Reddit եւ Initialized Capital կայքերի համահիմնադիր Ալեքսիս Օհանյանը կարճ այցով օրերս հայրենիքում էր: Մեր հայտնի հայրենակիցը Հայաստանում անցկացրել է ընդամենը մեկ օր, որի շրջանակում այնքան բան է հասցրել իրականացնել, որ Instagram-ի իր էջում դեռ շարունակում է կիսվել Հայաստան կատարած այցի տպավորություններով:
Հայրենիքում Ալեքսիսը այցելել է տոնավաճառ, եղել TUMO-ում, դստեր անունով ծառ է տնկել, հանդիպել է վարչապետ Նիկոլ Փաշինյանին եւ, նույնիսկ, հասցրել լավաշ թխել Սերժ Թանկյանի հետ:
Երեւանում Ալեքսիսին շատ վայրեր են տպավորել, հատկապես՝ Նոր Նորքի 4-րդ զանգվածում գտնվող Սոս Սարգսյանի դիմանկարը, որն արված է street art ոճում՝ Շինար անվանվող կիսակառույց շինության պատին: Ալեքսիսը, նույնիսկ, հանդիպել է հայ անվանի դերասանի դիմանկարի հեղինակին՝ Ռոբերտ Նիկողոսյանին:
NEWS.am STYLE-ը զրուցել է Ռոբերտի հետ՝ Ալեքսիս Օհանյանի հետ հանդիպման նպատակի եւ նրանից ստացած տպավորությունների մասին.
«Հայաստանի մասին վավերագրական ֆիլմ պետք է նկարահանվեր, որի մեջ նաեւ ներառված էր street art-ը: Փնտրեցին, գտան ինձ եւ պարզվեց, որ Ալեքսիսն էլ է այդ խմբի մեջ, ովքեր, որ պիտի գային այդ աշխատանքի շրջանակներում, եւ այդպես ստացվեց մեր հանդիպումը»,-պատմում է երիտասարդ նկարիչը՝ հավելելով.
«Իսկապես, շատ ուրախացա, որ առիթ ունեցա շփվելու նման մարդկանց, նման խմբի հետ»:
Ինչ վերաբերում է Ալեքսիսի տպավորություններին՝ Ռոբերտը նշում է.
«Վերջում դրական կարծիք հայտնեց ինձ ... Հետո էլ Instagram-ի իր էջում տեսա իմ նկարներից մեկը՝ հրապարակված իր կողմից: Կրկին շատ ուրախացա»,-անկեղծանում է նա, նաեւ պատմում Ալեքսիսից ստացած տպավորությունների մասին.
«Շատ դրական, շատ համեստ եւ շատ պոզիտիվ անձնավորություն է, իսկ այցի մյուս մանրամասների մասին, ցավոք, չիմացա»:
Տեղեկացնենք նաեւ, որ բացի Սոս Սարգսյանի դիմանկարից՝ Ռոբերտը նաեւ Մհեր Մկրտչյանի, Կոմիտասի, Թումանյանի, Եղիշե Չարենցի, Պարույր Սեւակի եւ շատ այլ հայտնի հայերի գրաֆիտի դիմանկարների հեղինակն է: Դրանք կարող եք տեսնել Երեւանի տարբեր անկյուններում:
Սյունե Առաքելյան
Լուսանկարները տրամադրել է Ռոբերտ Նիկողոսյանը
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ