• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Հոլիվուդի մեր հայրենակից Ռոման Միտիչյանը Facebook-ի իր էջում լուսանկար է տեղադրել աշխարհահռչակ դերասան Կիանու Ռիվզի հետ:

Լուսանկարն արվել է John Wick 3 ֆիլմի նկարահանումների ընթացքում, որտեղ մեր հայրենակիցը հանդես է եկել հոլիվուդյան աստղի հետ:

«Երբ ես հանդիպեցի այս տղային, նա շատ բարի էր, մինչեւ, որ դարձավ չարագործ»,-կատակել է դերասանը՝ նկատի ունենալով ֆիլմում Կիանուի կերպարը: «Հրաշալի մարդ եւ բոլոր ժամանակների մեծագույն դերասան»,-ավելացրել է նա:

Ավելի վաղ NEWS.am STYLE-ի հետ բացառիկ զրույցում ամերիկահայ դերասանը խոսել էր John Wick 3 ֆիլմի նկարահանումների եւ Կիանու Ռիվզի հետ աշխատելու մասին.

«John Wick 1 ֆիլմում հանդես էի եկել փոքրիկ դերով: Ռեժիսոր Չադ Սթահելսկին իմ մտերիմ ընկերն է: Նա ինձ հրավիրել էր նաեւ նկարահանվել ֆիլմի երկրորդ մասում, սակայն այդ շրջանում նկարահանվում էր «Խոստումը» ֆիլմը, եւ, բնականաբար, ես նախապատվությունը տվեցի «Խոստումը» ֆիլմին, դա քննարկումներից դուրս էր: Երրորդ ֆիլմում նկարահանվելու առաջարկը ստացել եմ կրկին մտերիմ ընկերներիցս մեկից՝ պրոդյուսեր Ջեֆ Ուաքսմենից: Շատ կարեւորում եմ նշել այս անունները, որովհետեւ նրանք, իսկապես, ինձ առաջնորդել են եւ նրանց հետ աշխատելն, իրոք, շատ կարեւոր էր»,-նշել էր նա, իսկ Կիանու Ռիավզի մասին ասել.

«Հոյակապ անձնավորություն է… Եթե ուսումնասիրել եք նրա կյանքը, տեղյակ կլինեք, թե ինչ դժվարությունների միջով է անցել, սակայն նա շատ պինդ մարդ է: Ի դեպ, նրա հետ կապված մի հետաքքիր պատմություն հիշեցի, որը, միգուցե, քչերին է հայտնի:

«Մատրիցա» ֆիլմի նկարահանումների ժամանակ նրա հետ մարտական տեսարաններից մեկում հանդես եկած տղաները, որոնք 6-7 հոգի կլինեին, վճարվեցին, ինչպես որոշված էր պայմանագրով, սակայն ֆիմից հետո նա այդ տղաներից յուրաքանչյուրին Harley Davidson նվիրեց եւ որոշակի գումար… Հոլիվուդում ոչ բոլորն են այդպես վարվում: Նա մեծատառով անձնավորություն է եւ, իհարկե, հզոր դերասան:

Կիանոյի հետ John Wick 3 ֆիլմում  ունեցել ենք նկարահանման մի քանի օր: Շատ պրոֆեսիոնալ դերասան է՝ նկարահանումներին միշտ պատրաստ էր գալիս, բայց պետք է նշեմ, որ ռեժիսորն էլ իմպրովիզների առումով շատ բաց էր: Կան ռեժիսորներ, որոնք ցանկանում են, որ դերասանը խաղա հենց այն, ինչ գրված է սցենարով, առանց շեղվելու դրանից, սակայն Սթահոլսկին հակառակը՝ դրդում էր, որ իմպրովիզներ կատարեինք: Իրականում այդ մեթոդը շատ լավ է աշխատում, դրա համար շատ եմ սիրում այդպիսի ռեժիսորների: Արդյունքում՝ Կիանուի հետ նոր բաներ էինք հնարում, տարբեր իմպրովիզներ անում: Հաճախ ինքն էր հարցնում՝ արդյոք ճի՞շտ է արտաբերում բառերը ռուսերենով…

Ինչ վերաբերում է տվյալ ֆիլմում իմ դերին՝ մարմնավորում եմ ռուս գնչուի, ինչպես միշտ՝ բացասական կերպարի եմ մարմնավորում, բայց քանի որ ֆիլմը դեռ էկրաններ չի բարձրացել, չեմ մանրամասնի, թե ինչ է պատահում իմ կերպարին ֆիլմի ընթացքում»:

Հետևեք NEWS.am STYLE-ին Facebook-ում, Twitter-ում և Instagram-ում