Կին պատգամավորների լուքերը ԱԺ առաջին նիստին

Հայտնի է «Գահերի խաղ»-ի ցուցադրության օրը

Պահարան. Տաք, հարմար ու ոճային. ինչ հագնել ձմռանը

Զարդատուփ. մինիմալիզմի համեստ հմայքը զարդերում

Էլեն ԴեՋեներեսը հյուրընկալել է Անի Գաբրիելյանին

POPcorn blog. Փաստեր, որ չգիտեք Կոկո Շանելի մասին

Ackerman Talks. հոնքերի մասին

Պահարան. այս ձմռան ամենանորաձեւ վերարկուներն ու ժակետները

POPcorn blog. Ամանորյա ֆիլմեր, որոնք այնքան էլ հայտնի չեն, բայց հայտնիներից պակաս լավը չեն

Շահեն Օգանեսյանը կատարում է «Чистые пруды» երգը «Ձայնը» նախագծի եզրափակչում

Shine & Food: Միասին զարդարում ենք ամանորյա սեղանը յուրահատուկ ձեւով

Պահարան. ամանորը casual ոճում

Զարդատուփ: Նվերներ զարդարելու արվեստը

Շահեն Օգանեսյանը ռուսական «Ձայնը» նախագծի եզրափակչում է

POPcorn blog. Ամենատարօրինակ ամանորյա ավանդույթներն աշխարհում

Պարզվում է՝ խոզի բուդը այդքան էլ վատ չէ. բժիշկ-սննդաբանի խորհուրդները

Գաղտնի միլիոնատեր․ Հայկ Սարգսյան

Պարզվում է՝ խոզի բուդը այդքան էլ վատ չէ. բժիշկ-սննդաբանի խորհուրդները

Դիզայներ Թերեզա Ղարաբաղցյանը բացահայտում է այս աշնան ամենաթրենդային գույները (ֆոտո)

12:25, 3 սեպտեմբերի

Դիզայներ Թերեզա Ղարաբաղցյանի հետ արդեն զրուցել ենք այն թեմայով, թե ինչ չպետք չէ հագնել այս աշնանը, քանի որ դրանք հակաթրենդ են համարվելու: Այսօր արդեն աշուն է, եւ ինչպես խոստացել էինք՝ չէինք կարող աչքաթող անել սեզոնի կարեւորագույն թրենդները: Չնայած շատ դիզայներներ չեն սիրում թրենդային գույների մասին խոսել՝ նշելով, որ յուրաքանչյուրը պետք է հագնի այն, ինչը բարձրացնում է իր տրամադրությունն ու սազում է կառուցվածքին, Թերեզան NEWS.am STYLE-ին սիրով պատմեց աշնանային ամենանորաձեւ գույների մասին.

«Երբեմն, կարող է թվալ, թե, օրինակ գույների թրենդի մասին խոսելն այդքան էլ իմաստ չունի: Բայց դա կարող է միայն թվալ: Յուրաքանչյուր սեզոնին կա գույների տրամաբանություն, որով ուղղորդվում են արտադրողները:  Մենք, ավելի թարմ կհիշենք վերջին մի քանի սեզոնները, որոնց ընթացքում նորձևությունը չի բացառում որևէ գույն: Այո, չի բացառում, բայց նաեւ պարբերաբար շեշտադրում է այս կամ այն մեկը, մի քանիսը, որոնք էլ դառնում են fashion հասարակության տվյալ սեզոնի նախընտրությունների թոփում»,-ասում է դիզայները:

«Գոյություն ունի դեռ 1962-ին Նյու Յորքում հիմնադրված Pantone անվանումն ունեցող ինստիտուտ (Pantone Color Institute), որի գործունեության առաջնային ուղղությունն է թրենդային գույների կանխատեսումը: Այս ընկերությունը, որի գլխամասը հիմա նույնպես ԱՄՆ-ում է, New Jersey նահանգում,  յուրաքանչյուր տարի իր հետազոտությունների արդյունքում հայտարարում է տարվա առաջնորդող գույնը, գույները, որոնք թրենդային են համարվելու տվյալ սեզոնին (10 գույն) և գույներ, որոնք համարվում են բազային (4-5 գույն)»:

Դիզայների խոսքով՝ այս տարվա գույնը ուլտրամանուշակագույնն է,  որը վառ, արտահայտիչ եւ վճռական գույն է,  համադրելի է ինչպես նույն գույնի այլ երանգների, այնպես էլ շատ այլ գույների հետ: 

«Նրանց, ովքեր մինչ այս խուսափել են ուլտրամանուշակագույնից, առաջարկում եմ ընդամենը մեկ անգամ կրել  և վերջ, այն ձերը կդառնա»,-ասում է նա: 

Այսպիսով՝ Pantone-ը, առանձնացնոլով տարվա գլխավոր գույնը, ներկայացրել է նաև սեզոնների թրենդային 10 գույները, որոնց մասին Թերեզան առավել մանրամասն պատմեց.

«Ինչպես տեսնում եք առաջարկվող գույներից ոչ բոլորն են աշնանային գույների մասին մեր պատկերացումներին նման: Գույները շատ վառ են և ուրախ:

Շարքը սկսվում է բալագույնից, կամ, ինչպես Pantone-ն է ասում՝ «կարմիր տանձ»-ի գույնը:

Հաջորդը valiant poppy գույնն է, դաշտային կակաչի գույնը.

Սա, երևի թե, ամենտաք գույնն է առաջարկվողների մեջ: Եվ որքան ավելի մոտենանք ձմռանը, այնքան այս գույնը գալու է դեպի թոփ:

Անցնում ենք առաջ եւ մյուսը ուլտրակապույտն է, նորից հրաշալի գույն՝ աշնանը վառ կերպարներ ստանալու համար.

Հաջորդ տարբերակը՝ ցեյլոնի դեղինը, հրաշալի կնայվի հենց աշնան առաջին կեսի ընթացքում: Հատկապես խոսքս վերաբերում է հանգստից հետո արեւարյուքով մաշկ ունեցողներին: Այս գույնը մուգ մաշկի հետ շատ գեղեցիկ կոնտրաստ կստեղծի:

Նախորդ վառ գույներից հետո գալիս ենք ամենաաշնանային գույնին՝ զեյթունի կանաչին (martini olive): Ինձ թվում է՝ այս գույնը որևէ այլ սեզոնի տեղին չի լինի կրել:

Սա, իսկապես, այն գույնն է, որը օգնության կգա աշնան զգեստապահարանին, եթե, այնուամենայնիվ, չկարողանաք հրաժարվել աշնանային գույների մասին կարծրատիպերից:

Իսկ ամառվա մասին հիշողությունները մեզ չեն լքի: Նարնջագույնը, կակաչագույնի հետ միասին, ապահովելու են այս աշնան նորաձևության ջերմությունը:

Դե իսկ ուլտրամանուշակագույնի մասին արդեն խոսեցինք: Ներկայացնենք նորաձևության ցուցադրությունների ժամանակ կիրառված օրինակներ նույնպես.

Եթե, ամեն դեպքում ուլտրամանուշակագույնը ձեզ համար համարձակ է թվում, ապա կարող եք ընտրել կրոկուսի տերևի գույնը (crocus petal): Այն ավելի մեղմ է, հանգիստ, բայց միաժամանակ շատ հագեցած, նոր և տպավորիչ:

Իսկ լավատեսների համար առաջարկվում է լիմոնագույնը… Կհարցնեք՝ ինչու՝ որովհետև այլ տրամադրվածությամբ այս գույնը կրել չի ստացվի:

Pantone-ի կողմից առաջարկվող թրենդային գույների տասնյակը եզրափակում է կանաչի շատ հագեցած ու հարուստ մի երանգ, որը թռչունի անուն ունի Quetzal green.

Այն շատ էլեգանտ ու նաև խորհրդավոր կերպարների համար է:

Ինչպես նշել էինք,  բացի սեզոնի թրենդային գույներից, Pantone-ն առաջարկում է նաև սեզոնի բազային գույները:

Այս անգամ սովորաբար առաջարկվող 4 բազային գույնի փոխարեն 5-ն են:

Ինչպես տեսնում եք, բոլորը խամրած գույներ են, հետևաբար ավելի հեշտ կիրառելի են: Սրանք, այո, հենց բազային զգեստապահարնի այս սեզոնի գույներն են: Եթե, այնուամենայնիվ դուք թրենդներին հետևում եք միայն տեղյակ լինելու համար և առանձնապես ձեզ չի անհանգստացնում վերջիններիս հետևելը, դուք կարող եք գնալ ավելի երկարաժամկետ ներդրման և զգեստպահարանը համալրել այս բազային գույներով:

Եվ վերջում, պետք է հիշել, որ մեր տրամադրությունը կարող է էականորեն փոխվել՝ մեր կրած գույներից: Այնպես որ, ընտրեք ձեր իսկ ցանկալի տրամադրությունը»,-հավելեց դիզայները:

Մենք էլ մեր կողմից մաղթում ենք գունեղ եւ դրական աշուն մեր բոլոր ընթերցողներին: Անկախ եղանակից՝ կրեք վառ եւ նորաձեւ գույներ, եւ կնկատեք, թե ինչպես է աշունը կորցնում իր մռայլությունը :)

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության