Այսօր Կոնդի Սուրբ Հովհաննես եկեղեցում տեղի ունեցավ սիրված երգչուհի, ՀՀ մշակույթի վաստակավոր գործիչ Նադեժդա Սարգսյանի հոգեհանգստյան արարողությունը: Մտերիմները, ընկերները, գործընկերներն ու պարզապես երգչուհու արվեստի երկրպագուները եկել էին իրենց հարգանքի տուրքը մատուցելու անվանի արտիստին եւ ցավակցություններ հայտնելու Էմմիին ու նրա մյուս հարազատներին: Նրանցից շատերը լրագրողների հետ կիսվեցին, ինչպես իրենք են նշում, սիրելի Նադյայի մասին ջերմ հուշերով:
«Նա մեծ ներդրում ունի մեր երգարվեստի զարգացման մեջ: Միշտ եռանդով, աշխույժ… Շատ ափսոս, որ ժամանակից շուտ լքեց մեզ»,- նշեց Կ.Դեմիրճյանի անվան մարզահամերգային համալիրի տնօրեն Վազգեն Ասատրյանը:
Արամոն էլ վերհիշեց, թե ինչպես էին միասին համերգային շրջագայություններ ունենում Նադեժդայի հետ, սակայն կոնկրետ հետաքրքիր դրվագ դժվարացավ առանձնացնել: Ինչպես ինքն է նշում՝ բոլորն էին հիշարժան:
«Ես շատ բան եմ սովորել նրանից եւ նրա սերնդի արտիստներից: Նրանք մեծ ներդրում ունեն իմ կայանալու մեջ: Իսկապես, ցավում եմ…»,- հավելեց երգիչը:
Միքայել Պողոսյանի խոսքով՝ երգչուհին մեր քաղաքի գույներից էր. «Նադյան մի սիրո կծիկ էր, որը շռայլում էր իր սերը թե՛ բեմում, թե՛ կյանքում»:
«Մենք կորցրեցինք մի վառ անհատականություն, որը շատ մեծ գործ արեց, եւ ես չգիտեմ՝ նրա գնալուց հետո կկարողանա՞ն պահել այն գիծը, որը նա էր տանում»,- նշեց Երվանդ Երզնկյանը:
Վիգեն Ստեփանյանն էլ հավելեց. «Թող ոչ ոք չնեղանա, բայց նրա արածը երգարվեստում մի քիչ տարբերվում է, գոնե երգերի ընտրության մեջ, դրա մատուցման մեջ: Նադյան իր շատ հստակ ու երեւացող տեղն ուներ եւ չեմ կարծում՝ որեւէ մեկն այդ տեղը զբաղեցնի»:
Նադեժդա Սարգսյանը կյանքից հեռացել է հուլիսի 2-ին: Երգչուհին երկար տարիներ պայքարում էր քաղցկեղի դեմ: Սիրված արտիստը 63 տարեկան էր:
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
15:18, 29 մարտի
Իրինա Շեյքը Swarovski campaign֊ում հայտնվել է շշմեցուցիչ կերպարով14:02, 29 մարտի
Ռոբերտ Դաունի կրտսերը խաղում է չորս տարբեր կերպարներ HBO-ի նոր սերիալում13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում