Հայկական շոու-բիզնեսում տարբերվող եւ ինքնատիպ արտիստներն այնքան էլ շատ չեն: Տարիներ առաջ Վարսան դարձավ հենց այդպիսիներից մեկը, սակայն այսօր երգչուհին երաժշտական կարիերան թողել է՝ իր ուշադրությունն ամբողջությամբ նվիրելով ընտանիքին:
NEWS.am STYLE-ը Վարսայի հետ զրուցել է կարիերայի, ամուսնու՝ Գոռ Սուջյանի հետ համատեղ 5 տարիների, որդու նախասիրությունների եւ այլ թեմաների շուրջ:
Վարսա, քո կարիերայի սկիզբը բավականին խոստումնալից էր՝ տարբերվող կերպար, հետաքրքիր երգացանկ ու յուրօրինակ տեսահոլովակներ. այսօր ինչո՞ւ քեզ չենք տեսնում նոր աշխատանքներով. ներկայիս շոու-բիզնեսը քեզ չի՞ գոհացնում, թե՞ ընտանեկան կյանքը թույլ չի տալիս:
Եկավ մի պահ, երբ հասկացա, որ երգելն ինձ համար հաճույք է, քանի որ շատ եմ սիրում երաժշտություն, բայց կարիերա ասվածը երգարվեստի մեջ ինձ համար չէ: Միգուցե, նորից սկսեմ երգել, բայց միայն հաճույքս բավարարելու նպատակով:
Հաճա՞խ ես զղջում արածդ կամ չարածդ քայլերի համար:
Չեմ զղջում… Եթե չանես քայլեր, չես իմանա սխալ էիր, թե ճիշտ: Ուղղակի կարեւոր է, երբ նայում ես արածդ քայլերին, եւ դրանց մեջ սխալներ տեսնելով, փորձում ես փոխվել եւ նորոգվել:
Ինչո՞վ ես զբաղվում որդուդ դաստիարակությունից բացի:
Զբաղվում եմ շատ տարբեր բաներով: Կին լինելն առանձին մասնագիտություն է: Բացի այն, որ պետք է լինես լավ կին, լավ մայր, դու պետք է լինես լավ խոհարար, լավ մաքրուհի, լավ հոգեբան:) Իսկ բացի տնային կյանքից՝ նոր մասնագիտություն եմ ուսումնասիրում:
Վերջեւս դու եւ Գոռը նշեցիք ձեր ամուսնության 5-րդ ամյակը: Ինչպիսի՞ն էիր դու 5-6 տարի առաջ, ինչպիսի՞ն ես հիմա: Ամուսնական կյանքը շա՞տ է փոխել քեզ:
Իհարկե, շատ եմ փոխվել: Մինչեւ ամուսնությունը ես լրիվ ուրիշ տեսակի մարդ եմ եղել: Նայելով ետ՝ շատ անգամ զարմանում եմ: Կարծում եմ՝ կարեւոր է, որ մեր ներսի մարդը միշտ նորոգվի:
Այս 5 տարիների ընթացքում դժվարություններ եղե՞լ են ձեր ընտանիքում: Ինչպե՞ս եք սովորաբար հաղթահարում դրանք:
Դժվարություններ չեմ կարող ասել, որ եղել են, բայց ցանկացած ընտանիքում լինում են՝ թեկուզ փոքր խնդիրներ: Կարծում եմ՝ միակ բանը, որ օգնում է դրանք հաղթահարել, սերն է: Եթե ընտանիքում կա սեր, ուրեմն ամեն բան հնարավոր է հաղթահարել:
Ինչի՞ շուրջ են սովորաբար լինում ձեր տարաձայնությունները:
Տարաձայնություններ շատ չեն լինում, քանի որ հիմնականում ամեն բանի շուրջ նույն ձեւ ենք մտածում:
Հետաքրքիր է՝ Գոռն ինչպե՞ս է վերաբերվում քո՝ բեմում լինելու հանգամանքին: Կցանկա՞, որ ակտիվ շարունակես երգչուհու կարիերադ:
Գոռն ինձ համար ցանկանում է այն, ինչի մեջ ես ինձ լավ եմ զգում: Եթե ցանկանամ լինել բեմում, նա ոչ միայն դեմ չի լինի, այլեւ կօգնի:
Զուգերգով ներկայանալու նպատակ կամ ծրագրեր չկա՞ն:
Գոռն, առհասարակ, չի սիրում դուետներ: Այդպիսի ցանկություն դեռ չի առաջացել ոչ ինձ մոտ, ոչ էլ՝ նրա:
Ինչպիսի՞ն է ձեր որդին: Երաժշտական հակումներ ունի՞:
Չեմ կարող ասել, որ շատ է սիրում երաժշտություն, բայց դրա մասին դեռ շուտ է մտածել: Այս տարիքում երեխաներն ամեն բան սիրում են անել, չնայած՝ անտարբեր չէ թմբուկի եւ կիթառի հանդեպ, նաեւ ունի լավ ռիթմի զգացողություն:
Վարսա, ամառն ինչպե՞ս եք անցկացրել ընտանիքով:
Ամառն անցկացրել ենք այնպես, ինչպես մյուս բոլոր ամիսները:)
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից