• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

• Տոմա Պետրոսյանն ամուսնացել է. դերասանուհու անձնական կյանքի մանրամասները՝ նոր՝ «Տարան-տարան» ստենդափում

  Տոմա Պետրոսյանն ամուսնացել է. իր կյանքի նշանակալից փոփոխության մասին դերասանուհին պաշտոնապես հայտարարեց իր նոր՝ «Տարան-տարան» ստենդափի շրջանակում...

• «Բոլոր թեմաներին անդրադառնում ենք, հումորը հումոր է մնում». Հովհաննես Դավթյանը՝ իր ստենդափների, կանանց նվիրված «Կաբlook»-ի ու «լճացման» փուլերի մասին

  NEWS.am STYLE-ի հետ զրույցում Հովհաննեսը պատմել է, թե ինչպես են ստղծվում իր ներկայացումները, խոսել է կանանց, մարդկանց անձագանքների ու իր «Կաբlook» ստենդափի մասին...

• Սոֆի Մխեյանի ծնդդյան 40-ամյակը՝ ԱՄՆ-ում (VIDEO)

  Սոֆի Մխեյանը երեկ՝ սպրիլի 8-ին, նշել է ծննդյան 40-ամյակը։ Երգչուհին այս շրջանում ԱՄՆ-ում է, այնպես որ՝ տարեդարձն էլ նշել է այնտեղ՝ ընկեների հետ...

Մոսկվաբնակ երգչուհի Իջինը օրերս ներկայացրեց իր նոր կրքոտ տեսահոլովակը, որը նկարահանվել է երգչուհու հեղինակած Adrenalin երգի հիման վրա: Տեսահոլովակի ռեժիսորը Կարեն Արուտյունովն է, սցենարի մտահաղացումը հենց Իջինինն է, որը նաեւ զբաղվել է իր կերպարներով եւ արտաքին տեսքով:

Նոր տեսահոլովակում Իջինը սեքսուալ բռնցքամարտուհու կերպարում է, որը պայքարում է ինքն իր դեմ: Իսկ իր հակառակորդի դերում շիկահեր Իջինն է:

NEWS.am STYLE-ը երգչուհու հետ զրուցել է նոր տեսահոլոեվակի, որպես բռնցքամարտուհի ներկայանալու, զգացմունքների եւ մտքի պայքարի եւ շիկահերի դերում լինելու մասին:

Իջինը նախ նշեց, որ հենց իր միտքն է եղել, որ տվյալ երգն ունենա տեսահոլովակ.

«Որոշեցի այս երգի հիման վրա ունենալ տեսահոլովակ, որովհետեւ այն ինձ դուր է գալիս, ոչ թե այն պատճառով, որ պետք է նոր երգ կամ տեսահոլովակ ունենամ: Ահա, թե ինչու եմ ես անկախ արտիստ, չեմ աշխատում պրոդյուսերների հետ: Ես կարող եմ անել այն, ինչ ցանկանում եմ: Երբ գրեցի այս երգը, հասկացա, որ հենց դա եմ ցանկանում ներկայացնել այս ամառ»,-ասում է նա՝ հավելելով, որ առայժմ միայն դրական մեկնաբանություններ է ստացել երգի եւ տեսահոլովակի հետ կապված.

«Մարդկաց դուր է եկել, որ այս տեսահոլովակում ավելի շատ եմ պարում, նաեւ շատ էին զարմացել՝ ինձ շիկահերի կերպարում տեսնելով: Կարծիքները կիսվել են՝ ոմանց շատ է դուր եկել այդ կերպարս, ոմանք էլ կարծում են՝ ես ծնվել եմ սեւահեր լինելու համար:)»:

Ինչ վերաբերում է տեսահոլովակում իր շքեղ կերպարներին՝ Իջինը նշում է.

«Ինքս եմ եղել եւ ոճաբանը, եւ հագուստներիս դիզայներն ու արտաքին կերպարիս եղինակը: Նաեւ ծանոթացա զարդերի հրաշալի դիզայներ Ալեքսանդեր Տիտկովի հետ. նրան պատմեցի իմ բոլոր գաղափարների մասին եւ նա հատուկ իմ մտածած կերպարների համար ստեղծեց անհավանական գեղեցիկ զարդեր՝ բոլորը ձեռքի աշխատանք են: Այսպիսով՝ հրաշալի թիմ եղանք: Այս տեսահոլովակն ինձ իմ լսարանի աչքին այլ տեսանկյունից է ներկայացնում՝ այնպիսին, ինչպիսին ես իրական կյանքում եմ՝ երգչուհի, սպորտսմենուհի, պարուհի, ֆանտաստիկ առումով ցանկացած գլամուր բանի սիրահար, մարդ, որը չի վախենում փորձարկումներից, օրինակ՝ սեքսուալ հագուստով եւ բարձրակրունկներով բռնցքամարտով զբաղվելուց: Երբ սկսեցի բռնցքամարտով զբաղվել, դա եւս ինձ համար մի փորձություն էր: Բայց բռնցքամարտը կյանքիս մի մասն է դարձել եւ տեսահոլովակում այն ներկայացնելը շատ բնական էր: Բռնցքամարտը հրաշալի կերպով ներկայացնում է ինքս իմ դեմ այդ պայքարի զգացումը: Տեսահոլովակն էլ հենց դրա մասին է՝ զգացմունքները պայքարում են մտքի դեմ»:

Ինչպես տեսահոլովակում՝ իրական կյանքում էլ ըստ Իջինի՝ իր բանականությունը հաղթում է զգացմունքներին.

«Տեսահոլովակում արդեն ցուցադրում եմ իմ կյանքի ընտրությունը: Ինձ մոտ միտքը միշտ գերազանցում է: Սակայն դա այնքան էլ հեշտ բան չէ, քանի որ ես ստեղծագործ մարդ եմ, ապրում ու ամեն ինչ ստեղծում եմ՝ ելնելով էմոցիաներից: Ես շատ էմոցիոնալ մարդ եմ, բայց միեւնույն ժամանակ շատ ուժեղ բնավորություն ու կամքի ուժ ունեմ՝ անկախ նրանից, թե որքան ուժեղ կարող եմ սիրել եւ որքան էլ, որ ցավոտ կլինի ինձ կորցնել տվյալ մարդուն: Ես հեռանում եմ առանց շրջվելու, երբ գիտակցում եմ, որ տվյալ հարաբերություններն ինձ չեն երջանկացնելու, միայն ցավ են պատճառելու: Գիտեմ՝ շատերն են հասկանում, թե ինչի մասին է խոսքը, բայց ցավոք՝ ոչ բոլորն են իրենց մեջ ուժ գտնում փախչել այդ հիվանդագին հարաբերություններից: Միացրեք ձեր բանականությունը, սիրեք ինքներդ ձեզ, սիրելիներս… Միշտ գիտակցեք, թե ինչի եք արժանի եւ երբեք մի համաձայնեք քչին: Սերը ցավ չէ, իսկական սերը չպետք է ցավ պատճառի: Սերը հարգանք է, երջանկություն, ջերմություն, հարմարավետություն, պաշտպանված լինելու զգացում, հավատարմություն…»:

Սյունե Առաքելյան

Լուսանկարները՝ Իջինի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում