Այսօր՝ հուլիսի 4-ին, կայացավ Երևանի «Ոսկե ծիրան» 15-րդ միջազգային կինոփառատոնի մամլո ասուլիսը՝ նվիրված Հայաստանի Հանրապետությունում օտարերկրյա ներկայացուցչությունների հետ համագործակցությանը:
Ասուլիսի բանախոսներն էին «Ոսկե ծիրան» կինոփառատոնի տնօրեն Սուսաննա Հարությունյանը, ՀՀ-ում Գերմանիայի Դաշնային Հանրապետության արտակարգ եւ լիազոր դեսպան պարոն Մաթիաս Քիսլերը, ՀՀ-ում Ֆրանսիայի Հանրապետության արտակարգ եւ լիազոր դեսպան պարոն Ժոնաթան Լաքոտը, ՀՀ-ում Բուլղարիայի Հանրապետության արտակարգ եւ լիազոր դեսպան տիկին Մարիա Պավլովա Ցոցորկովա-Կայմակտչիեվան եւ Երեւանի «Գյոթե կենտրոնի» ներկայացուցիչ Հասմիկ Մուրադյանը:
ՀՀ-ում Գերմանիայի դեսպանի խոսքով՝ հրաշալի է, որ Հայաստանում ամեն տարի ցուցադրվում են գերմանական արտադրության նոր ֆիլմեր.
«Այս ընթացքում Հայաստանում գերմանական արտադրության ավելի քան 100 ֆիլմեր են ցուցադրվել: Կարեւոր է նաեւ այն հանգամանքը, որ ֆիլմերը ներկայացվել են հայերեն սուբտիտրերով եւ մի շարք գերմանացի հայտնի կինոգործիչներ են հրավիրվել Հայաստան: Այս տարի Գերմանիան ներկայացված է 6 ֆիլմով՝ ընդհանուր խորագրի ներքո, որը կոչվում է Made in Germany («Արտադրված է Գերմանիայում»)»: Հուլիսի 12-ին գերմանական ֆիլմերի մեկնարկը կտրվի փառատոնի շրջանակում եւ հանդիսատեսին կներկայացվի «Երեք օր Կիբերոնում» կինոնկարը»:
«Գյոթե» կենտրոնի ներկայացուցիչ Հասմիկ Մուրադյանն էլ նշեց, որ իրենք ուրախ են «Ոսկե Ծիրանի» հետ համագործակցությունը շարունակելու համար:
«Ինչպես արդեն նշվեց՝ այս տարի փառատոնին կներկայացվի 6 ֆիլմ, որոնք բոլորն էլ տարբեր փառատոնների մրցանակակիրներ են: Գերմանական ֆիլմերի ցուցադրությունը կշարունակվի մինչեւ հուլիսի 15-ը»,-հավելեց նա:
««Ոսկե Ծիրանն» ու Ֆրանսիայի դեսպանատունը փառատոնի ստեղծման օրվանից շարունակում են իրենց համագործակցությունը»,-ուրախությամբ նշեց ՀՀ-ում Ֆրանսիայի Հանրապետության արտակարգ եւ լիազոր դեսպան Ժոնաթան Լաքոթը՝ հավելելով.
«Առհասարակ, այս փառատոնը կինոարտադրության մեջ կարեւոր վեկտորներից մեկն է: Այս տարի փառտոնի բացումը կմեկնարկի ֆրանսիական արտադրության ֆիլմի ցուցադրումով: Այս տարվա փառատոնն առանձնահատուկ նշանակություն ունի նաեւ նրանով, որ այն համընկել է Ֆրանկոֆոնիայի 17-րդ գագաթնաժողովի անցկացման հետ»:
Սուսաննա Հարությունյանը նշեց, որ այս տարի փառատոնն ընդլայնել է իր սահմանները: Առաջին անգամ «Ոսկե Ծիրան»-ին է միացել նաեւ Հայաստանում Բուլղարիայի դեսպանատունը՝ ՀՀ-ում Բուլղարիայի Հանրապետության Արտակարգ եւ Լիազոր դեսպան տիկին Մարիա Պավլովա Ցոցորկովա-Կայմակտչիեվայի գլխավորությամբ:
«Մենք շատ ուրախ ենք «Ոսկե Ծիրանի» հետ համագործակցության համար, քանի որ գիտենք, թե սա ինչ հեղինակավոր փառտոն է: 15 տարին կարծում եմ՝ շատ գովելի ընթացք է եւ մենք ողջունում ենք փառատոնի կատարած մեծ աշխատանքը»,-նշեց դեսպանը:
Նա նաեւ կարեւորեց մշակութային համագործակցությունները, որոնք տեղի են ունենում փառատոնի շրջանակում: Ըստ դեսպանի՝ այն նպաստում է ազգային հանդուրժողականությանն ու մշակութային զարգացումներին:
Ասուլիսին առավել մանրամասն կարող եք հետեւել NEWS.am STYLE-ի տեսանյութի միջոցով:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»