Զարդատուփ: Զարդերը կարո՞ղ են բնութագրել կրողին

POPcorn blog. Ամենաթանկարժեք հագուստն աշխարհում

Ackerman’s Talks. սեփական թարթիչնե՞ր, լամինացիա, թե լիցք

Կին պատգամավորների լուքերը ԱԺ առաջին նիստին

Հայտնի է «Գահերի խաղ»-ի ցուցադրության օրը

Պահարան. Տաք, հարմար ու ոճային. ինչ հագնել ձմռանը

Զարդատուփ. մինիմալիզմի համեստ հմայքը զարդերում

Էլեն ԴեՋեներեսը հյուրընկալել է Անի Գաբրիելյանին

POPcorn blog. Փաստեր, որ չգիտեք Կոկո Շանելի մասին

Ackerman Talks. հոնքերի մասին

Պահարան. այս ձմռան ամենանորաձեւ վերարկուներն ու ժակետները

POPcorn blog. Ամանորյա ֆիլմեր, որոնք այնքան էլ հայտնի չեն, բայց հայտնիներից պակաս լավը չեն

Շահեն Օգանեսյանը կատարում է «Чистые пруды» երգը «Ձայնը» նախագծի եզրափակչում

Shine & Food: Միասին զարդարում ենք ամանորյա սեղանը յուրահատուկ ձեւով

Պահարան. ամանորը casual ոճում

Զարդատուփ: Նվերներ զարդարելու արվեստը

Շահեն Օգանեսյանը ռուսական «Ձայնը» նախագծի եզրափակչում է

POPcorn blog. Ամենատարօրինակ ամանորյա ավանդույթներն աշխարհում

4 ընկերների՝ արկածներով լի «Անմոռանալի օրը». Հենրի Քոչարյանի նոր կատակերգության պրեմիերան (ֆոտո)

10:31, 9 նոյեմբերի

Ի՞նչ կարող է պատահել, երբ 4 մտերիմ ընկերներ որոշեն տեսախցիկը ձեռքին ճանապարհ ընկնել… Այո, նրանք հաստատ չեն խուսափի անմոռանալի արկածներից: Հենց այդպիսի արկածասեր ընկերների մասին է պատմում ռեժիսոր Հենրի Քոչարյանի «Անմոռանալի օր» կատակերգությունը, որի գլխավոր հերոսները պարզապես ցանկանում էին հետաքրքիր նկարահանումներ անցկացնել ընկերներից մեկի գյուղում, սակայն այդ ճանապարհի հենց սկզբից նրանց դիմավորում են անմոռանալի փորձությունները: Արդյունքում գլխավոր հերոսներից մեկը սիրահարվում է, ինչը միայն էլ ավելի է բարդացնում այդ 4-ի իրադրությունը:

Սցենարային մանրամասները չենք բացահայտի, միայն նշեցնք, որ ֆիլմը հագեցած է զավեշտալի կերպարներով, ծիծաղելի դրվագներով եւ արտահայտություններով: Սցենարի շուրջ աշխատել են Հենրի Քոչարյանն ու Արմեն Վարդանյանը:

«Ֆիլմի գաղափարը վաղուց էր ծնվել, բայց այս ամռանը որոշեցի զբաղվել դրանով: Արմեն Վարդանյանին էլ հրավիրեցի եւ միասին սկսեցինք աշխատել սցենարի շուրջ, հետո արդեն եղան նախապատրաստական աշխատանքները: Ուզում եմ նշել, որ ի սկզբանե դերասնական կազմի հայտնիությանը որեւէ նշանակություն չեմ տվել: Այսինքն՝ ես որեւէ մեկին չեմ ընտրել ճանաչման համար, միայն նրա համար, որ լավ դերասաններ են»,-նշեց Հենրի Քոչարյանը՝ հավելելով, որ դերասնների ընտրությունը կատարվել է Ալավերդիում եւ Վանաձորում, որտեղ ըստ ռեժիսորի՝ «կան շատ տաղանդավոր դերասաններ, որոնց, միգուցե, ճիշտ հնարավորություն չէր տվել»:

Ֆիլմի սցենարը որեւէ իրական պատմության հետ կապ չունի.

«Օրիգինալ սցենար է, գաղափարն իմն է, որը փորձել ենք իրականություն դարձնել: Թե որքանով է ստացվել, արդեն հանդիսատեսը կասի: Ֆիլմն ամենուր կփորձենք ցույց տալ, ինձ թվում է՝ մարզերում այն, նույնիսկ, ավելի լավ կընդունվի: Մենք մարզերում շատ տաղանդավոր դերասաններ ունենք, որոնք նախկինում չէին բացահայտվել: Պետք է փորձենք մարդկանց հնարավորություն տալ, ես դա փորձեցի անել իմ հնարավորությունների չափով»:

Ֆիլմի ընթացքում դահլիճում բարձր տրամադրություն էր տիրում, որոշ արտահայտություններ եւ տեսարաններ հանդիսատեսի մոտ ծիծաղ էին առաջացնում, իսկ ավարտին հրավիրվածներն իրենց հավանությունն արտահայտեցին ծափողջյուններով, սակայն Հենրին նշում է՝ ֆիմի մասին իրական տպավորությունը դեռ կբացահայտի տոմսեր գնած ֆիլմասերների արձագանքից.

«Հրավիրված հանդիսատեսը մի փոքր այլ աչքերով է նայում ֆիմը, իրական կարծիքը կասի այն հանդիսատեսը, որը գումար է վճարել, տոմս գնել եւ եկել է ֆիլմը նայելու: Այսօր, կարծում եմ, մեծամասամբ սրտանց էին լավ կարծիքներ հայտնում»,-հավելեց նա:

Ֆիլմում գլխավոր սրտակերին մարմնավորող Գոշ Հակոբյանի համար սա գեղարվեստական ֆիլմում նկարահանվելու առաջին փորձն էր.

«Սա ինձ համար եւ փորձի, եւ ինֆորմացիոն փոխանակում էր: Շատ բաներ եմ ինձ համար բացահայտել կինոյի մասին, որոնք նախկինում չգիտեի: Եթե կան մարդիկ, որոնք ինձ ճանաչում են սիթքոմային կերպարներով, հուսով եմ՝ այս ֆիլմում կտեսնեն ինձ կերպարային փոփոխությամբ: Չեմ ստի, կասեմ, որ եղել են որոշակի դժվարություններ: Մոտ մեկ շաբաթվա ընթացքում ես եւ Հենրին փորձում էինք կերպարային ճիշտ գիծ ստանալ, ընդհուպ մինչեւ այն պահը, որ Հենրին մտածում էր, միգուցե, ես չլինեմ այդ կերպարը, բայց ինչպես տեսնում եք՝ փաստորեն ստացվեց: Նկարահանումները տեւել են մոտ մեկ ամիս, սակայն ես այդ ընթացքում հասցրել եմ մոտ 6 անգամ հիվանդանալ, միգուցե, դա եւս փորձություն էր: Նաեւ այն, որ մեքենայիս մեջ անընդհատ մի բան խափանվում էր, մնում էինք ճանապարհներին, բայց ամեն ինչ հաղթահարվեց: Ինչ վերաբերում է խաղընկերուհուս՝ նա իրականում ինձանից 7 տարով փոքր է: Նրա հետ շատ հեշտ խաղացինք, որեւէ դժվարություն չեղավ մեր սիրային տեսարանը կերտելիս: Երեւի ամենահեշտը հենց այդ տեսարաններն էին տրվում»:

Եթե Գոշը ֆիլմասերների շրջանում հայտնի է իր ռիթմիկ երգերով եւ «Ոսկե դպրոց» սիթքոմում իր կերպարով, ապա գլխավոր հերոսուհուն մարմնավորող Էլեն Գեւորգյանի համար սա նկարահանման առաջին փորձն էր.

«Մասնակցել եմ Վանաձորում տեղի ունեցած քասթինգին, որն անցնելուց հետո նկարահանվել եմ ֆիլմում: Սա իմ առաջին դերն էր, սակայն դերասանական կրթություն ունեմ. սովորել եմ Վանաձորի Հովհաննես Աբելյանի անվան պետական դրամատիկական թատրոնի ստուդիայում: Բնական է՝ շատ ուրախացա, երբ այս առաջարկը ստացա: Քասթինգն ընթացավ երկու փուլով՝ առաջին փուլին շատ աղջիկներ էին մասնակցում, երկրորդին՝ 4 հոգով էինք եւ ինձ ընտրեցին, ինչի համար շատ ուրախ եմ: Հիմա էլ եմ շատ ոգեւորված, ֆիլմը շատ դուրս եկավ, ուրախ եմ, որ նկարահանվել եմ այս ֆիլմում: Միակ դժվարությունը նրանում էր, որ մտածում էի՝ ես ավելի շատ թատերային եմ՝  էմոցիաներս, դիմախաղերս շատ էին, բայց ռեժիսորի օգնությամբ հաղթահարեցինք այդ ամենը, հուսով եմ՝ դուք էլ հավանեցիք»,-անկեղծացավ երիտասարդ դերասանուհին:

Բացի Գոշից եւ Էլենից՝ այստեղ ֆիլմասերները կտեսնեն նաեւ Արթուր Սիմոնյանին, Թաթուլ Բոստանչյանին, Մովսես Նիկողոսյանին, Վազգեն Ծատինյանին, Պերճ Աբովյանին, Նարեկ Մախսուդյանին, Գագիկ Դուրմիշյանին, Ռոզա Մխիթարյանին, Արսեն Գրիգորյանին, Հովհաննես Պարանյանին, Գեւորգ Աբգարյանին եւ այլ դերասանների:

«Անմոռանալի օր» ֆիլմի պրեմիերայի մյուս մանրամասները՝ NEWS.am STYLE-ի ֆոտոռեպորտաժում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության