Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

«Գլոբալ թեմա ենք շոշափել, որը ծանոթ է միլիոնավոր կանանց, նաեւ՝ ինձ». Հասմիկ Շիրոյանը՝ «Իմ անուղղելի կնամոլ» երգի մասին

12:25, 30 հունիսի

«Դեպի Եվրատեսիլ»-ից հետո նախագծի մասնակից, ուկրաինաբնակ երգչուհի Հասմիկ Շիրոյանը փոքրիկ դադար էր վերցրել՝ հանգստանալու եւ ստեղծագործական նոր մտքերով ոգեշնչվելու համար: Եվ ահա, բոլորովին վերջերս երգչուհին ներկայացրեց իր նոր երգը՝ «Իմ անուղղելի կնամոլ»-ը, որը գրված է հայերենով եւ ստեղծվել է Արտեմ Վալտերի հետ համագործակցության արդյունքում:

NEWS.am STYLE-ը նոր աշխատանքի շուրջ զրուցել է Հասմիկի հետ, ինչպես նաեւ պարզել, թե որքանով է ստեղծագործությունը մոտ հենց իր՝ Հասմիկի հոգեւվիճակին:

«Արտյոմն ու ես միմյանց վաղուց ենք ճանաչում եւ միշտ ցանկացել ենք համատեղ երգ ներկայացնել, որովհետեւ միմյանց ոճերը հավանում ենք: Արտյոմը շատ տաղանդավոր տղա է, լավ մարդ: Երգը վաղուց էր սպասում ներկայացմանը, բայց «Դեպի Եվրատեսիլ»-ի շրջանում զբաղված էի You and I երգով, այդ պատճառով էլ մի փոքր ժամանակ պահանջվեց, մինչեւ այն լույս տեսավ»,-մեզ հետ զրույցում նշեց երգչուհին:

«Կարծում եմ՝ գլոբալ թեմա ենք շոշափել, որը ծանոթ է միլիոնավոր կանանց: Իմ կյանքում էլ եղել է իրավիճակ, երբ շփվել եմ մի մարդու հետ, որին հենց իմ երգի բառով կարելի է անվանել, այսինքն՝ ինձ այս իրավիճակը ծանոթ է: Մենք երգը ներկայացրել ենք պարային մոտիվներով, նույնիսկ, մի փոքր հումորային ենթատեքստով: Կարծում եմ՝ այն մյուսներին նույնքան դուր կգա, որքան ինձ: Շատ պարային ամառային հիթ է ստացվել»,-հավելեց նա:

Երգչուհու խոսքով՝ չի բացառվում, որ երգն ունենա նաեւ տեսահոլովակ, սակայն այս պահին Հասմիկը Լոս Անջելեսում է, որտեղ զբաղված է այլ աշխատանքով:

«Ամառը ցանկանում եմ տաք քաղաքում անցկացնել: Հիմա Լոս Անջելեսում եմ: Աշխատում եմ այստեղ, ինչն էլ ինձ համար արդեն հանգստի ձեւ է: Հաճելի վայրում եմ գտնվում, նաեւ զբաղվում եմ իմ սիրած գործով: Հանգիստս փնտրում եմ սիրելի աշխատանքիս մեջ»,-ասում է նա՝ հավելելով.

«Նախընտրում եմ ամառն անցկացնել ծովափին՝ ջերմացնող արեւի ներքո, որն ինձ էներգիա է պարգեւում: Հիմա օվկիանոսի ափին եմ, չեմ հանգստանում, արդեն հասցրել եմ հանգստանալ այս տարի: Հիմա աշխատանքս եմ վայելում: Նաեւ նշեմ, որ շատ եմ կարոտել Երեւանը, կարծում եմ՝ մոտ օրերս կլինեմ այդտեղ»:

Ինչ վերաբերում է նոր համագործակցություններին՝ Հասմիկն ասում է.

««Դեպի Եվրատեսիլ»-ից հետո կարճ դադար ունեցա, սկսեցի ապրել ինքս ինձ համար, հավաքել մտքերս եւ մի փոքր լիցքաթափվել: Իսկ հիմա ԱՄՆ-ում եմ, հանդիպելու եմ իմ թիմում ընդգրկված մարդկանց հետ: Ժամանակը ցույց կտա՝ միգուցե լինեն նոր համագործակցություններ: Այժմ երգեր եմ գրում եւ հուսով եմ՝ շուտով դրանցից մեկն էլ կներկայացնեմ: Նաեւ շատ եմ սիրում այս շրջանը, երբ նոր երգն արդեն ներկայացրել եմ եւ հետեւում եմ մեկնաբանություններին, որոնք շատ են եւ դրական բովանդակությամբ»:

Սյունե Առաքելյան

Լուսանկարները՝ Հասմիկ Շիրոյանի Facebook-ի էջից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել