Հայկական երաժշտական նախագծերից հայտնի 21-ամյա երգչուհի Սոնա Դունոյանն իր ուժերը փորձեց նաեւ ռուսական «Ձայնը» նախագծում: Երիտասարդ երգչուհին ժյուրիի առաջ ներկայացավ Էն Մերիի Ciao Adios երգով: Ժյուրիի անդամները՝ Բաստան, Կոնստանտին Մելաձեն, Անի Լորակն ու Շնուրը խոստովանեցին, որ տպավորված են հայ երգչուհու ձայնային տվյալներով, սակայն նրա ելույթի ընթացքում, ցավոք, չշրջվեցին: Սոնան չանցավ նախագծի հաջորդ փուլ, սակայն չհանձնվեց եւ ժյուրիին հիացրեց իր ոչ մրցութային՝ հայելզու «Գութան» երգի ակապելլա կատարմամբ:
NEWS.am STYLE-ը զրուցել է Սոնայի հետ եւ պարզել՝ ինչ տպավորություններով է վերադարձել մրցույթից եւ արդյոք համաձա՞յն է ժյուրիի հնչեցրած կարծիքների հետ:
Սոնան խոստովանում է՝ միջազգային ֆորմատի այս նախագծին որոշել է մասնակցել հայտագրման մասին լսելուց անմիջապես հետո.
«Հայտը ուղարկելուց հետո սկսեց հեղափոխությունը` մեր բոլորիս պայքարի ու միասնության շրջանը, ու ես մի պահ մոռացա մրցույթի մասին։ Հետո, երբ ամեն ինչ խաղաղվեց, ես ստացա նամակ այն մասին, որ անցել եմ հայտագրման փուլը ու արդեն մի քանի օր հետո մեկնեցի Մոսկվա։ Այնտեղ ինձ սպասում էր մրցույթի վոկալ փուլը, որը շատ դաժան էր, (100-ից 20-նն էին անցնում)։ Զարմանալիորեն հաջող անցա այդ փուլը, քանի որ լավ երգիչները շատ էին, ովքեր մեկ անգամ չէ, որ մասնակցել էին մրցույթին»,-անկեղծացավ հայուհին՝ հավելելով, որ Էն Մերիի Ciao Adios երգն իր ընտրությունը չի եղել.
«Երգը, ցավոք, իմ ընտրությունը չէր, դա կախված էր որոշակի հանգամանքներից, որոնք ես նկատի կունենամ ապագայում (պետք էր մի փոքր համառություն,որը ես չդրսեվորեցի)»:
Ժյուրիի անդամները Սոնայի ձայնային տեմբրը նմանեցրել էին Շակիրայի տեմբրին: Նույնիսկ, կարծիք հայտնեցին, թե Սոնան նմանակում է հայտնի երգչուհուն:
«Դե, Շակիրայի հետ համեմատվելը մեծ պատիվ էր։) Իհարկե, կային որոշ նմանակման էլեմենտներ, բայց ոչ Շակիրայի երգեցողությունից։ Հաճախ մենք պետք է ընդունենք քննադատությունները` անկախ նրանից դրանք մեզ դուր են գալիս, թե ոչ, քանի որ դա անհրաժեշտ է հետագա ինքնակատարելագործման համար»,-ասում է երգչուհին՝ խոստովանելով, որ իր բոլոր ծանոթները հարցում են, թե ինչու մրցույթին չէր մասնակցել հենց հայալեզու կատարմամբ: Սակայն դրան եւս կա բացատրություն.
«Կային որոշակի անհամաձայնություններ երգի ընտրության հետ կապված։ Ես ցանկանում էի երգել ավելի զգացմունքային երգ, որը երաժշտական պրոդյուսերներին դուր չեկավ»:
Անկեղծությամբ աչքի ընկնող երգչուհին խոստովանում է՝ ելույթն իրեն չի գոհացրել.
«Ինձ դուր չեկավ ելույթս, հուզմունքս շատ էր։ Երբ դու բեմում ես, ամեն ինչ կախված է հենց քեզանից ու այս առումով գոհ չեմ ինձանից»:
Այնուամենայնիվ, Սոնային հրաժեշտ տալիս Մելաձեն նշեց, որ երգչուհուն կսպասի նաեւ նախագծի հաջորդ եթերաշրջանին: Սոնան էլ, կարծես թե, դեմ չէ իրականացնել երաժիշտի սպասելիքները:)
«Մի բան է քո երկրում մասնակցել մրցույթի, այլ բան է օտար երկրի բեմում ներկայանալը, միանգամայն տարբեր զգացումներ են։ Այդ զգացումները ինձ դուր եկան ու մյուս տարի նորից պիտի զգամ: Բացի այդ, Մելաձեին չեմ ուզում սպասեցնել»,-կաստակեց նա:
Լուսանկարները՝ Սոնա Դունոյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ