• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Ինչի ասես, որ չեն գնա մարդիկ հանուն ոգեշնչման: NEWS.am STYLE-ը շարունակում է ձեր ուշադրությունը հրավիրել արժանի սերիալների վրա: Այս անգամ մեր ընտրությունը կանգ առավ «Քասլ» կատակերգություն-դետեկտիվի վրա:

Սերիալի ցուցադրությունը սկսվել է 2009 թվականի մարտի 9-ին ABC ալիքով, ավարտվել՝ 2016 թվականի մայիսի 12-ին: Սերիալը բաղկացած է 8 եթերաշրջանից:

Գլխավոր հերոսը Ռիչարդ Քասլն է, ով բավականին հաջողակ գրող է դետեկտիվ ժանրում: Սակայն նրա մոտ սկսվում է ստեղծագործական ճգնաժամ: Նրան այցելում են ոստիկաններ ու հայտնում, որ քաղաքում մարդասպան կա, ով կրկնօրինակում է Քասլի գրքերի սպանության սցենարները: Հարցաքննության ընթացքում Քասլը ծանոթանում է Նյու Յորքի ոստիկանական բաժանմունքի դետեկտիվ Քեյթ Բեքեթի հետ, ով էլ դառնում է նրա ոգեշնչման աղբյուրը:

Սյուժետային հանգուցալուծումն իհարկե գլուխգործոց չէ, ինչպես հաճախ պատահում է դետեկտիվների դեպքում, սակայն սերիալը միանգամից գրավում է հերոսների ու պատմության յուրահատուկ մատուցմամբ:



Նատանը միայնակ կարող էր տանել դերասանական ողջ կազմի լուծը, սակայն հաճելի է, որ մյուս կերպարները եւս ողջ են ու ավելին են, քան պարզապես մնացած դերասանների համար ֆոնը: Քասլը հասուն տղամարդ է, ում մեջ դեռահաս է ապրում: Նրա անհուն երեւակայությունն ու պահի տակ հղացող խելահեղ գաղափարները չեն կարող հետաքրքրություն չառաջացնել դիտողի մոտ: Շատերս ունենք մի ընկեր, որ ողջ շրջապատի ոգին է, այդպիսին է նաեւ Քասլը:

Քասլը նաեւ ստացված հայրիկ ու լավ որդի է: Քեյթը նույնպես գլխավոր հերոսներից է ու, կարելի է ասել, ողջ սերիալի կապող կամարն է՝ սկզբից մինչեւ վերջ: Սակայն ստեղծագործական կազմին հաջողվել է առաջին պլան չմղել այդ կամարը ու եթե անգամ այն հեռացնենք, սերիալում շատ բան չի փոխվի:

Քասլի խելահեղ մտքերում Քեյթը խելամտության նշույլներ է գտնում, ինչն էլ օգնում է հետաքննություններում: Հենց դրա վրա է հիմնված սերիալի դետեկտիվ կողմը: Այս համադրությունը հոյակապ միջոց է դետեկտիվն ու կոմեդիան մի հարթության վրա դնելու համար:

Երկրորդային հերոսներից կցանկանայինք առանձնացնել Քասլի մորը՝ Մարթա Ռոջերսին, որը ցույց է տալիս, որ անգամ հասակն առած մարդը կարող է կյանքով լի լինել:

Հնարավոր չէ անտարբեր անցնել Խավիեր Էսպոզիտոյի ու Քեվին Ռայանի դետեկտիվ զույգի կողքով: Նրանց դուետը իրական ընկերության, փոխհամաձայնության, կես բառից իրար հասկանալու ու միմյանց թիկունքը պահելու իսկական մարմնացում է:



Միաժամանակ նրանցից յուրաքանչյուրն առանձին անհատականություն է, իսկ սցենարիստները շատ լավ են նրանց որոշակի դրամատիզմ հաղորդել:

Եվ այսպես, հարգելի ընթերցողներ, նրանք, ովքեր հետեւում են մեր շարքին, գիտեն, որ մենք չենք բացահայտում սերիալների դետալները, սյուժետային հանգույցները եւ այլն: Մենք պատմում ենք ստացած տպավորությունների, դիտելու շարժառիթների ու սերիալների ինքնատիպության մասին: Եթե ուզում եք հետեւել հումորով, ոչ ձանձրալի, որակյալ սերիալի գործողություններին, ապա «Քասլը» հենց ձեզ համար է:

Մաղթում ենք հաճելի դիտում:

                                                                               Պատրաստեց Նորայր Նազարյանը

Հետևեք NEWS.am STYLE-ին Facebook-ում, Twitter-ում և Instagram-ում