• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

• Տոմա Պետրոսյանն ամուսնացել է. դերասանուհու անձնական կյանքի մանրամասները՝ նոր՝ «Տարան-տարան» ստենդափում

  Տոմա Պետրոսյանն ամուսնացել է. իր կյանքի նշանակալից փոփոխության մասին դերասանուհին պաշտոնապես հայտարարեց իր նոր՝ «Տարան-տարան» ստենդափի շրջանակում...

• «Բոլոր թեմաներին անդրադառնում ենք, հումորը հումոր է մնում». Հովհաննես Դավթյանը՝ իր ստենդափների, կանանց նվիրված «Կաբlook»-ի ու «լճացման» փուլերի մասին

  NEWS.am STYLE-ի հետ զրույցում Հովհաննեսը պատմել է, թե ինչպես են ստղծվում իր ներկայացումները, խոսել է կանանց, մարդկանց անձագանքների ու իր «Կաբlook» ստենդափի մասին...

Շարունակում ենք միասին բացահայտել հայ հայտնիների նախընտրելի ամառային հանգիստն ու այս տարվա ծրագրերը: NEWS.am STYLE-ի այսօրվա զրուցակիցը «Նոր Ալիք 2017»-ում Հայաստանը պատվով ներկայացրած երգչուհի Սյուզաննա Մելքոնյանն է:

Սյուզաննա, սիրո՞ւմ ես ամառը:

Չեմ կարող ասել, թե ամառը բոլորովին չեմ սիրում: Երեւի սիրում եմ հունիսից հուլիսի սկիզբն ընկած ժամանակահատվածը: Պետք է նշեմ, որ հուլիս ամիսը ոչ մի կերպ չեմ կարողանում հաղթահարել, որովհետեւ սովորաբար հուլիսից օգոստոս ընկած ժամանկահատվածում չափազանց տապ է լինում:

Ամառային նախընտրելի հանգիստը:

Քանի որ ես ավազի, ծովի, սառը օդի, ծառերի մարդ եմ, նախընտրում եմ ծովափնյա հանգիստ:

Ինչպե՞ս ես սովորաբար հանգստանում ամռանը:

Առանց չափազանցության պետք է ասեմ, որ վերջին երեք տարիների ընթացքում չի ստացվել, որ հանգստանամ, հատկապես անցած ամռանը, երբ միանգամից երկու միջազգային մրցույթների մասնակցեցի, ընդհանրապես չկարողացա հանգստանալ: Բայց երբ փոքր էի, անպայման գյուղ էին ինձ տանում: Միշտ վազվզում էի մի գետից մյուսը: Եթե ոչ երկրից դուրս, ապա քաղաքից դուրս եմ անցկացնում հանգիստս՝ հաճելի շրջապատում:

Ինչպե՞ս ես պաշտպանվում տապից:

Բնականաբար արեւապաշտպանիչ քսուքների եւ գլխարկի օգնությամբ: Բայց պետք է ասեմ, որ ինձ մոտ դա շատ ծայրահեղ խնդիր է, որովհետեւ մի փոքր արեւահարումից կարող եմ վատանալ: Տարիներ առաջ այնպես էի վատացել ծովափին, որ կարելի է ասել՝ մահից եմ փրկվել:

Տրամադրության վրա շոգն ազդո՞ւմ է:

Ես այնպիսի մարդ եմ, որը չի սիրում ծայրահեղություն: Այսինքն, այն, ինչը, որ շատ է, ես չեմ սիրում: Գուցե, մի քիչ սովորականից դուրս հնչի, բայց ես սիրում եմ աշունն ու գարունը, չնայած՝ տարվա բոլոր եղանականերն էլ յուրովի գեղեցիկ են, բայց ես չեմ սիրում շատ տապն ու չեմ սիրում շատ ցուրտը, որովհետեւ դրանից ես, իսկապես, վատանում եմ: Տապի ժամանակ ունենում եմ սրտի արագ բաբախյուն եւ թուլություն եմ զգում:

Ամենադրական հիշողությունը կապված ամռան հետ:

Երեւի մանկությանս հետ է կապված, որ միշտ գյուղում եմ եղել եւ գյուղական կյանքն եմ տեսել, ու դա միշտ եղել է ամռանը: Դա երբեք չեմ մոռանա: Անցած տարի իմ ամենասիրելի քաղաքներից մեկում էի՝ Սոչիում, բայց «Նոր Ալիք»-ին մասնակցելու շրջանում չեմ կարողացել վայելել ոչ ծովը, ոչ էլ ծովափնյա հանգիստը: Դա ավելի շատ գործուղում էր, քան հանգիստ:

Ինչպե՞ս էիր անցկացնում դպրոցական արձակուրդներն ամռանը:

Միշտ ընտանիքով գնում էինք գյուղ, որովհետեւ ես արդեն շատ կապված էի գյուղին, այնտեղ կա շատ գեղեցիկ բնություն, սիրում էի գետը, որտեղ բոլոր երեխաները հավաքվում էին լողալու: Հետո ընտանիքս էր մեզ միանում, եւ մենք անպայման գյուղում նշում էինք «Վարդավառի» տոնը: Ինձ համար ամենատպավորիչը դա էր: Բայց հիմա, երբ մեծացել ենք, ավելի շատ ձգտում ենք դեպի այլ երկրներ, այլ քաղաքներ…

Երկիր, որտեղ երազում ես հանգստանալ ամռանը:

Միշտ երազել եմ լինել Իսպանիայում, վերջերս այդ երազանքիս միացել է նաեւ Լոնդոնը: Տեսնենք՝ ինչպես կստացվի, ամեն դեպքում՝ ավելի տաք երկիր եմ նախընտրում, տաք՝ ոչ թե եղանակի, այլ ժողովրդի, տեսակի ու էմոցիաների առումով:

Երկիր, որը խորհուրդ կտաս այցելել մյուսներին:

Երկիր, որպես այդպիսին, երեւի չնշեմ, կնշեմ Նովոռոսիսկ քաղաքը, որը գտնվում է Ռուսաստանի Դաշնությունում: Անսահման գեղեցիկ է՝ չորս կողմում ծով է, հուշարձաններ, թանգարաններ… Անպայման խորհուրդ եմ տալիս այցելել, որովհետեւ ինչպես այնտեղ են ասում՝ այդ քաղաքը ոգեշնչում է…

Ինչպե՞ս ես պլանավորում անցկացնել այս ամառը:

Կարծում եմ՝ այս ամառն էլ ինձ համար գործնական կլինի, բայց կփորձեմ գոնե մեկ շաբաթով կամ 4-5 օրով քաղաքից դուրս մեկնել: Բայց ամառն ինձ համար ավելի շատ գործնական կլինի, որպեսզի աշնանը կարողանամ ճիշտ եւ հստակ ներկայանալ հանդիսատեսին:

Սյունե Առաքելյան

Լուսանկարները՝ Սյուզաննա Մելքոնյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում