Ինչպես ավելի վաղ տեղեկացրել էր NEWS.am STYLE-ը, այսօր ժամը 20:05-ի սահմաններում «Նաիրի» բժշկական կենտրոնում կյանքից հեռացավ սիրված երգչուհի, ՀՀ մշակույթի վաստակավոր գործիչ Նադեժդա Սարգսյանը՝ 63 տարեկանում:
Երգչուհի Էմմիի մայրիկը երկար տարիներ պայքարում էր քաղցկեղի դեմ: Նրան հաջողվում էր այդ պայքարում հաղթող դուրս գալ: Երգչուհին իր հարցազրույցների ընթացքում բազմիցս խոսել էր այն մասին, որ բժշկի էր դիմել Էմմիի եւ իր ընկերների կոչով ու հորդորով:
Նադեժդա Սարգսյանին պատանեկության տարիներին արգելել էին բեմ բարձրանալ, քանի որ ընտանիքի անդամները բավականին խիստ էին ու ավանդապաշտ, սակայն երգչուհու ձիրքը կոտրեց կարծրատիպերը:
1971 թվականին նա ընդունվել ու ավարտել է Հայֆիլմի կինոդերասանի ստուդիան, որից հետո ուսանել է նաեւ Մոսկվայի Թատերական ինստիտուտում: Նադեժդան սկզբում ցանկանում էր դառնալ դերասանուհի: Սակայն կայնքի ընթացքը նրան տարավ դեպի երգարվեստ: 9 տարի շարունակ նա եղել է Հայաստանի պետական էստրադային նվագախմբի մենակատար:
Հենց Նադեժդա Սարգսյանն էր «Հայեր» անսամբլի գեղարվեստական ղեկավարը, որից, հատկապես, ճանաչում ձեռք բերեց նրա դուստրը՝ երգչուհի Էմմին: Նադեժդա Սարգսյանը չէր մոռանում երիտասարդ տաղանդների մասին եւ, թերեւս, հենց այդ պատճառով էլ նա հիմնել էր «Դո-ռե-մի» մրցույթը, որի միջոցով շատ ու շատ երեխաներ կարողացան ցույց տալ իրեց երաժշտական ունակությունները:
Նա եղել է նաեւ բազմաթիվ նախագծերի պրոդյուսեր, ինչպես օրինակ՝ «Երկու աստղ», «Մանկական Եվրատեսիլ» եւ «Նոր ալիք» երգի միջազգային մրցույթների Հայաստանը ներկայացնող պրոդյուսեր:
Նադեժդա Սարգսյանը հյուրախաղերով ներկայացել է ավելի քան 40 երկրներում:
Սիրված երգչուհու երգացանկի գոհարներն են Կոնստանտին Օրբելյանի, Ռոբերտ Ամիրխանյանի եւ այլոց երգերը, որոնք նա հասցնում էր հանդիսատեսի սրտերին:
Նադեժդա Սարգսյանի ընտանիքը սիրո եւ համերաշխության խորհրդանիշ եւ «մշակութային» ընտանիքի վառ օրինակ է եղել: Նրա ամուսինը հայտնի քանդակագործ Դավիթ Բեջանյանն էր, որը կայնքից հեռացավ 2011 թվականին՝ 67 տարեկան հասակում: Իսկ դուստրը՝ երգչուհի Էմմին, անգամ հեռավորության վրա ամեն երեկո երկար ու ջերմ զրույցներ է ունեցել մայրիկի հետ՝ ինչպես փաստել է Նադեժդա Սարգսյանը իր հարցազրույցների ընթացքում:
Սիրված երգչուհին մի անգամ իրեն, իր բռնկուն ու էներգիայով լի խառնվածքը համեմատել է «ատոմային ռումբի» հետ: Հանրությունը ու հայ երգարվեստը մշտապես կհիշեն երգչուհու եռանդը, լավատես բնավորությունն ու ավանդը՝ հայ մշակույթի կայացման ու զարգացման մեջ:
Լուսանկարները՝ Instagram
Սյուզի Մսրյան
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով