, որոնք արված են 15-ամյա նկարիչ Հակոբ Հակոբյանի կողմից: NEWS.am STYLE-ն էլ, սովորության համաձայն, երբեք չի անտեսում տաղանդավոր մարդկանց եւ «Տաղանդներ ենք փնտրում» էջում հաճախ գտնում եւ անդրադառնում է նրանցից շատերին:)

Այսպիսով, այսօրվա մեր էջի հերոսը հենց Հակոբն է, որի ոգեշնչման կիզակետում հաճախ հայտնվում են հայկական շոու-բիզնեսի ամենատարբեր ներկայացուցիչները՝ Իվետա Մուկուչյանը, Սիրուշոն, Նազենի Հովհաննիսյանը Գոռ Հակոբյանը, Արփի Գաբրիելյանը, Իննա Խոջամիրյանը, Աննա Դովլաթյանը, Ձյունիկը, Աննա Գրիգորյանը, Ադրիանա Գալստյանը, Լիա Զախարյանը եւ մյուսները:)

Հակոբը ծնվել է Կապանում: «Ծնողներս պատմում են, որ դեռեւս 2 տարեկանից կարողանում էի հայացք նկարել եւ շունչ տալ թեկուզ կետերով եւ գծիկներով նկարածս դեմքին: 4 տարի սովորել եմ Կապանի Գեղարվեստի դպրոցում, ավարտելուց հետո՝ մոտ 2 տարի առաջ, սկսեցի նկարել դիմանկարներ եւ իլյուստրացիաներ»,-պատմում է նա:

Երիտասարդ նկարիչն առավել սիրում է նկարել գեղեցիկ սեռի ներկայացուցիչներին: Ասում է. «Աղջիկը բնության շատ ավելի հետաքրքիր կերպար է ստեղծագործելու համար, քանի որ կարող ես փոփոխել նրա մազերի ձեւը, հագուստը, դիմագծերն ու ստեղծել նորն ու ավելի գեղեցիկը»:

Նա նաեւ նշում է՝ իր համար հատկապես ոգեշնչման աղբյուր են հայ հայտնիները. «Արտասահմանյան հայտնիներից  քչերին եմ նկարել, բայց ամենաշատը սիրում եմ Սելենա Գոմեսի դիմանկարը»:

Ի դեպ, նրա ստեղծագործությունները աննկատ չեն մնում հայտնիների կողմից. «Արձագանքներ շատ են եղել: Գրեթե բոլորն էլ տեսել ու տեղադրել են իրենց էջերում: Իվետա Մուկուչյանն ու Նազենի Հովհաննիսյանը առաջիններից էին, որ արձագանքեցին: Նազենին ասաց. «հայացքը հետաքրքիր ճիշտ եք զգացել»:

Կարող եմ նշել Աննա Դովլաթյանին, ով բավականին դրական արձագանք տվեց եւ շատ ոգեւորեց ինձ: Իրենց էջերում տեղադրել են նաեւ Ադրիանա Գալստյանը, Սիրուշոն, Գոռ Հակոբյանը, Ձյունիկը, Աննա Գրիգորյանը, Իննա Խոջամիրյանը, Արփի Գաբրիելյանը, Ռոզա Ֆիլբերգը եւ այլք»:

Հակոբը հետեւում է նաեւ մյուս իլյուստրատորների աշխատանքներին, նրանցից առանձնացրեց մի քանիսին. «Շատ եմ հավանում Hayden Williams-ի, Lyubomir Dochev-ի, Natalia Madej-ի, Armand Mehidri-ի, EdgaR_ArtiS-ի աշխատանքները»,-ասում է նա, իսկ ապագայի վերաբերյալ նշում.

«Երազում եմ դառնալ հայտնի ու կայացած նկարիչ, ունենալ ինքնատիպ ոճ ու ասելիք»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում