NEWS.am STYLE-ը սկսում է նոր շարք՝ «Սերիալամոլ» անվանմամբ, որում մենք ձեզ խորհուրդ կտանք դիտել սերիալներ, որոնք կգունավորեն ձեր առօրյան: Սկսենք փոքր-ինչ բիրտ եւ հետաքրքրաշարժ մեկից՝ «Սպարտակից»:
Անվանումից արդեն պարզ է, որ այն պատմում է լեգենդար գլադիատոր-ստրուկի մասին, ով մ.թ.ա 1-ին դարում կարողացավ ծնկի բերել Հռոմեական կայսրությունը:
Սպարտակի մասին բազմաթիվ ֆիլմեր ու սերիալներ են նկարահանվել. դա բնական է, քանի որ նա դարակազմիկ կերպար է:
Ինչո՞վ է գրավիչ այս սերիալը:
«Սպարտակ»-ը (անգլ. Spartacus) ամերիկյան պատմական հեռուստասերիալ է, որը սկսել է ցուցադրվել 2010 թվականի հունվարի 22-ից Starz ալիքով ու հասել է ավարտին 2013 թվականի ապրիլի 12-ին:
Այն բաղկացած է 3 եթերաշրջանից ու մեկ պրիկվելից (Պրիկվել՝ գիրք, կինոֆիլմ, համակարգչային խաղ, որի գործողությունները ժամանակագրական առումով ծավալվում են ստեղծագործությունից առաջ ու համապատասխանում են սյուժետային տրամաբանությանը):
Յուրաքանյուր եթերաշրջան ունի ենթավերնագիր:
Առաջին եթերաշրջան՝ «Սպարտակ. արյուն եւ ավազ» (2010)
Պրիկվել՝ «Սպարտակ. մարտադաշտի աստվածները » (2011)
Երկրորդ եթերաշրջան՝ «Սպարտակ. վրեժ» (2012)
Երրորդ եթերաշրջան՝ «Սպարտակ. անիծյալների պատերազմը» (2013)
Քանզի Սպարտակի կերպարի մասին փաստական տվյալները բավականին սուղ են, սերիալի ստեղծագործական կազմը հնարավորություն է ունեցել մշակել ավելի շատ գաղափարներ, որոնք, բնականաբար, աղավաղել են պատմական ճշմարտությունը:
Ստեղծողները որպես հիմք են ընդունել Զաք Սնայդերի կերպարը «300 սպարտացիներ» ֆիլմից: Հավաստիացնում ենք՝ ընտրությունը արդարացված է: Այդ ամբողջ մռայլությունը, արյունալի տեսարանները, դանդաղեցրած կադրերը դարձնում են պատկերները պարզապես գլուխգործոց:
Արժեքավոր կադրերից բացի, ստեղծագործական թիմն, իհարկե, չի մոռացել նաեւ գաղափարի մասին: Սյուժեն լիովին տրամաբանական է եւ միաժամանակ գրավիչ: Այո, սյուժեի հիմքերը տարրական արժեքների վրա են հենված՝ ինչպես վրեժը, ազատատենչությունը, բայց հենց դրանով էլ սերիալը գրավում է, քանի որ այն մատչելի է բոլորի համար:
«Սպարտակում» երեւում են հայնտնի պատմական դեմքեր՝ Մարկոս Կրասսոսից մինչեւ Հուլիոս Կեսար:
Դերասանական խաղը կարելի է համարձակորեն գնահատել 10-ից 10: Հատկապես իրենց խառնվածքով ստվեր են գցում մյուսների վրա Հանինգը (Դասթին Քլեր) եւ Քվինտ Լենտեւլիյ Բատիատը (Ջոն Հաննա):
Առաջին եթերաշրջանում, ցավոք, դժբախտ դեպք տեղի ունեցավ. Սպարտակի դերակատար Էնդի Ուիթֆիլդը մահացավ ծանր հիվանդությունից: Նա երկար ժամանակ պայքարում էր դրա դեմ, իսկ Starz ալիքը մեծահոգաբար երկրորդ եթերաշրջանի փոխարեն ժամանակ շահելու համար նկարահանեց պրիկվելը, սակայն չարաբաստիկ հիվանդությունն ավելի ուժեղ գտնվեց:
Վերջին երկու եթերաշրջաններում Սպարտակի դերը ստանձնեց Լիամ Ջեյմս Մակինթաիրը:
Ամփոփելով նշենք, որ եթե դուք հրաշալի բեմադրված մարտերի, արյունոտ տեսարանների, Հին Հռոմի մթնոլորտի սիրահար եք, բայց միեւնույն ժամանակ գրագետ կազմված սյուժե եք նախընտրում, ապա այս սերիալը հենց ձեզ համար է:
Դե ինչ, հաճելի դիտում:
Պատրաստեց Նորայր Նազարյանը
Հետևեք NEWS.am STYLE-ին Facebook-ում, Twitter-ում և Instagram-ում
15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ