Բալետը նրա տարերքն է, կենսակերպը...Այն պահանջում է արտաքին տեսք, երաժշտական օժտվածություն, ռիթմի զգացողություն, տեխնիկա, աշխատասիրություն եւ համառություն:
Այս հատկանիշներն ու մեծ սերը բալետի հանդեպ օգնեցին Ա. Սպենդիարյանի անվան օպերայի եւ բալետի ազգային ակադեմիական թատրոնի առաջատար մենապարող Րաֆֆի Գալստյանին հաղթահարել դժվարություններն ու այսօր արդեն հանդես գալ սիրելի թատրոնի բեմում:
Րաֆֆի Գալստյանն ավարտել է Երեւանի պարարվեստի պետական քոլեջի դասական պարերի բաժինը, ՀՀ ժող. արտիստ Հովհ. Դիվանյանի դասարանը՝ բալետի դերասան որակավորմամբ: Սովորելու տարիներին նա ակտիվորեն մասնակցել է ՀՀ Մշակույթի նախարարության կողմից կազմակերպված մի շարք բալետային մրցույթների ՝ մշտապես զբաղեցնելով առաջին հորիզոնականը: Այդ են վկայում բազմաթիվ պատվոգրերը, մեդալներն ու հուշանվերները:
Նա հնարավորություն է ունեցել նաեւ Հայաստանը ներկայացնել Մոսկվայում ՝ 2017թ. մասնակցելով հեղինակավոր GLOBAL ART միջազգային մրցույթին՝ գրավելով առաջին տեղը, իսկ 2018-ին երրորդն է ճանաչվել Տալլինում կայացած բալետային միջազգային մրցույթում:
Դեռեւս քոլեջի ավարտական կուրսում սովորելու ընթացքում Ա.Սպենդիարյանի անվան օպերայի և բալետի ազգային ակադեմիական թատրոնի բալետային խմբի ղեկավար Արմեն Գրիգորյանի հրավերով Րաֆֆին Ա. Խաչատրյանի «Դիմակահանդես» բալետում մարմնավորել է Զվեզդիչի կերպարը, իսկ քոլեջն ավարտելուց անմիջապես հետո աշխատանքի է անցել թատրոնում:
Կարճ ժամանակում նրան են վստահվել նաեւ Ա.Խաչատրյանի «Գայանե» բալետում Արմենի, Ա Խաչատրյանի «Մարդուկ-ջարդուկ» բալետում Արքայազնի, Շոպենի «Շոպենիանա» բալետում Պատանու դերակատարումները: Այժմ էլ մեծ պատասխանատվությամբ 18-ամյա պատանին պատրաստվում է Ա. Խաչատրյանի «Սպարտակ » բալետին, որտեղ մարմնավորելու է Սպարտակին եւ Կ.Խաչատուրյանի «Չիպոլինո» բալետին, որտեղ բալետային խմբի հետ միասին աշխատում է հրավիրված բալետմայստեր Հենրիխ Մայորովի հետ:
Անգնահատելի է ՀՀ ժող. արտիստ Վ. Խանամիրյանի ներդրումը Րաֆֆի կյանքում: Հենց նա է ուղղորդել պատանուն դեպի պարարվեստի պետական քոլեջ, դեպի բալետի մեծ աշխարհ:
Րաֆֆի Գալստյանին արդեն նկատել եւ աշխատանքային հրավերներ են կատարել աշխարհահռչակ բալետմայստեր Բորիս Էյֆմանը,Էստոնիայի բալետային թատրոնի ղեկավար Տոոմաս Էդուռը, Նյու Յորքում անցկացվելիք բալետի ամենահեղինակավոր մրցույթներից մեկի ՝YAGP-ի ներկայացուցիչները:
Ամեն օր կատարելով ֆիզիկական հսկայական աշխատանք, մարմնավորելով գլխավոր դերեր եւ արժանանալով հանդիսատեսի բուռն ծափերին ու համակրանքին՝ Րաֆֆին ունի մեկ նպատակ, այն է՝ նպաստել Ա. Սպենդիարյանի անվան ազգային օպերայի եւ բալետի թատրոնի գործունեությանը այնպես, որ իր եւ թատրոնի բալետային խմբի կատարումները երկար մնան հանդիսատեսի հիշողութնուններում, ինչպես Հայաստանում, այնպես էլ նրա սահմաններից դուրս:
Հունվարին երիտասարդ պարողը կզորակոչվի բանակ: Րաֆֆին հույս ունի, որ ծառայության ընթացքում էլ պետական աջակցությամբ կշարունակի հարկ եղած դեպքում մասնակցել հյուրախաղերին եւ ետ չի մնա իր կարիերայում սպասվող հաջողություններից:
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով