Այսօր երեկոյան «Մանկական Եվրատեսիլ»-ի հայ երկրպագուները վերջապես կիմանան, թե ով է լինելու մեր երկրի պատվիրակը Եվրոպայի ամենահեղինակավոր երաժշտական մրցույթներից մեկում: Այս տարի առաջին անգամ մեր ներկայացուցչի ընտրությունն անցկացվեց «Դեպի Մանկական Եվրատեսիլ» նախագծի միջոցով: Իսկ, թե ինչ սկզբունքով է ընտրվելու մեր մասնակիցն ու ինչպես է անցնելու քվեարկությունը, NEWS.am STYLE-ին պատմել են նախագծի պրոդյուսերները՝ Դավիթ Ծերունյանն ու Անուշիկ Տեր-Ղուկասյանը:
Անդրադառնալով նախագծի գաղափարին եւ մեկնարկին՝ Դավիթը նշեց.
«Ամեն ինչ սկսվեց գարնանը, երբ «Դեպի Եվրատեսիլ» նախագծի գրանցած հաջողություններից հետո մեր թիմը որոշեց հեռուստատեսային այս ձեւաչափը կիրառել «Մանկական Եվրատեսիլ 2018»-ի մեր պատվիրակի ընտրման հարցում։ Իրականում, «Դեպի Եվրատեսիլը» աննախադեպ հեռուստատեսային հարթակ է՝ ինչպես կայացած, այնպես էլ նոր արտիստների համար։ Ի վերջո, մեզ դիտում են ոչ միայն Հայաստանում, այլեւ ամբողջ աշխարհում։ Կարծում եմ՝ նման ձեւաչափով ազգային ընտրություն անցկացնելն իսկապես ճիշտ որոշում էր։ Ինչ-որ չափով մենք նաեւ իրականացնում ենք մեր փոքրիկների երազանքը՝ հայտնվել մեծ բեմում եւ հանդիսատեսին ներկայացնել իրենց յուրօրինակ երգերը։ Մնացածը ժյուրիի եւ հեռուստադիտողների ձեռքերում է»:
Դավիթի խոսքով՝ նախագծից ամենամեծ ակնկալիքը նոր արտիստների բացահայտումն էր, ինչը հաջողված է գնահատում.
«Եթե հիշենք տարիներ առաջ տեղի ունեցող ազգային ընտրությունները, վստահ կարող ենք ասել, որ գրեթե ամեն տարի նույն երեխաներն էին մասնակցում։ Այս անգամ, մենք բացահայտեցինք 23 նոր, տաղանդավոր արտիստների, որոնցից շատերին հանրությունը երբեւէ չէր տեսել։ Սա է «Դեպի Մանկական Եվրատեսիլ» նախագծի գլխավոր առաքելությունը։ Ցավոք, եզրափակիչ փուլում կմրցի միայն 10 մասնակից, սակայն, հավատացեք, անգամ 10 մասնակցի դեպքում ընտրությունը շատ բարդ է լինելու։ Մեր փոքրիկներից յուրաքանչյուրը շատ պրոֆեսիոնալ է եւ լիովին պատրաստ է ներկայացնել Հայաստանը համաեվրոպական բեմում»։
Անուշիկն էլ հավելեց, որ այս տարվա մասնակիցները բավականին տարբվերվող են՝ օժտված մարդկային լավ ու կարեւոր հատկանիշներով.
«Բոլորն անչափ աշխատասեր են, չեն հուզվում ուղիղ եթերների ժամանակ, ինչը օրեր շարունակ անցկացվող փորձերի եւ երեխաների պատրաստվածության արդյունքն է։ Նաեւ շատ ընկերասեր են եւ արդեն դարձել են եվրատեսիլյան մեծ ընտանիքի անդամ։ Եվ որ ամենակարեւորն է՝ շատ պրոֆեսիոնալ են ամեն առումով։ Անգամ, երբ չեն անցնում հաջորդ փուլ, միեւնույն է սատարում են իրենց ընկերներին եւ վստահ եմ, որ եզրափակիչ անցած մասնակիցները նույն կերպ կսատարան արդեն այն արտիստին, ով կհաղթի ու կներկայացնի Հայաստանը «Մանկական Եվրատեսիլ 2018»-ում»։
Անուշիկն ավելացրեց՝ բոլոր մասնակիցներին էլ կարելի է ֆավորիտ համարել.
«Ընտրությունն, իսկապես, բարդ է լինելու, սակայն պետք է հիշել, որ «Եվրատեսիլ»-ում կարեւորվում է ամեն ինչ՝ թե´ երգը, թե´ բեմադրությունը, թե´ վոկալային տվյալները եւ թե´ արտիստի բեմական կերպարը։ Իսկ ամենակարեւորը՝ պետք է միշտ տարբերվել։ Սա է եվրատեսիլյան հաջողության բանաձեւը: Հեռուստադիտողներին խորհուրդ կտամ քվեարկել այն մասնակցի օգտին, ով իրենց կարծիքով այս բոլոր հատկանիշներն իր մեջ միավորող արտիստն է»:
Պրոդյուսերները նաեւ բացահայտեցին առաջիկա շոուի անակնկալներից մի քանիսը.
««Դեպի Մանկական Եվրատեսիլ» -ի եզրափակիչը իսկական տոն է լինելու թե´ մանուկների, թե´ մեծահասակների համար։ Բացի մրցութային կատարումներից, ելույթ կունենան նաեւ հատուկ հյուրեր ինչպես «Եվրատեսիլ»-ից, այնպես էլ «Դեպի Եվրատեսիլ» նախագծից։ Վստահեցնում եմ՝ հեռուստադիտողներին իսկական շոու է սպասվում եւ որ ամենակարեւորն է ՝ բոլորս միասին ընտրելու ենք «Մանկական Եվրատեսիլ 2018»-ի մեր պատվիրակին»,-ասաց Դավիթը՝ տեղեկացնելով, որ այս տարվա ազգային ընտրության քվեարկության կարգը փոփոխվել է.
«Որպես կանոն, «Եվրատեսիլ»-ում քվեարկությունն իրականացվում է հեռուստադիտող - ժյուրի ՝ 50/50 հարաբերակցությամբ։ Սակայն այս անգամ մենք որոշեցինգ օգտագործել «Մանական Եվրատեսիլ»-ում սահմանված ձեւաչափը, այն է ՝ պրոֆեսիոնալ ժյուրի, որը կազմված է ոլորտի հայ եւ միջազգային մասնագետներից, երեխաների ժյուրի, որում ընդգրկված են «Մանկական Եվրատեսիլ»-ի տարբեր երկրների ներկայացուցիչներ եւ հեռուստադիտողների SMS քվեարկություն։ Շատ հետաքրքիր կլինի հետեւել, թե ինչպես են քվեարկելու մասնագետներն ու հեռուստադիտողները։ Ի դեպ, քվեարկության արդյունքները կհրապարակվեն եզրափակչին հաջորդող երկուշաբթի ՝ www.eurovision.am կայքում»։
Այս երեկո «Մանկական Եվրատեսիլ 2018»-ում Հայաստանը ներկայացնելու համար կպայքարեն երկու կիսաեզրափակիչները հաղթահարած 10 մասնակիցները՝ Անին, Անահիտ Առաքելյանը, Հարութ Հարությունյանը, Լիլին, Վովան, Սերժ Առաքելյանը, Վարդան Մարգարյանը, Էլիզան, L.E.V.O.N-ը եւ Լիան: Շոուն կմեկնարկի 19:20-ին՝ Առաջին ալիքի ուղիղ եթերում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ