Երբ բեմում խենթություն է. աշխարհահռչակ ջազ երգչուհի Չայնա Մոսեսի ելույթը՝ Yerevan Jazz Fest-ի շրջանակում

Իվետա Մուկուչյանի «Հայաստանի աղջիկներ» տեսահոլովակի փակ շնորհանդեսն ու հայտնի հյուրերը

Սերգեյն ու Նարեկը ամփոփեցին տարվա ամենաքննարկված թեմաները «Մեծ, չաղ, հայկական STAND UP» շոուով

VARDA`s club girl dancing

POPcorn blog. 10 սերիալ, որ կարող եք նայել «Գահերի խաղ»-ին սպասելիս

Քայլի Ջենների միլիոնավոր դոլարները, Ջիգանի նոր երգը եւ շատ այլ բաներ Comedy club-ի նոր եթերում

Նարեկ Գեւորգյանն իր կատարմամբ գերեց ռուսական «Գոլոսի» ժյուրիի անդամներին

PROFFY. Հայկական գորգի առեղծվածը

Shine&Food: Խոհանոցային լայֆհաքեր․ ինչպե՞ս առանձնացնել սպիտակուցը դեղնուցից

Ի՞նչ գումար են պատրաստ տրամադրել հայերը մեկ օրվա շոփինգին. NEWS.am STYLE-ի հարցումը

VARDA

Սոնա Դունոյանը հրաշալի կատարեց հայկական երգը ռուսական «Գոլոսում»

Թաիլանդացի տրանսվեստիտներ, հայ մայր եւ հարսանիք Կիպրոսում․Գարիկ Մարտիրոսյանն ու Ժաննա Լեւինան՝ «Երեկոյան Ուրգանտ» շուոի հյուր

Կրծքով նկարող նկարչուհին, Տիգրան Քեոսայանը եւ Անդրեյ Բեբուրիշվիլիի սեքսուալ արկածները նոր Comedy club-ում

Father and Son Arutiunov blast the stage at Russian Voice

POPcorn blog. Խաղում ենք Stand Up-ի Մաշայի հետ

Comedy смотрит Comedy. Эпизод 2.

Victoria's Secret 2018 Fashion Show Walks

«Կցանկանայի, որ ավելի կարեւորվեր այս մրցույթը». Արենա Զեյնալյանը պատրաստվում է «Միսս աշխարհ 2018»-ին

15:05, 2 նոյեմբերի

Դեկտեմբերի 8-ին Չինաստանի Սանյա քաղաքում 68-րդ անգամ կանցկացվի «Միսս աշխարհ» գեղեցկության մրցույթը: Իսկ մասնակիցներն արդեն մրցութային տրամադրության մեջ են: Նոյեմբերի 10-ին աղջիկները կհանդիպեն Սանյայում՝ ծանոթանալու եւ մրցութային նախընտրական փուլերն անցնելու նպատակով:

Հայաստանն այս տարի մրցույթին ներկայացնելու է «Միսս Հայուհի 2018» տիտղոսակիր Արենա Զեյնալյանը: 24-ամյա գեղեցկուհին մրցույթին սպասում է անհամբերությամբ: NEWS.am STYLE-ի հետ զրույցում նա պատմել է իր էմոցիաների, ոգեւորության եւ մտահոգությունների մասին:

Արենա, համոզված եմ՝ այս շրջանում ակտիվորեն պատրաստվում ես «Միսս աշխարհ» մրցույթին

Այո, նոյեմբերի 10-ին արդեն մեկնում եմ Չինաստան՝ Սանյա: Այս ընթացքում ակտիվորեն մարզվում եմ՝ շաբաթական 3-4 օր, պատրաստվում եմ հարցազրույցների, Տավուշի մարզում եմ եղել՝ բարեգործության նպատակով, բարձրաձայնել եմ Մովսես գյուղում մաքուր ջրի հետ կապված խնդիրը, խոսել այն մասին, որ այնտեղի ժողովուրդը խմելու համար մաքուր ջուր չունի: Երկու օր անցկացրել եմ գյուղում, շփվել ժողովրդի հետ: Շատ-շատ սիրում եմ Տավուշի մարզը, հաստատ էլի կայցելեմ: Հոյակապ ժամանակ եմ անցկացրել այնտեղ, գյուղապետի հետ եմ ծանոթացել: Հայաստանում ունեցածս ամենալավ հուշերից կմնան այդ օրերը:

Նախապատրաստական ի՞նչ փուլում ես:

Մի քիչ խիտ գրաֆիկ ունեմ հիմա: Պատրատել ենք մրցույթին նվիրված տեսանյութ, ինչպես նշեցի՝ այցելել ենք գյուղ: Հիմա ավելի շատ ինձանով եմ զբաղվում: Շատ լավ է ամեն ինչ: Սպասում եմ մայրիկիս Հայաստան գալուն: Շատ ոգեւորված եմ: Փորձում եմ գնել այն բոլոր իրերը, որոնք անհրաժեշտ են մրցույթի համար:

Ի՞նչ փուլերով ես անցնելու մինչեւ բուն մրցույթը:

Մի քանի փուլերի պետք է մասնակցեմ՝ ցույց տալով տաղանդս, բարեգործական ակտիվությունս, մոդելինգի հետ կապված փուլեր էլ կան: Այդ ամենը հաղթահարելուց հետո նոր երկիրը ներկայացնող աղջիկը կարող է անցնել 40 մասնակիցների մեջ:

Ի՞նչ կերպարով ես ներկայանալու մրցութային օրերին:

Զգեստս կարելու է Գեւորգ Շադոյանը: Կտորն ընտրել ենք մայրիկիս հետ: Վստահ եմ՝ արդյունքը շատ գեղեցիկ է ստացվելու, անհամբերությամբ սպասում եմ:)

Մրցույթի մյուս մասնակիցներին հետեւո՞ւմ ես: Կա՞ն լուրջ մրցակիցներ:

Այո, տեսել եմ մյուս երկրների ներկայացուցիչներին: Բոլոր աղջիկներն էլ գեղեցիկ են, բնական է՝ իրենց երկրի ամենագեղեցիկ աղջկա տիտղոսն են կրում: Ինչ վերաբերում է ուժեղ մրցակցությանը՝ ինձ համար կարեւորը ներքինն է, մինչեւ մոտիկից չծանոթանամ նրանց հետ, չեմ կարող ասել՝ ով է ուժեղ մրցակից, որովհետեւ կարեւորը միայն դեմքը չէ: Ինձ համար շատ կարեւոր է, որ մարդը կարողանա նաեւ գրավել շրջապատին:

Արենա, ո՞վ է քեզ այս շրջանում ամենից շատ աջակցում:

Իհարկե, ինչպես բոլոր մայրերը՝ իմ մայրիկն էլ այս շրջանում ինձ շատ է աջակցում, իր ամբողջ ժամանակն ինձ է նվիրում: Ուզում եմ անվերջ մայրիկիս շնորհակալություն հայտնել, որովհետեւ նրա համար էլ դժվար շրջան է եղել հայրիկիս կորստից հետո, բայց նա երբեք ինձ մենակ չի թողել: Ցանկացած գործ ինքն է ինձ համար անում: Բնականաբար, Գոհարն է ինձ նաեւ շատ օգնում ցանկացած հարցով: Ընկերներս են օգնում, ի դեպ տարբեր երկրներում ընկերներ ունեմ, նաեւ շնորհակալ եմ Իրանում ապրող հայերին, որոնք եւս ինձ շատ են ոգեւորում: Հայաստանում, Սփյուռքում ինձ շատ են աջակցում, շատ նամակներ եմ ստանում ու ուզում եմ շնորհակալություն հայտնել, որ ինձ ոգեւորում են, որ լավագույնս ներկայացնեմ Հայաստանը: Եթե անգամ չեմ հասցնում պատասխանել, ներողություն եմ խնդրում, բայց համոզված եղեք՝ բոլոր նամակներն էլ ընթերցում եմ:

Ինչպե՞ս ես տրամադրված մրցույթին:

Շատ դրական եմ տրամադրված: Անհամբեր սպասում եմ, թե երբ պետք է մեկնեմ Չինաստան եւ վայելեմ այդ օրերը: Չեմ ցանկանում սա դիտարկել զուտ որպես մրցույթ: Ես այս պահին շատ ուրախ եմ եւ ոգեւորված՝ առավել եւս, որ նախկինում դեռ այնտեղ չեմ եղել: Ուզում եմ ծանոթանալ աղջիկների հետ: Չեմ կարող նկարագրել, թե ինչ էմոցիաներ ունեմ:

Շատ կցանկանայի, որ հայկական հեռուստատեսությամբ էլ հեռարձակվեր մրցույթը, քանի որ արդեն երկրորդ տարին է, ինչ Հայաստանը մասնակցում է «Միսս աշխարհ»-ին: Ուրախ կլինեմ, որ մարդիկ հետեւեն ընթացքին: Առհասարակ սոցիալական ցանցերի իմ էջերում էլ կաշխատեմ լինել ակտիվ եւ լուսաբանել ինձ հետ կապված իրադարձությունները:

Մրցութային օրերին ինչպե՞ս կարող են քեզ աջակցել Հայաստանում:

Կարող եք ներբեռնել MobStar հավելվածը, որի միջոցով հնարավոր կլինի իմ օգտին քվեարկել: Իսկապես, դա եւս ինձ համար մեծ աջակցություն կլինի: Եթե շատ ձայներ ստանամ, դա եւս կապահովի իմ մուտքը լավագույն 40 մասնակիցների մեջ: Հաղթելով այդ քվեարկության մեջ՝ ես կարող եմ ճանաչվել «Միսս Մուլտիմեդիա» եւ ըստ այդմ՝ կանցնեմ 40-ի մեջ: Նաեւ կարող եք հետեւել Miss World Armenia ֆեյսբուքյան էջին, քանի որ այնտեղի լայքերը եւս հաշվի կառնվեն: Ի դեպ, շատ կցանկանայի նաեւ իմանալ իմ հայրենակիցների կարծիքը, թե ինչպես կցանկանային, որ Հայաստանը ներկայանար մրցույթին, ինչ խորհուրդներ կամ մտքեր ունեն: Ես կկարդամ, կհետեւեմ եւ համոզված եմ՝ արդյունքն ավելի դրական կլինի:

Իսկ որո՞նք են քո առջեւ ծագած հիմնական դժվարություններըԵթե կան այդպիսիք:

Դժվարությունն այն է, որ ամբողջ մրցույթին ինքնուրույն ենք պատրաստվում: Չէի ցանկանա բարձրաձայնել այս թեման, կամ որ սա հնչի որպես բողոք, բայց նկատել եմ, որ Հայաստանում այնքան էլ լուրջ չեն վերաբերվում այս մրցույթին մեր մասնակցությանը, որքան, որ այն արժանի է: Նյութական, հոգեբանական աջակցությունը մեծ չէ, այսինքն՝ պատշաճ կերպով չի արվում գովազդ կամ անդրադարձ այս թեմային, կցանկանայի, որ ավելի կարեւորվեր այս ամենը: Չէ՞ որ, այնտեղ միայն իմ անունը չի հնչելու, Հայաստանի անունն է հնչելու միջազգային հարթակում՝ բավականին հեղինակավոր մրցույթի շրջանակում…

Սյունե Առաքելյան

Լուսանկարները՝ Արենա Զեյնալյանի Facebook-ի էջից


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության