Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Չի բացառվում, որ Հայաստանում էլ ֆիլմ կնկարահանեմ». Դարեն Արոնոֆսկի (ֆոտո, վիդեո)

18:30, 10 հուլիսի

«Սեւ կարապը», «Ակունք», «Նոյ», «Ռեքվիեմ երազանքի համար», «Մամա» եւ մի շարք այլ ֆիլմերից հայտնի ռեժիսոր Դարեն Արոնոֆսկին այս օրերին Հայաստանում է: Աշխարհահռչակ ռեժիսորը Երեւան է ժամանել «Ոսկե Ծիրան» 15-րդ միջազգային կինոփառատոնին մասնակցելու նպատակով:

Արոնոֆսկին արդեն հասցրել է քայլել փառատոնի կարմիր գորգին եւ Վարդավառին ջրել լրագրողներին եւ հյուրերին: Իսկ այսօր ռեժիսորը հանդիպեց լրագրողների եւ մի շարք կինոմանների հետ եւ, նույնիսկ, պատասխանեց շատերին հետաքրքրող հարցերին: Անդրադառնալով իր մասնագիտության ընտրությանը` Արոնոֆսկին նշեց.

«Երբ փոքր էի` 15 տարեկան, ես ընդհանրապես չգիտեի` ինչ է ֆիլմ ստեղծելը: Երբ ընդունվեցի քոլեջ, չգիտեի` ինչով պետք է զբաղվեմ: Բայց ես մի արվեստագետ ընկեր ունեի, որն ամբողջ օրը նկարում էր: Հետո ես ինքս էլ սկսեցի հետաքրքրվել արվեստով ու բախվեցի ֆիլմարտադրությանը»:

Իսկ այսօր հայտնի ռեժիսորն արդեն հստակ գիտի` ինչպիսի սցենարի հետ է ցանկանում աշխատել:

«Ես հստակ իմ տեսակետն ունեմ, թե ինչպիսին պետք է լինի ֆիլմը: Սցենարից մինչեւ նկարահանում ֆիլմը տարբեր է լինում: Երբ «Նոյ»-ն էինք նկարում, ստուդիական տարբերակում այն այլ էր, նկարում` սարսափելի: Այդ պատճառով մենք վերանկարահանեցինք այն: Ֆիլմն արվեստ է` անկախ գումարից դու պետք է փորձես արվեստ ստեղծել: Շատ լավ է, երբ կարողանում ես ճիշտ թիմ գտնել: Դա նման է ամուսնության: Այդ պատճառով էլ պետք է ճիշտ արվեստագետների գտնես»,-ասում է նա` հավելելով.

«Ես ոգեշնչվում եմ աստվածաշնչյան պատմություններից: Երբ մի պատմություն ենք պատմում, փորձում ենք դրանով միավորել մարդկանց: Մարդկային էմոցիաներն են իսկական կինո ստեղծում, իսկ աստվածաշնչյան պատմությունները բոլոր մարդկանց պատմություններն են: Ֆիլմ ստեղծելիս ես միշտ մտածում եմ հանդիսատեսի մասին: Հիմնականում ֆիլմեր նկարահանում եմ այն մարդկանց համար, ովքեր սիրում են տարբերվող պատմություններ»:

Խոսելով դերասանների հետ իր աշխատանքի մասին` նա նշում է.

«Յուրաքանչյուր դերասան տարբեր է, պետք է հասկանաս` ինչպես աշխատես յուրաքանչյուրի հետ: Պետք է այնպես անես, որ դերասանը բացի իր սիրտն ու հավատա իր սեփական խաղին: Ռասել Քրոուն, օրինակ, հրաշալի դերասան է: Նա, նույնիսկ, մեկ աչքով կարող է այնքան շատ էմոցիա փոխանցել»:

Ինչ վերաբերում է Հայաստան կատարած իր այցին` չնայած աթեիստ լինելուն` Արոնոֆսկին հիասքանչ է զգում առաջին քրիստոնյա երկրում:

«Ինձ համար մեծ պատիվ է, որ ինձ հյուրընկալել է Հայաստանը: Դեռ հիմնականում ճանապարհներին եմ եղել, բայց հուսով եմ` վաղը կկարողանամ բացահայտել Հայաստանը եւ ոգեշնչվել»,-եզրափակեց ռեժիսորը` չբացառելով, որ մի օր, միգուցե, այստեղ էլ ֆիլմ նկարահանի:

Սյունե Առաքելյան

Լուսանկարները` Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել