Սոնա Շահգելդյանն օրերս ներկայացրեց իր նոր տեսահոլովակը, որը նկարահանվել է աշուղ Ջիվանու «Քանքարավոր ընկեր» ստեղծագործության հիման վրա: NEWS.am STYLE-ը նոր աշխատանքի շուրջ զրուցել է երգչուհու հետ, որը խոսել է տվյալ երգի ընտրության ու տեսահոլովակում ներկայացված կերպարների մասին.
«Շատ եմ սիրում այս երգը, այն ինձ շատ հոգեհարազատ է: Առհասարակ, ես ժողովրդական երգեր շատ եմ սիրում: Նշեմ, որ պապիկս էլ երգել է ժողովրդական երգեր, նվագել է դհոլ: Միգուցե, դա ինձ գեներով է փոխանցվել: Ընդհանրապես, իմ ընտանիքը երաժշտական է: Մեր հին երգերը շատ լավ գիտեմ եւ միշտ էլ երգել եմ այսպիսի երգեր: Ջիվանու ստեղծագործությունները շատ եմ սիրում»,-ասում է Սոնան:
Երգչուհու նոր տեսահոլովակի ռեժիսորը Ռուբեն Գրիգովն է, որի հետ նա արդեն երկրորդ անգամ է համագործակցում:
«Նախորդ տեսահոլովակը, որի շուրջ աշխատել ենք «Իմ հավերժություն» երգի հիման վրա է նկարահանվել: Շատ եմ հավանում նրա աշխատելաոճը: Նա շատ աշխատասեր է ու տարբերվում է շատ ռեժիսորներից, ունի իր ուրույն ձեռագիրը: Պարտադիր չէ, որ տեսահոլովակի մեջ լինեն այնպիսի բաներ, որոնք երգին խանգարեն: Ռուբենը աշխատում է Սերժ Գաբյանի հետ, որն իմ նախորդ տեսահոլովակի ռեժիսորն է: Համոզված եմ, որ ամեն ինչ, իրոք, ստացվել է, եւ սա չեմ ասում միայն այն պատճառով, որ խոսքը իմ երգի ու տեսահոլովակի մասին է: Դեռ կլինեն այլ տեսահոլովակներ, որոնց շուրջ կրկին սիրով կհամագործակցեմ նրանց հետ»,-ասում է նա:
Տեսահոլովակի նկարահանումներն ավարտվել են մեկ օրվա ընթացքում, սակայն ինչպես Սոնան է ասում՝ բավականին մեծ աշխատանք են իրականաքցրել այդ սեղմ ժամկետում.
«Սկսած կերպարներից ու հագուստից մինչեւ պարերը, ամեն ինչի շուրջ շատ լուրջ աշխատել ենք: Առավոտից մինչեւ գիշեր նկարահանումներ ենք ունեցել: Ինչ վերաբերում է իմ հատվածներին՝ ես բավականին արագ եմ նկարահանվել, ես՝ ինքս, նման իրավիճակներում բավականին արագ եմ հավաքվում: Նշեմ, որ գեղեցիկ պարողներին էլ ինքս եմ ընտրել՝ խրոխտ հայերի կերպարներով: Կերպարներից շատերի շուրջ աշխատել ենք Գեղամ Շերոյանի հետ, որն իմ լավ ընկերն է եւ շատ լավ ու տաղանդավոր դիզայներ է. նա շատ գեղեցիկ հագուստներ է մոդելովորում: Իսկ տարազը Վանի տարազն է, որը տրամադրել է Վերգինե Ալավերդյանը»:
Սոնայի տեսահոլովակն արդեն կարող եք դիտել նաեւ NEWS.am STYLE-ում եւ կիսվել տպավորություններով:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը