Happy Birthday-ի հնչյունների ներքո շնորհավորանքներով ու բարձր ծափողջույններով հայ լրագրողներն այսօր դիմավորեցին կուբացի հայտնի ջազ երաժիշտ եւ շեփորահար, «Գրեմմիի» 10-ակի դափնեկիր Արթուրո Սանդովալին, որն իր ծննդյան 69-ամյակն այսօր նշեց Հայաստանում: Երաժիշտն, իհարկե, շոյվեց եւ ընդունեց բոլոր շնորհավորանքները, բայց մի նկատառում արեց. «Դեռ պետք է մոտ մեկ ժամ էլ համբերենք, ես մի փոքր ուշ եմ ծնվել»:
Արթուրո Սանդովալը վաղը՝ նոյեմբերի 7-ին, կբացի Yerevan Jazz Fest 2018 փառատոնը, որն այս տարի ընդլայնել է իր սահմանները: Առաջն անգամ փառատոնի շրջանակում համերգներ կկազմակերպվեն նաեւ Գյումրիում եւ Շուշիում: Ճիշտ է՝ Սանդովալն այդ համերգներին արդեն ներկա չի լինի, բայց կազմակերպիչները վստահեցնում են՝ տաղանդավոր երաժիշտների պակաս չի զգացվի:
«Ամեն տարի շփվում եւ բանակցում էինք Արթուրո Սանդովալի հետ՝ Հայաստան հրավիելու նպատակով, սակայն լինում էին որոշակի բարդություններ, վերջապես այս տարի կարողացանք նրան հրավիրել մեր փառատոնին»,-նշեց Ջազի հայկական ասոցիացիայի նախագահ Կամո Մովսեսյանը, որին ի պատասխան Սանդովալը նշեց, որ զարմացած է նման նկատառումից, քանի որ ինքը միշտ պատրաստակամ է եղել ժամանել Հայաստան:
«Շատ ուրախ եմ, որ այստեղ եմ: Այն, ինչ տեսել եմ այս քաղաքում, արդեն շատ եմ հավանել: Բայց ուզում եմ հասկանալ՝ ինչո՞ւ այսքան երկար տեւեց ինձ այստեղ հրավիրելը: Վաղուց էի ցանկանում Հայաստան գալ»,-կատակեց երաժիշտը, այնուհետեւ կիսվեց Հայաստանի մասին իր գիտելիքներով եւ ստացած տպավորություններով:
«Գիտեմ, որ Հայաստանը փոքր երկիր է, սակայն այստեղ ապրում են մեծ մարդիկ, որոնք մեծ սրտի տեր են: Շատ տարիներ առաջ հայերի համար ելույթ եմ ունեցել նաեւ Լոս Անջելեսում՝ այնտեղի հայկական համայնքի հրավերով: Դե, Հայաստանի մասին նաեւ կարող եմ ասել այն, որ նկատել եմ՝ հայ կանայք շատ գեղեցիկ են: Արդեն ուզում եմ այստեղ երկար մնալ»:
Անդրադառնալով վաղը սպասվելիք համերգային ծրագրին՝ երաժիշտը նշեց.
«Վաղվա համերգի ամբողջ ընթացքը հանդիսատեսի ձեռքերում է: Ամեն ինչ կախված է նրանց արձագանքից, եթե նրանց ամեն ինչ դուր գա, արդեն ինձ լավ կզգամ: Կներկայացնեմ իմ գործերից շատերը, որոնք տարիներ շարունակ ներկայացրել եմ, կհնչեն հատկապես այն ստեղծագործությունները, որոնք կատարում եմ բենդերի հետ»:
Սանդովալը Հայաստանում նաեւ հանդես կգա վարպետության դասերով: Կամո Մովսեսյանի խոսքով՝ նման առաջարկ արել է անձամբ մեծն երաժիշտը:
«Որտեղ էլ, որ լինում եմ, անպայման ունենում եմ վարպետության դասեր: Նույնիսկ, զարմացել էի, որ մինչ իմ առաջարկը, չի նախատեսվել նման բան: Սիրում եմ կիսվել իմ փորձով: Ինձ համար երկրի սահմանները կարեւոր չեն: Երաժշտությունը ցանկացած մարդու համար է, այն օդ է, որը պետք է շնչել»:
Ի դեպ, ասուլիսի ժամանակ ներկայացվեց նաեւ ջազի գիտակ Արմեն Մանուկյանի The History of European Jazz գիրքը, որում առանձին ենթավերնագիր նվիրված է նաեւ հայկական ջազի պատմությանը:
Ինչ վերաբերում է Yerevan Jazz Fest 2018-ին, այն կտեւի նոյեմբերի 7-20-ը:
Այս տարի լրանում է Հայաստանի պետական ջազ նվագախմբի հիմնադրման 80-ամյակը: Այդ առիթով փառատոնն այս տարի նվիրված է նվագախմբի հիմնադիր, դիրիժոր Արտեմի Այվազյանին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ